标签: Stellantis

  • 廣東阿爾卑斯山 自駕即達 兩種玩法

    廣東阿爾卑斯山 自駕即達 兩種玩法

    圖:Alex / Mann

    自從港府大陸之間,開放咗廣東自駕回鄉之後,真係非常利好中意自駕遊嘅車友。當然啦,雖然自駕遊範圍僅限廣東地區,不過今次對於廣東地區千篇一律的亞熱帶「綠色」風情,我哋亦可以睇到不一樣嘅風景地貌。

    自駕遊直達,進入廣東之後下載一個「高德地圖」導航APP,然後搜「浮日藍礦咖啡」,開啟今次自駕啦!

    根據導航帶路,順利的話三個鐘車程,我哋會去到佛山和肇慶嘅交界處——一個群山環繞但係光禿禿嘅地方。如果客流量巨大,可以考慮提前停車係半山停車場,然後一小段階梯拾級而上就會到達目的地。體能零要求,無需任何裝備,注意防雨防曬即可。

    歐洲最靚嘅景點,一定走唔甩阿爾卑斯山;中國最出名美景,一定會有西藏深處神秘而美麗嘅「日照金山」。而兩者共通之處,就係都會有高山寒帶寸草不生嘅禿石峰頂,尼樣嘢係地處亞熱帶兼並無高海拔山峰嘅廣東,實在不敢想象。

    但係充滿想象力嘅廣東人,就係可以喺亞熱帶平原,「模擬」出高山天池嘅美景。並且喺最高處,開咗一間風格獨特嘅咖啡店。

    無錯了,明眼人可能已經辨認到,呢度係一個巨大的廢棄礦場。巨大的礦坑底部由堅硬的岩石構成,日積月累的雨水以及地下水滲透,讓礦坑變成咗一個深藍色的深水湖泊。由於礦坑底部並無任何泥沙以及水生植物,所以水質非常清澈。

    係山頂咖啡店二樓觀景台可以欣賞到礦坑全貌。湖心半島可見浮潛以及漿板等水上娛樂設施,可惜入場需要另行預約,我哋只好擇日再體驗了。

    講翻咖啡店本身啦!三角形鋼結構裝修風格真係令處女座非常之安心,冷氣大廳抵禦烈日嘅頂層隔熱非常之有誠意,二樓採光採景方式獨到,就算放係任何地方呢種風格嘅咖啡店都可以單開一篇來講。無奈,風景實在太好令到咖啡和建築風格反而黯然失色。不過風景免費,飲料咖啡¥30+,良心!

    浮日藍礦咖啡呢座礦山水庫,其實仲有一個更加傳統而浪漫嘅名稱,叫做「關山肚」。這是本地人幫這個大礦坑改嘅稱呼,「肚」諧音「度」,聯想到古詩《木蘭詩》「萬裡赴戎機,關山度若飛」。意為不遠萬里找尋戰機,飛快的跨過一座座關卡和大山,似極了自駕遊的過程。

    另外,關山肚個「肚」也可以解釋為「深處」,泛指大山深處;同時「肚」又係一種形狀,形容又深又大的礦山湖,兜住咗一大潭水。無論點樣去想象,都非常之有詩意。

    無錯了,講咁多典故,我哋又要解鎖「關山肚」另一種玩法,亦係經典遊玩路線,亦係隱藏路線,探險路線。全程免費,需要一定駕駛技術,輕微徒步登山10min,有可能會踩到幾腳山泉水添。

    Step 1,又係需要打開「高德地圖」APP,搜「志高空調四會製造基地(南門)」;

    Step 2,先搵到下左圖的小路口,勉強可以開汽車通過,大膽D!

    Step 3,開車進入200米,就會見到礦山最佳觀景(上圖),然後就可以就近空地泊好部車了;

    Step 4,找到下右圖,附帶山路危險公示牌的山泉小路,大膽徒步進入!

    Step 5,步行約10min見到光禿禿的山頂,恭喜你,成功潛入山頂咖啡店!

    當然,上山良好的路況以及足夠成熟嘅半山停車場,加上景區免費,筆者並不支持大家去走探險路線(探險狂熱份子可以無視)。不過有機會再來遊玩的話,更希望可以體驗水上娛樂甚至水底浮潛。至於玩到餓了,周邊美食推薦下載「大眾點評」APP,搜附近的「農莊」。推薦本地菜色,「大盤雞」、「山坑魚」,真係可以食到現場屠宰嘅新鮮食材嘎!

  • 兩個只能活一個?比利時大獎賽Russell退賽Kimi再次奪冠

    兩個只能活一個?比利時大獎賽Russell退賽Kimi再次奪冠

    2026 賽季 F1 第十站比利時大獎賽於7 月 17-19 日來到了比利時Circuit de Spa-Francorchamps。Spa-Francorchamps坐落於比利時阿登森林(Ardennes Forest),全長7.004公里,是F1賽歷上單圈距離最長的永久性賽道,正賽共44圈,正賽比賽里程為308.052km。整條賽道穿行於山谷與森林之間,賽道各區域海拔變化較大。約80%的單圈里程處於全油門狀態,這對動力單元、輪胎和車手體能都是極限壓榨。

    賽前官方文件顯示本站將設置有5段直路模式(Straight Mode)啟動區域,超車模式(Overtake Mode)探測點和啟動點在19號彎前後。Eau Rouge與Raidillon (T2-T4)高速彎組合是賽車空氣動力學極限的標誌,Kemmel 超長直路模式啟動區預計會產生不少精彩鏡頭。

    排位賽單圈最大充電能量為7.0MJ,正賽單圈最大充電能量為8.5MJ,超車模式(Overtake Mode)下單圈最大充電能量為9.0MJ。

    Pirelli為本站帶來了C2(硬胎)、C3(中性胎)、C4(軟胎) 三款乾地輪胎配方。

    排位賽—–

    在香港時間週六晚上進行的排位賽(Qualifying),Mercedes車隊的Kimi Antonelli以1:44.361奪得杆位,獲得個人本賽季第6個杆位,這是 Mercedes 車隊在 2026 賽季現時為止全部 10 場大獎賽中第 10 次奪得杆位。Red Bull 車手 Max Verstappen 落後 0.317 秒位列第二,McLaren 車手 Lando Norris 跑出 1:44.801 原本位列第三,但因更換動力電子單元被罰退 10 位起步。

    Q1被淘汰:Albon(Williams)、Ocon(Haas)、Bottas(Cadillac)、Perez(Cadillac)、Alonso(Aston Martin)、Stroll(Aston Martin)

    Q2被淘汰: Lawson (Racing Bulls) 、Gasly(Alpine)、Colapinto(Alpine)、Hülkenberg(Audi)、Sainz(Williams)、Bearman(Haas)

    Q3 第一輪飛馳圈 Norris 表現驚艷,在第二計時段(S2)做出全場最快,以 1:44.801 暫列第一,領先 Antonelli 0.039 秒。Oscar Piastri 在 Stavelot 出彎輕微失誤掀起大量砂石,賽會出示紅旗,暫時中斷比賽以便清理賽道。紅旗結束後最後4分鐘10部賽車陸續出場進行最後一輪飛馳圈。Red Bull 安排因超標更換部件被罰至隊尾起步的 Hadjar 為 Verstappen 提供尾流, Verstappen因此提升約 0.3 秒至 1:44.678,短暫佔據第一。Antonelli 隨即以 1:44.361 反超,強勢奪得杆位。

    由於Lando Norris被罰退 10 位起步, George Russell上升至第三起步。Ferrari 兩位車手 Charles Leclerc 與 Lewis Hamilton分列 第四和第五位。

    正賽—–

    五盞紅燈熄滅,所有賽車順利進入一號彎。Max Verstappen 在 La Source(一號彎)超越 Antonelli,但隨後被 Antonelli 與 Leclerc 雙雙反超。後方 Lewis Hamilton 與 George Russell 發生碰撞,Russell 失控衝入砂石地無奈退賽,賽會出動安全車。

    安全車結束後,Verstappen 做出當時最快圈速的同時超越 Leclerc 回到第二位。Leclerc 在此過程中與身後 Piastri 發生碰撞,Piastri 賽車有部件掉落,經賽會調查後兩位車手均未受到進一步處罰。

    第 9 圈,Hamilton 超過 Piastri 升至 第四位。隨後賽會宣布因此前與Russell的碰撞,Hamilton被處以5秒罰時。

    第 18 圈,Verstappen 進站換上硬胎,試圖以 undercut 反超,隨後一圈 Antonelli 也進站換上硬胎。

    第 20 圈因需清理賽道內的碎片,賽會出示虛擬安全車(VSC)警示,Ferrari 藉此上演同圈進站,Leclerc 與 Hamilton 同時換上硬胎。Leclerc憑着VSC下進站耗時更少的優勢超越 Antonelli 暫時領先比賽,Hamilton 也完成 5 秒罰時。第 22 圈,Norris 被 Leclerc 超越,Leclerc 正式成為新的領跑者。第 26 圈,Antonelli 超越 Norris 回到第二。

    第 29 圈,Verstappen 也超過 Norris,Antonelli 追到 Leclerc 身後約 2.2 秒。

    第 30 圈,Antonelli 進一步將差距縮小到 2 秒左右。Norris 在本圈進站換上中性胎,但 McLaren 車隊換胎時左後胎卸不下來,導致本次進站耗時長達7.8 秒,Norris 大半場的努力追擊基本清零,出站後他落到 Bortoleto 身後,暫列第八。

    第 34 圈,Antonelli 完成對Leclerc的超越,重新奪回第一位。最終Antonelli 順利將第一維持到最後,成功奪得本站冠軍。

    Mercedes 本賽季已經有5個分站只有一部賽車完賽得分,今站Russell早早退賽也為其對世界冠軍爭奪造成沉重打擊。Leclerc與Hamilton本站繼續雙雙有好表現,在車隊與車手積分榜繼續與Mercedes保持競爭懸念。由於Kimi贏得本站冠軍,Russell在車手積分榜從落後 Antonelli 25 分擴大至 45 分,並且再度被 Hamilton 超越跌落第3位。Verstappen本站獲得第3名也為Red Bull達成隊史第300次頒獎台成就。

    7月24至26日F1將會進行夏休期之前的最後一站——匈牙利站,屆時在一條與本站賽道特性完全不同的賽道進行比賽,意味着完全不同的能量部署策略。還有此前外界盛傳Aston Martin將會帶來改頭換面的升級,小編個人的確有幾分期待,畢竟自2026新規實施以來,該隊一直沉寂至今,届时升級實際效果如何,我們拭目以待。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 掃把佬正式推出經典車計劃

    掃把佬正式推出經典車計劃

    隨住掃把佬Impreza車型嘅年歲增進,曾經都覺得頗為後生俗稱「789代」嘅GD世代都已經邁入咗二十年關卡。而GC世代更唔使講早已經進入「Classic Car」嘅行列。車年是已高加上原廠零部件陸續停產,對於唔少用戶或者玩家而言,繼續去持有一台Classic Car都係一個比較高難度同高投入嘅課題。此前筆者認識咗一個GC車型玩家,部分零部件嘅停產甚至令佢要去嘗試自己去進行復刻,特別係某類關鍵部位嘅橡膠件,密封件,塑料部件。

    正好有個消息,掃把佬方面正在傾聽其最熱情嘅車主意見,並為 GC 世代嘅 WRX 和 STI 提供替換零件。實際上其他日本製造商如萬事得同日產,都有類似服務,而且最初只係日本提供傳統零件支持,但後來擴展到美國市場。按照掃把佬方面嘅規劃,暗示其他車型都會好快獲得相應支持,甚至包括早期的美國市場車型。

    掃把佬目前嘅Heritage Service Program最初僅限於日本市場服務,主要針對基於GC底盤的WRX和STI車型。然而其他汽車公司提供的零件項目最初都係日本進行試點,理論上只有日本車主才能享受到這兩家公司提供的原廠修復服務,不過零件最終都開始在海外銷售。所以對於香港嘅GC車主,實際上唔存在太大購買難度,無非都係日本網站直接購買。

    官網上面有相關配件列表,有興趣嘅車友不放上去睇睇有無心水零件

    至於GD世代「蟲眼」「淚眼」「鷹眼」WRX和STi嘅車友都唔好灰心,有好消息:掃把佬好有可能會開始著手GD世代,實際上目前GD世代零件依舊在產,尚未完全停產,加入經典車計劃後,相信部分停產零件會得以復產。放眼全球,美國市場對掃把佬至關重要,而且新世代STI車型目前又處於停產狀態。因此掃把佬方面會有相關計畫正在醞釀之中,有可能為美規STI即將迎來25週年紀念之際,推出相關車型嘅經典車服務。

    講翻目前日本方面嘅規劃先,掃把佬經典車服務中心係橫濱一年一度的「懷舊2日」車展上正式推出,為上世紀90年代中期的WRX和STI車型(GC世代)提供各種零部件,其中包括引擎密封件、前大燈以及諸如密封條之類的易損件。該計畫嘅推出源自一項針對日本斯巴魯車主的廣泛調查,調查顯示,廣大車迷不願出售愛車,更願意長期持有。

    掃把佬方面,以一種相當務實嘅方式著手製定其替換零件清單,他們拆解咗高咪數(超過12.5萬miles)嘅車輛,確認故障所在。掃把佬經典車服務專案擁有自己嘅網站,網站上列出嘅零件應該可以透過斯巴魯日本經銷商網路訂購。另外網站上還有一個選項,車主可以提交他們希望看到的升級方案,相當貼心。

    相信不久嘅將來會有更多車型支持,對於廣大玩家確實係利好消息。

    全球範圍內,STI和WRX車主應該都感同身受,佢地或許並不太喜歡現款WRX的大觸控螢幕和車重,缺少咗過往嘅「純粹」,筆者其實非常希望哩項計畫能夠推廣到全球範圍,確保世 界各地嘅大尾翼和「大鼻窿」可以長久陪伴車主。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。
  • 圖集 發現個影車勁有格蘭披治Feel嘅地方!

    圖集 發現個影車勁有格蘭披治Feel嘅地方!

    發現一個影車勁有格蘭披治Feel嘅地方!有Macau澳門格蘭披治同款賽車大樓,有格蘭披治同款金屬護欄,仲有衝線方格塗裝嘅地面,可以擺個靚Pose幫部前漆影番輯靚相添啊!

    PS:適逢遇上當地車友聚會,有大把靚車靚女,仲有好多網紅車仔攤檔。地址在文末。

    這個地方位於中國廣東省佛山市南海區「千燈湖」商圈,近年北上娛樂流行,有幸成功申請粵港澳駕駛許可的朋友可能都已經知道咧個「風水寶地」。千燈湖免費景區非常出片好行,旁邊大基綠道啱曬4+2爆單車,美食方面桑拿雞桑拿魚、冬瓜浸雞、魚生、豬雜粥等聽到流曬口水;另外附近海八路車城、快捷汽配城、粵豐汽配城以及好多工廠級「大店」順便整備車輛,快捷方便。作為預告,讀者朋友們不妨期待OptionFans Magazine為大家帶來《人車生活》欄目之「千燈湖」專題內容啦!

    Words@Alex / Photography@Alex,Mann

    地址:GOOGLE地圖廣東省佛山市南海區華翠北路大概圖中河道旁

  • 廣東車展?No!廣東玩具車展至啱

    廣東車展?No!廣東玩具車展至啱

    圖:ENZO/ALEX

    颱風「樺加沙」前的週末,閒來無事識埋D九唔搭八嘅車友,話帶我去順德睇一個好特別嘅車展。我心霖「發達啦今次!順德喔,肯定係美食主題車展!逛吃逛吃!」一開始仲幾正常,停車場低趴聚會,飄移表演,門口各種攤販賣零食。啊,點知……你自己睇圖啦!

    當我發現Show Car隔離個價目表,係講緊一百幾十蚊一部車嘅時候,一切已經太遲了。無錯,今次車展嘅主題就係模型、遙控車、玩具、紀念品周邊等等!就連部初代GTR Show Car都係有各種比例縮小嘅模型賣緊。

    今次中國人揚眉吐氣!比美高模型嘅展台大大張海報影住中國車手葉一飛,登頂利曼24小時耐力賽冠軍。法拉利授權嘅葉一飛同款戰車都係講緊幾十蚊人仔起。

    正片開始之前,放几張國產玩具廠商嘅火車模型先,其實都幾有英國汽車博物館Feel嘎,現場買展會限定款嘅遊客排曬長龍。

    今次參展嘅大部分都係玩具展商,而且大多數好有誠意咁係帶佈景咁展出俾我哋睇嘎。現場好多模型車都係有主題咁出現,除了單一車型各種花款,譬如平成年代JDM主題、007主題。

    同埋今個車展,遙控車都係好重要嘅一個項目。最有趣嘅係大部分展示會攞埋帶有佈景嘅賽道出來,比大家試玩遙控車。山路飄移主題、檯球爭霸賽主題,都非常有趣。部分賽道都係可以售賣嘎!

    講明車展,肯定唔會全部都係玩具車啦!一定有大家中意睇嘅……改裝車、越野車、老爺車、JDM、電影Show Car等等啦!以及本地網紅、車手都會有粉絲見面簽售會。

    筆者勁中意嘅四眼仔蓮花Exige小跑車。蓮花品牌目前歸屬中國吉利汽車集團,所以新款基本電氣化,輕量化燃油小跑車就買少見少了。

    三菱Delica有一期興起咗改成硬派越野車咁玩,不過就咁玩下個越野樣,出街賣下周邊小商品,或許更加適合。

    至於電影或遊戲Show Car一定係一個相對門檻比較低嘅展示類別,有無人幫手辨認下圖中嘅小姐姐來自邊個作品呢?當然,變形金剛、狂野極速全家福、頭文字D、灣岸Mid-Night、憨豆先生等等影視主題,都有出現。

    另一個令筆者感興趣嘅一定係老爺車呢Part,同影視作品相關嘅老爺車更加容易穩到共鳴,每一款車之所以經典,背後一定會有個故事。

    雖然平治AMG GT性能無敵,但係居然取消咗鷗翼門!所以筆者會更中意前代平治SLS系列。不過老爺車,亦都算係玩具車嘅一種啦!畢竟企係日常使用便利性來講,完全無法同新款車相提並論。今次車展,仲有好多介乎於玩具同車輛之間嘅產物,譬如Mini Bike以及爆改電動踏板車。

    車展都幾大下,佔用咗順德潭州會展中心嘅其中4個館。作為車展來講規模尚可,但係作為玩具車展來睇,絕對算得上亞洲頂流嘅存在了。行到餓餓地添,既然地處美食之都大順德,我又要點開「大眾點評」APP,篩選10Km範圍內的順德美食了。

  • 神秘低調佳特力Celestiq新車落地

    神秘低調佳特力Celestiq新車落地

    就睇第一眼,這種科幻感,讓人誤以為又係神秘東方力量加持下的產物。不過今次新車落地系西方嘅佳特力Celestiq豪華旗艦行政車,等同於美國人的勞斯萊斯。

    佳特力Celestiq一直都係電腦渲染圖,今次係實車落地,由圖中酒店的所有者購買。Celestiq價值35萬美元起步,而且同勞斯萊斯一樣支持部分配置定制選擇,號稱「不會出現兩台完全相同的Celestiq」。而且自帶通用汽車總裁嘅親筆簽名,已經值回票價。

    Celestiq動力部分目前基於純電平台,雙電機四輪驅動可以輸出可觀嘅655ps馬力以及875N/m扭矩,對應車重超過3噸的「大遊艇」,3.7秒即可時速破百,依然可以保證高效移動。

    由一個111千瓦時嘅電池供電,續航能力則公佈為488km。對比歐洲或者中國嘅豪華級別電動汽車,數據顯然略微保守。但如果話你知:車上有成150個金屬零件需要獨立3D打印,而不是流用其他車型的零件;全靠誠意打動你,而不是冷冰冰的數字。你是否會埋單呢?

    超過5.5米車長,基礎款22寸可選配23寸巨型肽鈴,11英吋主顯示屏,全車約40個環回立體聲道,搭配極其科幻嘅外觀,作為酒店禮賓車絕對夠班。

    圖片來自通用汽车,觀點僅代表作者個人;如果冒犯倍感抱歉,請立刻聯繫我們。

  • F1「王朝」級車隊的2026爭冠已經開始咗

    F1「王朝」級車隊的2026爭冠已經開始咗

    點解法拉利雙車DNF?

    點解揸平治F1慢到要讓車?

    兩支建立過「王朝」的車隊,四位公認嘅天賦級選手,點解可以搞出咁多問題?

    2025 F1 荷蘭站對於關注豪門車隊的粉絲來講真係非常遺憾。法拉利今次係實實在在炒車雙車退賽(DNF),而不是中國站咁違規被判取消成績(DSQ)。至於平治車隊,一台疊加罰時15秒罰到無積分,一台無任何速度,慢到要讓車,最後仲要係紅牛二隊的新手身後完賽。昔日的六連冠、八連冠車隊,放眼如今,真係太慘烈了。

    好了,又要提及平治車隊CEO Toto「教育」我哋車迷,關注未來,注重車隊發展的可持續性!所以Keep住「可持續」的經營思想去考慮問題,就不難理解各大曾經建立王朝嘅車隊的近期表現了。企係車隊角度,2026規則大改,地效規則已經最後一年;且2025爭冠顯然沒有希望,如今預算帽限制大前提下,多數車隊會選擇將工作重點轉向未來。

    今次荷蘭站平治車隊的速度穩定但不算快。天賦新人安東尼利(ANT)屢屢犯錯(兩次犯規共15秒罰時),最後關頭再次丟失重大積分但依然會得到栽培。點解?咁就要從法拉利車手陸克萊(LEC)同平治車手羅素(RUS),兩位都被公認車隊領軍人物之間的一次貼身肉搏開始講起。尤其關注LEC賽道上對唔同對手的態度。

    對小車隊客客氣氣

    本站LEC P5起步,正賽速度略快於P4 HAD(超常發揮的紅牛二隊新手赫查)。一直被HAD阻擋但LEC非常客氣,居然無冒險硬超(荷蘭古典賽道難超車),忍咗23圈LEC主動求變入Pit尋求策略上的機會。但!LEC入完Pit個一剎那,就黑仔到隊友撞車引發黃旗,大部分車隊入站賺時間差,搞到名次反而跌咗一位,跌到RUS身後。

    對大車隊心狠手辣

    多次黃旗壓縮車陣大家都好貼近。32圈借助黃旗結束,緊接DRS開啟嘅時機,LEC貼住RUS偏中線防守而抽外線進攻,S二連彎極限換位超車,換位後係第二個彎LEC強插彎心並排,甚至行出碎石路完成超車,霸道至極!筆者願稱之為LEC生涯最強硬的一次超車!至於是否合法?LEC是否賽道外獲利?FIA甚至未能第一時間調查清楚。

    RUS同LEC嘅極限肉搏,畫面隱約看到RUS底板有個類似於渦流發生器狀的物體飛出。賽車受損RUS速度狂跌,好快通過車隊指令讓出了位置比身後的隊友ANT去實施對LEC的追擊報復,新人ANT亦不負眾望好快貼近到法拉利賽車。LEC今次生涯最強硬的畫面,好快就會被另一個更強硬的人終結。我哋甚至隱約聽到(並無)來自Toto的車隊指令:「同我做低佢!」

    來自大車隊的報復

    今次博弈始於策略,ANT先手入Pit企圖Under cut,LEC後入立即回應。此時ANT熱胎vs剛出Pit冷胎LEC,2、3號連續S彎遭遇出Pit即斗!注意又係S彎,而且后彎係著名的19度傾斜拋鍋彎。但ANT係2號彎未能並排,只能在3號拋鍋彎籍輪胎優勢強插內線。此時LEC行鍋頂快線,ANT行鍋底慢線,但係顯然入彎速度太快,ANT大幅推頭外拋,毫無意外咁將LEC頂上墻。世界名畫!LEC被頂到彈起咁Spin退賽,平治賽車著名黃金右前堅如磐石,居然只係爆胎。

    豪門博弈

    當然今次責任顯然屬於更無經驗的年輕人ANT,FIA罰時10s合情合理。但係,作為規則末期且無法爭冠的兩支大車隊,係唔係真係有必要死纏爛打呢?換一種霖法,規則大改之後,最大的爭冠對手是誰?一樣會係四大豪門(法拉利、平治、紅牛、麥拿倫),而且據聞平治車隊已經係新規引擎研發當中領先。

    所以豪門車手之間互相標記對抗,更多了解對手非常合理。18歲新人ANT需要係對手身上學的東西實在太多;甚至合理懷疑平治車隊內部已經達成共識,放棄賽季利益去讓ANT同將來的對手,LEC、韋斯特賓等人爭取貼身肉搏的學習機會。何況,很多人相信天才的成長經歷可能驚人的相似。當初17歲出道的韋斯特賓,都係一路激進猶如魚雷咁成長成世界冠軍嘎!

    FORMULA 1 HEINEKEN DUTCH GRAND PRIX 2025 – RACE RESULT
    29 – 31 Aug 2025
    POS.NO.DRIVERTEAMLAPSTIME / RETIREDPTS.
    181Oscar PiastriMcLaren720.0684010325
    21Max VerstappenRed Bull Racing72+1.271s18
    36Isack HadjarRacing Bulls72+3.233s15
    463George RussellMercedes72+5.654s12
    523Alexander AlbonWilliams72+6.327s10
    687Oliver BearmanHaas72+9.044s8
    718Lance StrollAston Martin72+9.497s6
    814Fernando AlonsoAston Martin72+11.709s4
    922Yuki TsunodaRed Bull Racing72+13.597s2
    1031Esteban OconHaas72+14.063s1
    1143Franco ColapintoAlpine72+14.511s0
    1230Liam LawsonRacing Bulls72+17.063s0
    1355Carlos SainzWilliams72+17.376s0
    1427Nico HulkenbergKick Sauber72+19.725s0
    155Gabriel BortoletoKick Sauber72+21.565s0
    1612Kimi AntonelliMercedes72+22.029s0
    1710Pierre GaslyAlpine72+23.629s0
    184Lando NorrisMcLaren64DNF0
    NC16Charles LeclercFerrari52DNF0
    NC44Lewis HamiltonFerrari22DNF0
    2025 Drivers’ Standings
    POS.DRIVERNATIONALITYTEAMPTS.
    1Oscar PiastriAUSMcLaren309
    2Lando NorrisGBRMcLaren275
    3Max VerstappenNEDRed Bull Racing205
    4George RussellGBRMercedes184
    5Charles LeclercMONFerrari151
    6Lewis HamiltonGBRFerrari109
    7Kimi AntonelliITAMercedes64
    8Alexander AlbonTHAWilliams64
    9Nico HulkenbergGERKick Sauber37
    10Isack HadjarFRARacing Bulls37
    11Lance StrollCANAston Martin32
    12Fernando AlonsoESPAston Martin30
    13Esteban OconFRAHaas28
    14Pierre GaslyFRAAlpine20
    15Liam LawsonNZLRacing Bulls20
    16Oliver BearmanGBRHaas16
    17Carlos SainzESPWilliams16
    18Gabriel BortoletoBRAKick Sauber14
    19Yuki TsunodaJPNRed Bull Racing12
    20Franco ColapintoARGAlpine0
    21Jack DoohanAUSAlpine0

    圖片均來自F1車隊官方,觀點僅代表作者個人;如果冒犯倍感抱歉,請立刻聯繫我們。

  • 點解咸美頓揸法拉利又再上墻?

    點解咸美頓揸法拉利又再上墻?

    可能又係眾多「世界名畫」誕生的一場比賽,剛剛結束的2025 F1 荷蘭站結局非常令人驚訝。

    先報喜,年度冠軍大熱——麥拿倫車隊皮亞斯特利,桿位起步奪冠、領跑每一圈並獲得全場最快圈速,贏得人生第一個大滿貫;主場韋斯特賓(VER)穩定發揮,紅牛賽車P3起步P2完賽,紅牛二隊新人赫查P4起步P3完賽。至於其他豪門大拿都好多古古怪怪的問題,其中我哋重點關注法拉利以及平治兩大豪門車隊。

    其實睇練習賽已有跡可循,法拉利賽車速度唔算快但極其不穩定,多次出現驚險鏡頭。理解這種不穩定,要首先理解地效賽車以及這條古老的讚德福特賽道之間的關係。

    2025係地面效應賽車規則的最後一年,據車隊公佈有大約6成下壓力係來自於賽車底板,高速行駛時通過底板高速氣流抽真空將賽車壓實係地面之上。咁就牽涉到底板密封的問題了,賽道唔可能完全平整,賽車行駛過程中也不可能一直維持完全貼地。當賽車有時貼地有時唔係好貼嘅時候,車手就會反饋操控不安穩難以駕馭。

    講翻呢條擁有77年歷史,荷蘭讚德福特公園賽道的獨特之處了。賽道幾乎每一個彎都帶有向住彎心的內傾角,尤其著名的大拋鍋3號彎,傾角高達19度,根本行唔到正常Out-In-Out賽車線。再加上古典賽道地基不平路面顛簸;賽道對於2025兩米闊、五米幾長嘅F1賽車嚟講,非常狹窄,超唔到車;各種因素都決定咗,這條賽道看似有趣,但並不適合巨大的地效賽車。咁就可以解釋翻咸美頓(HAM)係點樣係3號大拋鍋彎失控上墻。

    多數人認為,短暫的小雨點打濕了3號彎鍋頂的油漆路面(有經驗的司機都知道油漆濕咗之後會好似踩雪屐咁跣),HAM自己貪心走大壓到油漆路面導致跣胎上墻。但筆者不願相信這是七屆世界冠軍會犯的低級錯誤,賽後採訪HAM描述入彎之前賽車已經丟失了車尾的穩定性。結合翻賽道2號反向減速彎加傾角突然增加,筆者更願意相信係下壓力丟失導致賽車一直在失控邊緣。

    咁點解同為法拉利車手的隊友陸克萊(LEC)控得住賽車,而HAM唔得呢?估計和駕駛風格有關,HAM以狠辣的剎車入彎著稱,操控得當對超車以及保胎都有幫助;LEC則更喜歡帶速度極限入彎,傾向於更快的圈速以及排位賽。可以參考翻同樣以「黃金左腳」剎車著稱的紅牛退役車手列卡度,前年駕駛同規則下的地效賽車參加荷蘭站練習賽時,在同樣位置不幸失控上墻撞傷了手指。

    哦!咁即係車隊唔去解決問題?你咁認為又啱又唔啱啵。企係車隊角度,地效規則都最後一年咯,且2025爭冠顯然沒有希望,如今預算帽限制大前提下,點解唔提前去投資未來?各大豪門車隊把嘴可以唔承認,但工作方針一定如此。正如平治車隊CEO Toto經常「教育」我哋車迷:「要注重車隊發展的可持續性,要關注未來……(哼,未先我哋點連贏八年車隊冠軍啊!)」

    圖片均來自F1車隊官方,觀點僅代表作者個人;如果冒犯倍感抱歉,請立刻聯繫我們。

  • 韋斯特賓的未來拍檔「2號車手」成熟時

    韋斯特賓的未來拍檔「2號車手」成熟時

    繼英國站「老兵逆襲」後排車隊登上領獎台之後,今次荷蘭站又有驚喜。不過今次主角係一位來自紅牛二隊的新手赫查(HAD)。

    無錯了,就係嗰位:2025第一站澳洲暖胎圈上場,傷心到哭泣離場;半路還接受了七屆世界冠軍咸美頓(HAM)的爸爸,作為卡丁車教練身份的擁抱以及安慰;以及不久前英國站雨戰懟爆平治車尾,攬炒平治「太子」安東尼利(ANT)雙雙DNF;眾多回顧都係出糗畫面的新手赫查HAD。

    但係!係所有新手裡面,HAD表現居然係最穩定嘅,每次排位賽都可以衝系所有新手前面,積分區以及Q3常客,甚至對比平治力捧的天賦型車手ANT更加穩健。

    同老兵逆襲「劇本」有所不同,今次荷蘭站HAD由一開始就順風順水,排位賽超常發揮豪取P4,據說係得益一陣“順風”。身後跟住法拉利車隊陸克萊(LEC)、平治車隊羅素(RUS)兩位“大佬”級人物,形成麻鷹捉雞仔陣勢。

    不過要記住,荷蘭贊德福特賽道係一條極其古怪、刁鑽,起伏不平整,仲帶住個“拋鍋彎”,對“地效賽車”極不友好(練習賽各大車隊頻繁事故可見),關鍵狹窄難以超車的賽道。

    神奇嘅係,比賽由一開始,LEC就安安分分咁跟咗係HAD身後並無太多動作。甚至LEC第一次入站被法拉利隊友HAM炒車引發黃旗減速搞禍,反而跌位置。

    然之後LEC硬食RUS整壞咗RUS嘅底板,RUS失去速度根本追唔上HAD,後來仲讓位比隊友ANT去追擊LEC以及HAD。

    更神奇嘅係,ANT憑藉先手入Pit企圖Under cut LEC,被法拉利召入防守回應,遭遇冷胎出Pit即鬥。ANT企圖用熱胎優勢做低LEC,點知顯然經驗不足,發動咗一次看似愚蠢但其實並無選擇的超遠距離進攻,直接攬炒咗LEC雙退。自此HAD身後的威脅,法拉利以及平治所有豪門賽車,全部退賽或失去競爭力,HAD坐穩P4。

    此時,HAD默默許願,如果前方有人再退賽,自己就可以登上人生第一個最高級別賽車的領獎台了!或許係HAD足夠虔誠,好快麥拿倫車隊的羅禮士(NOR)發生漏油,P2退賽;HAD升P3!安全車壓縮車陣,比賽準備重啟,對於HAD來講,係機會亦都係挑戰,畢竟揸得F1賽車,無個系善男信女。

    後來的故事,大家都知道了,HAD頂住壓力,成功守住咗P3。隨著HAD亮眼表現,升入大紅牛搭檔四冠王韋斯特賓(VER)的呼聲越來越高,甚至被視為明日之星。但反思又來了,這個領獎台的技術含量究竟有幾高呢?

    首先要講翻紅牛二隊嘅賽車調教,同一隊有根本上的區別。大紅牛賽車基本係圍繞住VER量身定做,可以概括為速度快,但賽車操控神經質,容錯率極低。

    而小紅牛的賽車,屬於犧牲了整體下壓力,速度不快,但駕駛非常舒適,對新手友好。咁就可以解釋從二隊提拔上一隊的車手,表現均不理想(例如早幾年的艾邦、加斯利、佩雷斯,近期的羅臣、角田)。而再次回到二隊之後,又很快恢復應有的水平(加斯利、羅臣)。

    所以對於HAD來講,小紅牛賽車一定係一部適合自己的好車,對於幫助車手穩定發揮一定係有幫助的。甚至有人話,小紅牛賽車好到可以比肩平治、法拉利甚至大紅牛三大車隊?筆者又另有睇法了。

    三大豪門車隊見奪冠無望,車隊資源以及工作重點都轉向了2026,可以話係擺爛狀態(車隊不承認但車迷心知肚明)。今場法拉利的LEC對HAD進攻心慈手軟,而面對平治車隊的RUS無所不用其極;同樣平治車隊的ANT今年面對法拉利、大紅牛兩次“魚雷”雙退,可能都引證了:豪門車隊之間依然在互相勾心鬥角,提前練手備戰2026。至於面對紅牛二隊的客客氣氣,或者係根本看不上眼罷了。

    再揭翻HAD過往履歷,生涯早期因為父母都係科學家出身,資金有限。直到2022年被馬爾科博士發掘加入紅牛青訓系統。2022年參加F3獲得P4升入F2;2023年F2沉船穩唔到狀態;第二年2024先加入爭冠行列,可惜差少少敗北如今沙巴車隊的新手波度列圖,P2畢業F2;2025升入F1紅牛二隊。

    對於資金有限,而且係主體為歐洲人的F1圍場,有色族裔(法籍阿爾巴尼亞人)可以上位獲得正式駕駛席位,實屬不易,HAD硬實力不容置疑。但一樣不排除,如果提拔上大紅牛之後,會遭遇紅牛2號車手魔咒。筆者認為對於HAD來講,最好的結局係跳出紅牛青訓體系,係其他F1車隊獲得正式席位。大家對尼件事又點睇咧?

    FORMULA 1 HEINEKEN DUTCH GRAND PRIX 2025 – QUALIFYING
    29 – 31 Aug 2025
    POS.NO.DRIVER TEAMQ1Q2Q3LAPS
    181Oscar PiastriMcLaren01:09.301:09.001:08.718
    24Lando NorrisMcLaren01:09.501:08.901:08.718
    31Max VerstappenRed Bull Racing01:09.701:09.101:08.918
    46Isack HadjarRacing Bulls01:10.001:09.401:09.218
    563George RussellMercedes01:09.701:09.301:09.318
    616Charles LeclercFerrari01:09.901:09.301:09.322
    744Lewis HamiltonFerrari01:09.901:09.301:09.421
    830Liam LawsonRacing Bulls01:09.801:09.401:09.518
    955Carlos SainzWilliams01:10.001:09.501:09.518
    1014Fernando AlonsoAston Martin01:10.001:09.401:09.617
    1112Kimi AntonelliMercedes01:09.801:09.5 12
    1222Yuki TsunodaRed Bull Racing01:10.001:09.6 15
    135Gabriel BortoletoKick Sauber01:10.001:09.6 12
    1410Pierre GaslyAlpine01:09.901:09.6 15
    1523Alexander AlbonWilliams01:09.801:09.7 12
    1643Franco ColapintoAlpine01:10.1  9
    1727Nico HulkenbergKick Sauber01:10.2  9
    1831Esteban OconHaas01:10.2  9
    1987Oliver BearmanHaas01:10.3  9
    NC18Lance StrollAston MartinDNF  2
    FORMULA 1 HEINEKEN DUTCH GRAND PRIX 2025 – RACE RESULT
    29 – 31 Aug 2025
    POS.NO.DRIVERTEAMLAPSTIME / RETIREDPTS.
    181Oscar PiastriMcLaren720.0684010325
    21Max VerstappenRed Bull Racing72+1.271s18
    36Isack HadjarRacing Bulls72+3.233s15
    463George RussellMercedes72+5.654s12
    523Alexander AlbonWilliams72+6.327s10
    687Oliver BearmanHaas72+9.044s8
    718Lance StrollAston Martin72+9.497s6
    814Fernando AlonsoAston Martin72+11.709s4
    922Yuki TsunodaRed Bull Racing72+13.597s2
    1031Esteban OconHaas72+14.063s1
    1143Franco ColapintoAlpine72+14.511s0
    1230Liam LawsonRacing Bulls72+17.063s0
    1355Carlos SainzWilliams72+17.376s0
    1427Nico HulkenbergKick Sauber72+19.725s0
    155Gabriel BortoletoKick Sauber72+21.565s0
    1612Kimi AntonelliMercedes72+22.029s0
    1710Pierre GaslyAlpine72+23.629s0
    184Lando NorrisMcLaren64DNF0
    NC16Charles LeclercFerrari52DNF0
    NC44Lewis HamiltonFerrari22DNF0

    圖片來自F1車隊官方,觀點僅代表作者本人,如有冒犯十分抱歉,請馬上聯繫我們。

  • 「地表最速阿伯」如何幫自己慶生?

    「地表最速阿伯」如何幫自己慶生?

    MV Agusta 這次搞出了一台限量版電單車——Superveloce 1000 Ago,全球只有 83 台,定價83,000歐元。是為了慶祝Giacomo Agostini 83歲大壽及品牌80週年而打造。

    「地表最速阿伯」Giacomo Agostini,這位慈祥又超勁嘅阿伯仍是電單車界最快男人之一,至今仍然保持眾多從 50cc 到 MotoGP 各組別最快圈速紀錄,並且係曼島TT賽道上贏得10場勝利。

    睇番台車,掀開整流罩,裡面收埋咗一顆猛獸級別的1000cc四缸引擎,在13000轉爆出208匹馬力,11000轉時輸出117牛/米的扭矩!這根本就係裝咗兩個輪嘅火箭吧?

    而且這台車不只快,仲好聰明:八段牽引力控制、四種騎行模式、快排、雙碟煞車系統,前後都配備電子可調的Öhlins減震,又快又穩陣(只要夠膽催谷副機器)。

    全車碳纖維輕量化打造,有啞光火紅以及啞光Magnum銀兩種配色,靈感來自Agostini當年部戰車。側面還有超搶眼的黃色「1」冠軍號圓牌,同時搭配黃色CNC大燈環,明擺話俾你知:「I’m speed!」

    每台車會附送一個「浮誇」嘅18K金編號銘牌;車匙會嵌入一個由Agostini在義大利伊莫拉賽道贏得嘅獎杯,製成的黃銅硬幣。

    仲沒完!買車直接送你Dainese定制皮衣+特別版AGV Pista GP RR頭盔。唔使加錢!成套上身一定靚仔到可以直接落賽道演偶像劇!

    Alcantara面料的坐墊上方有「Giacomo Agostini」名字銘牌。Ps:油箱上設計有一條多年未見嘅抽車皮帶,再加上 CNC軚尺、碳纖維後腳踵護板等各種現代化電單車配置,最後一定有對鋼線車輪,簡直就係過去與未來的混血兒。

    它不只是一台電單車,而是一件有噪音且會噴煙的藝術品。只可惜限量83台,而且大概率已經被訂曬了!

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 可以免費獲取一台千萬級超跑嗎?

    可以免費獲取一台千萬級超跑嗎?

    先回答問題,可以的兄弟,可以!只要將貴公司部分稅前利潤,用於拍賣會並拍得一台價值2600萬USD的法拉利Daytona SP3超跑,所有拍賣所得法拉利會幫我哋捐給慈善機構。

    等同於:

    攞2600萬USD做慈善可以免費獲得一台超稀有法拉利;

    同時獲得來自政府巨額的稅費減免政策;

    另外再加上一個「超級善長人翁」的稱號。

    高於市值五倍,價值2600萬的法拉利Daytona SP3大有來頭。它是限量600台Daytona SP3中的最後一台,採用一半裸碳另一半Giallo Modena紀念塗裝;內飾特殊紋理使用了舊輪胎環保材料設計,係600台車當中獨一無二。

    不過機械部分依然屬於SP3標準配置。經典中置後驅佈局,6.5升自然進氣V12引擎輸出828匹馬力以及697牛/米扭矩,搭配7速雙離合自動變速箱。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 不看好的法拉利F50如今價值千萬美元

    不看好的法拉利F50如今價值千萬美元

     F50雖然都係當期法拉利最旗艦的跑車,但被指「不夠經典」、外貌過於超前不夠復古等因素,甚至車迷之間有句話以「F40之後再無經典法拉利」,來描述F50係收藏圈的尷尬地位。甚至乎,F50的繼任者ENZO因為旗艦系列全新的命名方式,部分呼聲都高於F50。

    不過今次件事反轉咗了,鍵盤黨壓不住Old money對法拉利F50的喜愛,這款僅生產兩部Giallo Modena塗裝的F50,其中一台在美國被拍賣出920萬美元的高價,半只腳已經叉入千萬俱樂部。

    美版F50法拉利一共生產了55部。當然,鑒於全球兩台特殊塗裝,加上少里程的稀有性,價錢水漲船高。近幾年車況優質的F50市場上交易價錢大多數在500萬USD左右,而這部Giallo Modena塗裝拍賣前估值也在650-750萬USD之間。可以拍出920萬足以證明F50係收藏圈的地位越抬越高。

    順滑的V12自然吸氣引擎加上大量真皮內飾的豪華屬性,就算距唔係法拉利,這種風格的設計在富豪圈亦非常討喜。還有另外一件事可以思考翻:今年2月份上一台拍賣成交的F50價格為550萬USD,但係里程數僅有不足2200公里。而今次成交的Giallo Modena F50里程數雖然不足9000公里,新買家顯然更看重其稀有性。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。