分类： 人車生活

  • Alpine超跑對等於AMG1及女武神 先做低拉利

    Alpine超跑對等於AMG1及女武神 先做低拉利

    Alpine超级跑車計劃 對等於Mercedes Benz AMG 1及Aston Martin 女武神 首先做低法拉利

    文：Alex

    近日雷諾旗下高端品牌Alpine又有所行動。雷諾F1 Team由2021年轉名為Alpine之後，眼見同樣係F1圍場「玩」得風生水起的Mercedes Benz AMG以及Aston Martin，分別推出頂級地效跑车AMG ONE以及Valkyrie女武神，顯然好有諗法。

    據外媒證實，Alpine正在研發一款高達1000hp馬力的混合動力超級跑車，後驅搭載V6渦輪增壓引擎，而前輪則電動驅動。咦，熟悉嘅配方喎？同現行F1賽車的動力配置如出一轍。但係，Alpine官方又稱，今次超級跑車計劃，更類似於Lamborghini Temerario以及Revuelto，甚至相等於人氣更高的Ferrari SF90。

    不過今次係由Alpine旗下F1賽車運動部門Alpine Hypertech，負責開發這款超級跑車的動力系統。該公司係2024年雷诺宣佈終止F1賽車引擎項目後成立的，同時搞緊Alpine耐力賽等多個赛車項目，睇嚟今次唔係玩玩下！

    圖片均來自網絡，觀點僅代表作者個人；如果冒犯倍感抱歉，請立刻聯繫我們。

  • 圖集 發現個影車勁有格蘭披治Feel嘅地方！

    圖集 發現個影車勁有格蘭披治Feel嘅地方！

    發現一個影車勁有格蘭披治Feel嘅地方！有Macau澳門格蘭披治同款賽車大樓，有格蘭披治同款金屬護欄，仲有衝線方格塗裝嘅地面，可以擺個靚Pose幫部前漆影番輯靚相添啊！

    PS：適逢遇上當地車友聚會，有大把靚車靚女，仲有好多網紅車仔攤檔。地址在文末。

    這個地方位於中國廣東省佛山市南海區「千燈湖」商圈，近年北上娛樂流行，有幸成功申請粵港澳駕駛許可的朋友可能都已經知道咧個「風水寶地」。千燈湖免費景區非常出片好行，旁邊大基綠道啱曬4+2爆單車，美食方面桑拿雞桑拿魚、冬瓜浸雞、魚生、豬雜粥等聽到流曬口水；另外附近海八路車城、快捷汽配城、粵豐汽配城以及好多工廠級「大店」順便整備車輛，快捷方便。作為預告，讀者朋友們不妨期待OptionFans Magazine為大家帶來《人車生活》欄目之「千燈湖」專題內容啦！

    Words@Alex / Photography@Alex，Mann

    地址：GOOGLE地圖廣東省佛山市南海區華翠北路大概圖中河道旁

    或者直接下載APP高德地圖搜索「燈湖天地龍瓴中心」

  • 大清已亡Golf GTI 50周年版紐北仍不敵Type R

    大清已亡Golf GTI 50周年版紐北仍不敵Type R

    近期國產小米電動汽車喺紐布格林北環賽道「瘋狂」行動，一眾歐洲「列強」仿彿銷聲匿跡？其實關注翻尚未發佈的VW Golf GTI Edition 50, 係「綠色地獄」雖然低調, 但亦有所行動。

    據外媒報道，這款即將上市的前驅鋼炮以7分46.13秒的成績跑完全程，並比四驅配置的Golf R 20周年版快咗1秒有多，同時比上一代GTI Clubsport S快成3秒幾啊！要解釋翻，GTI 50周年紀念版完成咗更長的20.8公里（12.9英里）完整一圈，而非只有19.1公里的「遊客圈」。

    視頻出處：https://youtube.com/watch?v=m1PanfuJ9yc

    即使GTI Edition 50已經係最快嘅「福士買餸車」，但仍落後Honda Civic Type R兩年前的記錄 1.25秒。Type R以7分44.88秒的成績跑完了20.8公里（12.9英里）全程。But除咗Type R粉，Who Care？

    VW公司打算等到今年6月20日才正式發佈GTI Edition 50。目前已知該單圈成績係由一輛配備選裝性能套件的測試車型創造。該套件包括更輕嘅鍛造鈴、定製版石橋Potenza 半R胎，以及部分未透露的底盤調整。但相信買Edition 50嘅理由：第一，紀念版更稀有更保值；第二，係對VW福士出品滿意嘅「回頭客」。

    而動力方面，Edition 50目前尚無任何升級消息。可以參考翻，標準八代半GTI Mk8.5搭載2.0T引擎輸出261Hp馬力，代號為EA888 LK3 evo4。但係留意翻GTI Clubsport系調校至296Hp馬力嘅。車載錄影證實，測試車使用咗自動變速箱，GTI Mk8.5開始就不再配備手動變速箱。而Golf R 也只提供DSG波箱，不過低版本的GTI在歐洲仍然有棍波可選擇。

    圖片均來自網絡，觀點僅代表作者個人；如果冒犯倍感抱歉，請立刻聯繫我們。

  • 寶馬發布BMW M2 CS新車

    寶馬發布BMW M2 CS新車

    暫時只有後驅自動波可選——寶馬發布BMW M2 CS新車

    日前，寶馬官方發佈了全新的寶馬M2 CS，作為一款更為賽車化的產物，M2 CS不論是外型還是機械硬件上都有不少的變化。外觀方面，鬼面罩位置改用無隔網設計，僅保留中央位置飾條。前包圍設計整體精簡了不少與空氣動力性能無關的外觀裝飾件，更為簡潔。

    圖：鬼面罩位置細節變化較大，僅保留了中央的飾條。

    圖：整車採用了多處輕量化設計，例如後備箱蓋採用碳纖維材質打造，並有一體式的上翹鴨尾。

    圖：後部配有碳纖維小擴散器，戰鬥格十足。

    硬件方面，S58直列六缸雙渦輪增壓引擎當然不會缺席。據寶馬官方表示，用於M2 CS上的S58基礎動力單元同樣使用在全球各大GT賽事的寶馬M4 GT4上，經過寶馬M部門的調教，M2 CS馬力達到530匹，扭矩650牛·米，百公里加速時間3.8秒。同時，相比普通的M2或M2C車型，更加引入了專為CS車型打造的強化機腳膠，可以保證激烈駕駛時，保持引擎穩定輸出。

    圖：S58是目前寶馬當紅的六缸引擎，M2 CS上這台更是源自M4 GT3。

    值得一提的是，M2 CS並沒有手動檔的選擇，僅有8速自動波可供購買。大部分車迷可能對此表示疑惑。據M部門主管Frank van Meel 解釋，目前市售寶馬量產車中，手動波箱實際上難以承受過多的扭矩，如果搭載手動變速箱，馬力降為下降至500匹以下；手動變速箱也難以釋放S58引擎的全部扭矩。即使是寶馬在 22年發布的3.0 CSL，實際上扭矩也被下調至550牛·米，以保證手動變速箱的穩定性，而且此車僅僅生產了50台，並沒有太大的參考意義。顯然這樣的「妥協」方案，並不適合於計劃生產2000台的M2 CS。

    圖：內飾多處CS專屬LOGO，當然是要告訴大家，我這台是CS！

    圖：目前M2 CS僅有8AT可選，日後是否會再次推出MT車型呢？拭目以待！

    另外，目前M2 CS並沒有四驅版本，全系使用後輪驅動配置，沒有四驅系統存在以及大量採用碳纖維材料，使得整車相比美規M2減重47KG，相比歐規M2減重30KG。

    相比M2C，M2 CS擁有專屬的賽化底盤調教，據稱底盤整體高度降低了8mm，整體重心降低，進一步提升車身的穩定性。不過，按照M部分的一貫操作，筆者認為M2 CS在懸掛杯士上面會有不同的落墨。Van Meel同時表示，專為M2 CS配套的半熱融輪胎會有更好的性能表現。

    圖：M碳陶煞車系統以及CS專屬的輕量化鍛造鋁合金輪轂，有效減少簧下質量。

    至於以後會不會有手動變速箱或者四驅版本推出呢？筆者認為未來M2 CS將會提供僅搭配自動變速箱的四驅版本，而手動變速箱仍然保留在後驅車型上面。

  • 1000cc小鋼炮做到d乜？極速250km/h瞭解下

    1000cc小鋼炮做到d乜？極速250km/h瞭解下

    Words@Alex

    呢部古怪的微型車仔搭載住一台1000cc自然吸氣「公升級」引擎，但係極度可以去到成250km/h咁高！對於一款「掀背車」來講，已經打敗咗路面九成嘅性能小鋼炮了。

    據外媒捕捉到，這台被遺忘的利曼原型車叫做Silver Fox銀狐，被收藏咗幾十年之後，卒之喺近日義大利埃斯特莊園重現，目前車況依然「一槍著」非常精神。

    咧台同樣微型的引擎來自雷諾，本來銀狐係打算征戰1967年喺法國舉行嘅利曼24小時耐力賽，不幸，其生產商Officine Stampaggi Industriali（OSI）喺開始比賽之前就已經倒閉，估計目前咧台銀狐係孤品。

    Officine Stampaggi Industriali，係一家義大利小型汽車改裝公司，以小批量改裝升級愛快·羅密歐、福特以及Innocenti等品牌的汽車而聞名。

    OSI設計咧款車睇落更似科學實驗而非賽車。Silver Fox採用雙體船佈局所以成條船咁款。左側駕駛艙後方，隱藏住一台1000cc雷諾 Alpine四缸引擎。為咗平衡番左右重量，駕駛員被安排坐喺右側艙室。

    整個空力佈局簡單而「殘暴」，其中中間有三塊大型擾流板連接住兩邊吊艙，可以根據賽道攻彎需要進行角度調整，喺下壓力和風阻之間揾到最佳平衡。

    可惜OSI嘅耐力賽夢未能長久，公司於1968年倒閉，Silver Fox亦未能登上利曼24小時耐力賽的起跑線。但好消息係，Silver Fox只生產咗一部，孤兒仔銀狐倖存至今。

    圖片均來自網絡，觀點僅代表作者個人；如果冒犯倍感抱歉，請立刻聯繫我們。

  • 討論下Aston Martin跑車的正確用途

    討論下Aston Martin跑車的正確用途

    Words@Alex / Photography@Enzo

    「喂，跑車就梗係要跑架啦，跑山！跑賽道！唔係買嚟做乜呀？」相信大部分車迷見到個標題都會想笑。當然唔使你教，有冇一種可能，就係大部分貴價跑車買翻嚟，都係社交工具或者叫「身份嘅象徵」？類似於，社交場合所需要的衣著打扮，名牌西裝名牌手錶。

    所以有理由相信，咧台200萬港元級別嘅Aston Martin Vantage F1 Edition車主，唔止一台車在手。咧台限量版只係其中一台收藏品，不排除車主會好似占士邦咁，擁有成個軍火庫！講完笑，我哋今次可以一邊拍攝，一邊用各種細節去論證F1 Edition，更加適合社交，而唔係賽道。

    提問！Aston Martin Vantage F1 Edition，同普通Vantage有乜唔同？眾所周知F1 Edition係Aston Martin汽車公司向F1等賽事提供嘅安全車，於2021年開始和Mercedes Benz AMG GTS共同負責FIA旗下部分賽事的安全車輪值。

    F1 Edition性能上對比普通2020款Vantage進行咗微調，賬面動力輸出達到534Hp馬力，扭矩為685N.m，動力部分搭載一台來自Mercedes代號為M177嘅4.0T引擎，而車重只有1570KG。放眼當今性能車電氣化時代，Vantage感覺上屬於輕型跑車了。呔鈴方面採用前19寸265/35 ZR19後20寸295/30 ZR20搭配，原廠車胎標配義大利輪胎品牌Pirelli(派拉利)P0系列。

    咧款「馬田」大嘴已經由60年代007占士邦戰車DB5流傳到現在。

    咪住，資深車迷即刻發現唔妥！作為Vantage同平台嘅姐妹跑車，Mercedes AMG GTS搭載編號M178引擎，配置咗更性能嘅乾式賽車油底殼。而Vantage配置了民用車常的見濕式油底殼，引擎代號M177，則來自於Mercedes另一台緊湊型房車C63s。哇，平治公司擺明大細超喔！

    因為需要重心居中增強彎道性能，引擎前中置，所以車頭太長，引擎上方做了三角結構補強。

    避震機塔頂佈置咗智能化機芯電調系統，可以通過駕駛模式去改變機芯阻尼等參數。

    生風直接喺車頭「馬田大嘴」吸入風箱，車速越快入風越多，電單車領域稱之為「衝壓式進氣」。

    「堅」機蓋開孔，令筆者聯想到近排好Heat嘅某米電動車高性能選裝包。當然，價錢唔一樣無可比性。

    作為社交場合多於賽道運動嘅跑車，引擎震動控制、機械噪音水準，或者先係出廠時更被關注嘅指標？而駕駛時可感受軚盤非常輕手，軚盤轉向比對比普通私家車反而更細，轉向異常直接激進，俾人一種玩遊戲機直接將靈敏度拉最高嘅錯覺。或者可以印證車廠刻意讓Vantage去迎合普通駕駛者，而非賽車手，即使仲有F1安全車嘅任務在身。唔怪得知F1車手拉素爾比賽時喺電台吐槽Martin安全車帶得太慢啦！

    2020年發佈上代Vantage之後，F1 Edition跟著就喺2021年發佈，馬力微微上調咗30hp。對於馬力500hp級別嘅跑車來講，可能只係寫個ECU程序換套死氣喉嘅區別。但F1 Edition全球限量500台，明顯更加保值，適合收藏，並凸顯社交屬性。目前新款Vantage2024已經發佈且性能大幅提升（基礎款高達600hp馬力），若有興趣入翻台舊款Vantage嘅車迷朋友，一定要認實個F1標！

    最後講個秘密大家聽，F1 Edition雖然是後置波箱，但係波箱被佈置喺車尾最低位，所以後備箱可以用空曠來形容，可以放全套高爾夫球具再加台折疊單車（私人物品太多不方便拍攝）。

    仲有，F1 Edition聲浪同Vantage風格唔同，前者聲線會更「邋遢」，而後者更斯文。

    以上觀點僅代表作者個人。