标签: ZEEKR

  • 兩個只能活一個?比利時大獎賽Russell退賽Kimi再次奪冠

    兩個只能活一個?比利時大獎賽Russell退賽Kimi再次奪冠

    2026 賽季 F1 第十站比利時大獎賽於7 月 17-19 日來到了比利時Circuit de Spa-Francorchamps。Spa-Francorchamps坐落於比利時阿登森林(Ardennes Forest),全長7.004公里,是F1賽歷上單圈距離最長的永久性賽道,正賽共44圈,正賽比賽里程為308.052km。整條賽道穿行於山谷與森林之間,賽道各區域海拔變化較大。約80%的單圈里程處於全油門狀態,這對動力單元、輪胎和車手體能都是極限壓榨。

    賽前官方文件顯示本站將設置有5段直路模式(Straight Mode)啟動區域,超車模式(Overtake Mode)探測點和啟動點在19號彎前後。Eau Rouge與Raidillon (T2-T4)高速彎組合是賽車空氣動力學極限的標誌,Kemmel 超長直路模式啟動區預計會產生不少精彩鏡頭。

    排位賽單圈最大充電能量為7.0MJ,正賽單圈最大充電能量為8.5MJ,超車模式(Overtake Mode)下單圈最大充電能量為9.0MJ。

    Pirelli為本站帶來了C2(硬胎)、C3(中性胎)、C4(軟胎) 三款乾地輪胎配方。

    排位賽—–

    在香港時間週六晚上進行的排位賽(Qualifying),Mercedes車隊的Kimi Antonelli以1:44.361奪得杆位,獲得個人本賽季第6個杆位,這是 Mercedes 車隊在 2026 賽季現時為止全部 10 場大獎賽中第 10 次奪得杆位。Red Bull 車手 Max Verstappen 落後 0.317 秒位列第二,McLaren 車手 Lando Norris 跑出 1:44.801 原本位列第三,但因更換動力電子單元被罰退 10 位起步。

    Q1被淘汰:Albon(Williams)、Ocon(Haas)、Bottas(Cadillac)、Perez(Cadillac)、Alonso(Aston Martin)、Stroll(Aston Martin)

    Q2被淘汰: Lawson (Racing Bulls) 、Gasly(Alpine)、Colapinto(Alpine)、Hülkenberg(Audi)、Sainz(Williams)、Bearman(Haas)

    Q3 第一輪飛馳圈 Norris 表現驚艷,在第二計時段(S2)做出全場最快,以 1:44.801 暫列第一,領先 Antonelli 0.039 秒。Oscar Piastri 在 Stavelot 出彎輕微失誤掀起大量砂石,賽會出示紅旗,暫時中斷比賽以便清理賽道。紅旗結束後最後4分鐘10部賽車陸續出場進行最後一輪飛馳圈。Red Bull 安排因超標更換部件被罰至隊尾起步的 Hadjar 為 Verstappen 提供尾流, Verstappen因此提升約 0.3 秒至 1:44.678,短暫佔據第一。Antonelli 隨即以 1:44.361 反超,強勢奪得杆位。

    由於Lando Norris被罰退 10 位起步, George Russell上升至第三起步。Ferrari 兩位車手 Charles Leclerc 與 Lewis Hamilton分列 第四和第五位。

    正賽—–

    五盞紅燈熄滅,所有賽車順利進入一號彎。Max Verstappen 在 La Source(一號彎)超越 Antonelli,但隨後被 Antonelli 與 Leclerc 雙雙反超。後方 Lewis Hamilton 與 George Russell 發生碰撞,Russell 失控衝入砂石地無奈退賽,賽會出動安全車。

    安全車結束後,Verstappen 做出當時最快圈速的同時超越 Leclerc 回到第二位。Leclerc 在此過程中與身後 Piastri 發生碰撞,Piastri 賽車有部件掉落,經賽會調查後兩位車手均未受到進一步處罰。

    第 9 圈,Hamilton 超過 Piastri 升至 第四位。隨後賽會宣布因此前與Russell的碰撞,Hamilton被處以5秒罰時。

    第 18 圈,Verstappen 進站換上硬胎,試圖以 undercut 反超,隨後一圈 Antonelli 也進站換上硬胎。

    第 20 圈因需清理賽道內的碎片,賽會出示虛擬安全車(VSC)警示,Ferrari 藉此上演同圈進站,Leclerc 與 Hamilton 同時換上硬胎。Leclerc憑着VSC下進站耗時更少的優勢超越 Antonelli 暫時領先比賽,Hamilton 也完成 5 秒罰時。第 22 圈,Norris 被 Leclerc 超越,Leclerc 正式成為新的領跑者。第 26 圈,Antonelli 超越 Norris 回到第二。

    第 29 圈,Verstappen 也超過 Norris,Antonelli 追到 Leclerc 身後約 2.2 秒。

    第 30 圈,Antonelli 進一步將差距縮小到 2 秒左右。Norris 在本圈進站換上中性胎,但 McLaren 車隊換胎時左後胎卸不下來,導致本次進站耗時長達7.8 秒,Norris 大半場的努力追擊基本清零,出站後他落到 Bortoleto 身後,暫列第八。

    第 34 圈,Antonelli 完成對Leclerc的超越,重新奪回第一位。最終Antonelli 順利將第一維持到最後,成功奪得本站冠軍。

    Mercedes 本賽季已經有5個分站只有一部賽車完賽得分,今站Russell早早退賽也為其對世界冠軍爭奪造成沉重打擊。Leclerc與Hamilton本站繼續雙雙有好表現,在車隊與車手積分榜繼續與Mercedes保持競爭懸念。由於Kimi贏得本站冠軍,Russell在車手積分榜從落後 Antonelli 25 分擴大至 45 分,並且再度被 Hamilton 超越跌落第3位。Verstappen本站獲得第3名也為Red Bull達成隊史第300次頒獎台成就。

    7月24至26日F1將會進行夏休期之前的最後一站——匈牙利站,屆時在一條與本站賽道特性完全不同的賽道進行比賽,意味着完全不同的能量部署策略。還有此前外界盛傳Aston Martin將會帶來改頭換面的升級,小編個人的確有幾分期待,畢竟自2026新規實施以來,該隊一直沉寂至今,届时升級實際效果如何,我們拭目以待。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 掃把佬正式推出經典車計劃

    掃把佬正式推出經典車計劃

    隨住掃把佬Impreza車型嘅年歲增進,曾經都覺得頗為後生俗稱「789代」嘅GD世代都已經邁入咗二十年關卡。而GC世代更唔使講早已經進入「Classic Car」嘅行列。車年是已高加上原廠零部件陸續停產,對於唔少用戶或者玩家而言,繼續去持有一台Classic Car都係一個比較高難度同高投入嘅課題。此前筆者認識咗一個GC車型玩家,部分零部件嘅停產甚至令佢要去嘗試自己去進行復刻,特別係某類關鍵部位嘅橡膠件,密封件,塑料部件。

    正好有個消息,掃把佬方面正在傾聽其最熱情嘅車主意見,並為 GC 世代嘅 WRX 和 STI 提供替換零件。實際上其他日本製造商如萬事得同日產,都有類似服務,而且最初只係日本提供傳統零件支持,但後來擴展到美國市場。按照掃把佬方面嘅規劃,暗示其他車型都會好快獲得相應支持,甚至包括早期的美國市場車型。

    掃把佬目前嘅Heritage Service Program最初僅限於日本市場服務,主要針對基於GC底盤的WRX和STI車型。然而其他汽車公司提供的零件項目最初都係日本進行試點,理論上只有日本車主才能享受到這兩家公司提供的原廠修復服務,不過零件最終都開始在海外銷售。所以對於香港嘅GC車主,實際上唔存在太大購買難度,無非都係日本網站直接購買。

    官網上面有相關配件列表,有興趣嘅車友不放上去睇睇有無心水零件

    至於GD世代「蟲眼」「淚眼」「鷹眼」WRX和STi嘅車友都唔好灰心,有好消息:掃把佬好有可能會開始著手GD世代,實際上目前GD世代零件依舊在產,尚未完全停產,加入經典車計劃後,相信部分停產零件會得以復產。放眼全球,美國市場對掃把佬至關重要,而且新世代STI車型目前又處於停產狀態。因此掃把佬方面會有相關計畫正在醞釀之中,有可能為美規STI即將迎來25週年紀念之際,推出相關車型嘅經典車服務。

    講翻目前日本方面嘅規劃先,掃把佬經典車服務中心係橫濱一年一度的「懷舊2日」車展上正式推出,為上世紀90年代中期的WRX和STI車型(GC世代)提供各種零部件,其中包括引擎密封件、前大燈以及諸如密封條之類的易損件。該計畫嘅推出源自一項針對日本斯巴魯車主的廣泛調查,調查顯示,廣大車迷不願出售愛車,更願意長期持有。

    掃把佬方面,以一種相當務實嘅方式著手製定其替換零件清單,他們拆解咗高咪數(超過12.5萬miles)嘅車輛,確認故障所在。掃把佬經典車服務專案擁有自己嘅網站,網站上列出嘅零件應該可以透過斯巴魯日本經銷商網路訂購。另外網站上還有一個選項,車主可以提交他們希望看到的升級方案,相當貼心。

    相信不久嘅將來會有更多車型支持,對於廣大玩家確實係利好消息。

    全球範圍內,STI和WRX車主應該都感同身受,佢地或許並不太喜歡現款WRX的大觸控螢幕和車重,缺少咗過往嘅「純粹」,筆者其實非常希望哩項計畫能夠推廣到全球範圍,確保世 界各地嘅大尾翼和「大鼻窿」可以長久陪伴車主。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。
  • 廣東阿爾卑斯山 自駕即達 兩種玩法

    廣東阿爾卑斯山 自駕即達 兩種玩法

    圖:Alex / Mann

    自從港府大陸之間,開放咗廣東自駕回鄉之後,真係非常利好中意自駕遊嘅車友。當然啦,雖然自駕遊範圍僅限廣東地區,不過今次對於廣東地區千篇一律的亞熱帶「綠色」風情,我哋亦可以睇到不一樣嘅風景地貌。

    自駕遊直達,進入廣東之後下載一個「高德地圖」導航APP,然後搜「浮日藍礦咖啡」,開啟今次自駕啦!

    根據導航帶路,順利的話三個鐘車程,我哋會去到佛山和肇慶嘅交界處——一個群山環繞但係光禿禿嘅地方。如果客流量巨大,可以考慮提前停車係半山停車場,然後一小段階梯拾級而上就會到達目的地。體能零要求,無需任何裝備,注意防雨防曬即可。

    歐洲最靚嘅景點,一定走唔甩阿爾卑斯山;中國最出名美景,一定會有西藏深處神秘而美麗嘅「日照金山」。而兩者共通之處,就係都會有高山寒帶寸草不生嘅禿石峰頂,尼樣嘢係地處亞熱帶兼並無高海拔山峰嘅廣東,實在不敢想象。

    但係充滿想象力嘅廣東人,就係可以喺亞熱帶平原,「模擬」出高山天池嘅美景。並且喺最高處,開咗一間風格獨特嘅咖啡店。

    無錯了,明眼人可能已經辨認到,呢度係一個巨大的廢棄礦場。巨大的礦坑底部由堅硬的岩石構成,日積月累的雨水以及地下水滲透,讓礦坑變成咗一個深藍色的深水湖泊。由於礦坑底部並無任何泥沙以及水生植物,所以水質非常清澈。

    係山頂咖啡店二樓觀景台可以欣賞到礦坑全貌。湖心半島可見浮潛以及漿板等水上娛樂設施,可惜入場需要另行預約,我哋只好擇日再體驗了。

    講翻咖啡店本身啦!三角形鋼結構裝修風格真係令處女座非常之安心,冷氣大廳抵禦烈日嘅頂層隔熱非常之有誠意,二樓採光採景方式獨到,就算放係任何地方呢種風格嘅咖啡店都可以單開一篇來講。無奈,風景實在太好令到咖啡和建築風格反而黯然失色。不過風景免費,飲料咖啡¥30+,良心!

    浮日藍礦咖啡呢座礦山水庫,其實仲有一個更加傳統而浪漫嘅名稱,叫做「關山肚」。這是本地人幫這個大礦坑改嘅稱呼,「肚」諧音「度」,聯想到古詩《木蘭詩》「萬裡赴戎機,關山度若飛」。意為不遠萬里找尋戰機,飛快的跨過一座座關卡和大山,似極了自駕遊的過程。

    另外,關山肚個「肚」也可以解釋為「深處」,泛指大山深處;同時「肚」又係一種形狀,形容又深又大的礦山湖,兜住咗一大潭水。無論點樣去想象,都非常之有詩意。

    無錯了,講咁多典故,我哋又要解鎖「關山肚」另一種玩法,亦係經典遊玩路線,亦係隱藏路線,探險路線。全程免費,需要一定駕駛技術,輕微徒步登山10min,有可能會踩到幾腳山泉水添。

    Step 1,又係需要打開「高德地圖」APP,搜「志高空調四會製造基地(南門)」;

    Step 2,先搵到下左圖的小路口,勉強可以開汽車通過,大膽D!

    Step 3,開車進入200米,就會見到礦山最佳觀景(上圖),然後就可以就近空地泊好部車了;

    Step 4,找到下右圖,附帶山路危險公示牌的山泉小路,大膽徒步進入!

    Step 5,步行約10min見到光禿禿的山頂,恭喜你,成功潛入山頂咖啡店!

    當然,上山良好的路況以及足夠成熟嘅半山停車場,加上景區免費,筆者並不支持大家去走探險路線(探險狂熱份子可以無視)。不過有機會再來遊玩的話,更希望可以體驗水上娛樂甚至水底浮潛。至於玩到餓了,周邊美食推薦下載「大眾點評」APP,搜附近的「農莊」。推薦本地菜色,「大盤雞」、「山坑魚」,真係可以食到現場屠宰嘅新鮮食材嘎!

  • 圖集 發現個影車勁有格蘭披治Feel嘅地方!

    圖集 發現個影車勁有格蘭披治Feel嘅地方!

    發現一個影車勁有格蘭披治Feel嘅地方!有Macau澳門格蘭披治同款賽車大樓,有格蘭披治同款金屬護欄,仲有衝線方格塗裝嘅地面,可以擺個靚Pose幫部前漆影番輯靚相添啊!

    PS:適逢遇上當地車友聚會,有大把靚車靚女,仲有好多網紅車仔攤檔。地址在文末。

    這個地方位於中國廣東省佛山市南海區「千燈湖」商圈,近年北上娛樂流行,有幸成功申請粵港澳駕駛許可的朋友可能都已經知道咧個「風水寶地」。千燈湖免費景區非常出片好行,旁邊大基綠道啱曬4+2爆單車,美食方面桑拿雞桑拿魚、冬瓜浸雞、魚生、豬雜粥等聽到流曬口水;另外附近海八路車城、快捷汽配城、粵豐汽配城以及好多工廠級「大店」順便整備車輛,快捷方便。作為預告,讀者朋友們不妨期待OptionFans Magazine為大家帶來《人車生活》欄目之「千燈湖」專題內容啦!

    Words@Alex / Photography@Alex,Mann

    地址:GOOGLE地圖廣東省佛山市南海區華翠北路大概圖中河道旁

  • 2025 TokyoAutoSalon HongKong 改裝車文化篇

    2025 TokyoAutoSalon HongKong 改裝車文化篇

    圖:Steve/MeiPo 文:Steve/Alex

    一連四天的東京改裝車展香港站Tokyo Auto Salon Hong Kong(TAS-HK), 於星期日(14/12)完滿閉幕。今年2025是TAS-HK第一屆,一共有四個展館。TAS-HK同日本東京TAS有一定的區別。今TAS-HK一個場地搞兩個展覽會,分別是IMEXPO 以及Tokyo Auto Salon,兩者同時舉行。

    車迷朋友比較關注的TAS-HK今日規模如何呢?使用了兩個展覽館的TAS-HK,其中一個展館大部分空間用作遙控車遊樂場及香港本土模型店的“散貨” 場。所以老實說,這一次香港站的規模的確不如Tokyo Auto Salon Bangkok。所以建議車迷朋友,首先保持合理的參觀預期,同埋相信香港本土改裝技術以及產品甚至文化之優秀,放眼亞洲已經唔需要去向別國「偷師」了。

    SPOON展區:

    在展會上見得最多的品牌就是SPOON,專門搞本田車型的改裝綜合品牌,全線黃藍色信仰塗裝並非官改而勝似官改。

    Liberty Walk展區:

    其次就是Liberty Walk熱度非常高,東京暴走族信奉的街道文化,雖然70年代只是靠切彈簧換細轆降低車身,誇張的手工空力套件,模仿賽車的模樣以及聲音,但現在已經成為日本特色改裝文化重要的環節。

    改裝胎鈴展區:

    跟住就到改裝恆久不變的主題——胎鈴,日本企業紛紛前來支持。WORK車鈴(第一排)、橫濱性能胎(第二排)以及WedsSport車鈴,分別帶住經典復古、運動跑山、賽車競技三種唔同風格出現在TAS-HK。

    POP RACE展區:

    另外,最近熱門的車展模式——周邊文化聯動,今次大放異彩。很多參展品牌例如POP RACE都是此新興類別,SHOW CAR+模型+服飾等等豐富的周邊。就算中意都唔一定要去改車,畢竟實在太麻煩太費錢費時間了,取而代之收集相關有趣的事物,對於汽車文化來講門檻更低更受歡迎。

    二次元展區:

    今次比較吸睛的汽車視覺系、漫畫展區,將車改成影視作品中同款模樣作為Show Car見得多了,但是今次作品非常有心機咁將汽車外觀漫畫化,將珍藏車型勾勒出漫畫粗線條,由現實回到二次元。

    粉紅色展區:

    更多改裝車以及改裝技術文化展出欣賞:

    事實上香港主辦方已經非常努力,展館裝飾很日式,亦邀請了日本女子組合 A Class Girls表演,還有多名大師登場。包括日本大師車手板東正敬;織户學及他的女兒織戶荣彩;Liberty Walk 創辦人加藤涉;Spoon Sports 創辦人市嶋樹及甲斐琢也等等圈中名人。

    或許日本TAS總公司SAN-EI Corporation 希望利用這次香港站來宣傳一下正式的東京改裝車展,吸引香港的車迷朋友下月可以親身飛過去日本觀看TAS展覽。不過從另一角度,若是我們視作為家庭同樂日及親子的活動,今次TAS-HK的內容則非常適合了。汽車模型、遊戲機、模擬器、遙控車等等等玩具相聚一堂。

    至於大家最中意的老爺車、性能車以及超跑,放在最後奉上!首當其衝,AMG ONE一定唔會缺席,F1同款1600ccTurbo引擎輸出1000匹馬力,加上主動空力系統,簡直顛覆超跑的定義,今次有幸見到實車了。

    老爺車方面以歐洲車為主,年份都有40年以上了,而且好多都是當年在街道有著唔低能見度甚至唔算貴的車型,例如Golf GTI、福士甲殼蟲,咁多咁大年紀的前漆都可以Keep到今時今日真是神奇了。最稀有的老爺車?小編放在最後,一架微型車,寶馬出品的「出奇蛋」。

    至於隔離IMEXPO,主要是新車介紹的車展,這次以國內的電動車品牌為主力,請留意後續IMEXPO電車新勢力篇。

  • 寶馬純血M3末代V8大自吸輕改出街

    寶馬純血M3末代V8大自吸輕改出街

    圖:ENZO / 文:Alex

    今日來講下寶馬性能車嘅純正血統。先入為主咁講句,寶馬性能代表一定係M3 E46,當年號稱駕駛者之車,高轉自吸NA風格經典代表。但係當年高轉自吸實在太多了,龍爭虎鬥嘅年代,尤其日本車喺咧個範疇玩到風生水起各種紅頭引擎應接不暇。或許就連寶馬都需避其鋒芒,劍走偏鋒,由E46 M3(97-06年)單純嘅高轉自吸,蛻變成內容更為豐富嘅大排量V8豪華高轉自吸,於是就誕生咗咧架豪華舒適嘅E90 M3(05-14年)。

    喂~咁點解E90之後嘅M3就唔純正嘅?第一,E90後M3全線渦輪化;第二,E90之前叫E46上代叫E36再上叫E30,E90之後呢?叫F80嚄,咁你話純唔純正啦。

    咧架M3原廠動力輸出420匹,扭矩為400Nm,V8佈局排量4公升8400轉機器,升功率剛好過百去到105匹/升。大家都知道M3 E90點解係末代純血,之後M嘅繼任者全線渦輪化,而且再無V8、V10咧d動聽歌仔唱。渦輪淡化了排量帶來的意義,如今渦輪改裝已經唔講升功率,大家都中意講渦輪壓力值,打到1.2Bar定係1.5Bar?但係100匹/升喺自吸NA引擎嘅世界,就係判定是否性能機嘅重要門檻。

    留意引擎入氣口係對准前Hood通風孔,副大V8係可以直接吸入鮮冷生風,咧個設計可以區分性能車及家用車。

    對比動力升級,車主更中意去裝飾咧副代號為S65嘅經典V8偈。

    講真,400匹出頭咧個動力級別,放係今時今日確實只係4缸2.0T動力嘅輸出級別。買新款寶馬三係2.0T配置高功率版本,稍微作ECU調教都可以獲得同等動力。但我哋係V8上獲得嘅樂趣,來自於優雅嘅動力輸出方式以及聲浪響應。8400轉嘅V8喔,疊加4缸Double嘅音頻,而且全段死氣並無渦輪遮擋,聲音直接且乾淨。

    M3全車標配防滑皮Alcantara,可能短裙妹妹覺得唔夠親膚,但係對車手來講這才是心頭好。

    可惡嘅就係自動波來嘎?E90咧一代M3都有棍波版本可供選擇。

    所以對於Keep到一架咁特別嘅「駕駛者之車」嘅車主來講,動力升級確實並非必要,更重要嘅係延續個種線性嘅駕駛樂趣,又或者係增加一點「駕駛過程中」嘅樂趣。既然係舒適型性能車,咁點解唔可以更豪華呢?所以全車音響升級又變得比較重要了。

    邊有人影人車底嘎?咦,污糟邋遢!不過睇車底先知道係人玩車定車玩人了,你睇下條蝦鬚几粗。

    其實絞牙避震主要作用係調整前後高低同阻尼,而藍色條HardRace則為咗解放後輪參數嘅調整模式。

    大部分UR件包括引擎艙入邊嘅頂Bar都係為左車架強化服務,同時兼顧被動安全性能同埋壽命。

    至於來自路面嘅駕駛樂趣,車主更加中意係原有基礎下「清晰化」咧架M3嘅特點。例如升級全套絞牙避震以及搭配HardRace去調整底盤參數,親自參與Setting一套最適合自己嘅底盤模式。又或者考慮全套UR車體強化方案,等前后端感覺都更加敏感。P Zero性能胎搭配AP Racing剎車則實實在在咁令到部車更加聽話,屬於效果很直接嘅改裝升級。

    當然了,我哋作為車迷去睇一架改裝車可能只係輕描淡寫嘅欣賞。當你真係Keep到一部自己中意嘅車,並想方設法去優化距令自己更中意,或者延續其壽命令距可以陪伴自己更長時間,試過就知道並唔簡單嘎!金屬會疲勞、杯士會老化,偈油、迫力油、車胎定時定候都要Check。如果話養小動物嘅人多數有愛心,咁玩車嘅朋友就一定會有耐性。

    BTW另一種情況,就係車玩得企理未必全賴車主悉心照顧,都有可能係搵到咗一戶「好人家」去幫手打理,定時定候有溫馨小提示愛車夠鐘Check偈油、夠公里數換胎了。

    特別鳴謝:升革(Singer)汽車科技。

  • Gymkhana2025爆改掃把佬貨兜仔橫劈澳洲大陸

    Gymkhana2025爆改掃把佬貨兜仔橫劈澳洲大陸

    Gymkhana飄移大片2025上新又可以大飽眼福了。喺澳洲大陸合法拍攝,採景全景山賽道、悉尼碼頭以及澳洲大沙漠,依然由Hoonigan公司製作,依然係使用掃把佬經典車型爆改。熟悉嘅配方熟悉嘅味道,就算創始人Ken Block已經仙去但精神源遠流長。

    不過今次選擇嘅車型非常特別,一款90年代嘅Subaru Brat,一款面對澳洲大陸獨有嘅小型雙門單排貨兜仔,自帶地域特色——防袋鼠泵把。其中最特別係貨兜內居然仲有兩把「膠凳」配套扶手,所以嚴格來講,Brat係一款四座車。

    今次Brat Gymkhana戰車由於體型對比「上代」嘅掃把佬GL旅行車原型,體型大幅縮水,所以動力方面放棄咗原有嘅H6水平對置引擎,而定制咗一款超高轉速嘅H4機器,馬力為670匹。轉速可以上到9500+,具體就要睇特技車手Travis Pastrana嘅換擋時機了。

    不過好消息就係,保留咗主動空力系統,每次剎車都可以見到擾流板全開。而且今次更加誇張,留意貨兜後邊個巨型可變尾翼。同埋Brat經典設計貨兜裡的膠凳,升級成為碳纖維製品,並且配備咗四點式安全帶。為左見證其實用性,視頻中仲穩咗兩位仁兄座後面兩張兜仔凳原地燒胎。

    最重要嘅系防袋鼠泵把嘅升級,原廠個條金屬防撞Bar已經被替換成碳纖維Bar;同埋車內好貼心咁保留咗原廠收音機。

    請觀看原片(视频原地址:https://youtu.be/daYgg2YSA2g?si=RsO80UIjswsi_eaa)


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 最保值嘅11架車,裡面有無你架前漆咧?

    最保值嘅11架車,裡面有無你架前漆咧?

    2025來自美國Hagerty一個非官方但又頗為權威嘅統計,公佈咗價格普遍看漲最保值嘅11款中古車,而且都係可以喺二手市場買到嘅真實車源。其中由名貴跑車、超跑到大家都買得起嘅家用轎車,甚至Pickup工具車都囊括其中,年份跨越咗70年。

    雪佛蘭 Corvette Z06 (2006-2013)估值55,900 USD

    搭載7.0公升引擎505匹馬力,毫無爭議嘅美國國寶級跑車。到現在為止距嘅繼任者,賣點都係靚仔+強大+平!

    寶馬M5(2006-2010)估值36,000 USD

    最後一款寶馬大排量自吸,最後一款V10引擎,最後嘅寶馬純血精神領袖,有成500匹馬力!不過唔知車主們備用引擎件搵好未咧?

    波子 Carrera GT(2004-2007)估值1,550,000 USD

    《狂野極速》中已故影星保羅·獲加嘅奪命追魂車,但更有價值嘅一樣系V10自吸引擎而且有棍波,同埋當年地表最強調教嘅名聲。

    萬事得 MX-5 Miata(1999-2005)估值16,600 USD

    一個被玩咗二十幾年嘅至今依然流行嘅開口笑「表情包」,移動嘅小浴缸,有樣有樂趣,廉價容易Keep得住。

    福士 Golf GTI VR6(1995-1998)估值20,000 USD

    第三代GTI搭載172匹V6引擎,而且距仲系一款橫置機器,其魅力除咗個樣夠薯仔,聲浪動聽都係一個賣點。

    日產 Skyline GT-R(1995-1998)估值82,350 USD

    既然有美國國寶級跑車,就一定會有日本國寶級跑車了。不過亞洲人受《頭文字D》影響中意R32、R34,美國市場更偏愛呢款圓滑嘅R33。

    雪佛蘭 454 SS (1990-1993)估值59,800 USD

    美式性能Pickup嘅開山之作,極度簡潔同埋廉價,地位於美國農民相當於街頭飛仔見到紅頭本田咁。

    道奇 Ramcharger (1981-1993)估值25,300 USD

    而呢款就係美式大排量SUV嘅開山作品,雖然擺明就係Pickup加個玻璃罩,但係放眼今日又幾好睇。

    愛快·羅密歐 GTV(1969-1972)估值105,000 USD

    美國人心目中嘅第一架義大利名貴跑車,經典風冷波子嘅平替,到今時今日依然有廠家生產復刻版本嘅GTV,原版本嘅價值就更加唔使講,問題系目前價格可能已經超過波子。

    道奇 Charger(1968-1970)估值91,450 USD

    美式肌肉車嘅開山代表作,影視硬漢嘅標配。Charger唔但只係一款汽車,距更加係一個流派咁嘅存在。

    Continental Mark II (1956-1957)估值82,700美元

    當年美國最貴嘅汽車,屬於美式豪華車咧個流派嘅開山之作,出乎意料嘅實用性以及精緻,而且非常有歷史紀念意義,不過咧種意義可能僅限於美國本土。


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 兩分優勢險奪WDC 木瓜新王誕生

    兩分優勢險奪WDC 木瓜新王誕生

    首先係2025 F1收官戰阿布扎比,迎來F1歷史上全新嘅車手世界冠軍——Lando Norris蘭度羅禮士(NOR)。

    NOR係F1歷史上第35個世界冠軍

    NOR係第11個英國國籍F1世界冠軍

    NOR係麥拿倫車隊繼2008年之後第一個車手世界冠軍,無錯上一個係咸美頓(HAM)

    NOR 7年職業生涯之後奪冠,而且7年都係麥拿倫車隊擔任正式車手

    不過今次奪冠過程真係非常驚險,雖然帶著12分差嘅優勢進入終局,但最終結果都只係險勝4冠王紅牛車隊韋斯特賓(VER)2分而已。

    回顧上站卡塔爾平治新人王安東尼利(ANT),最後圈失誤讓出2分比NOR被全網網暴事件,不禁又令人事後再驚出冷汗。畢竟今日VER屬於Pole to Win收官,奪得2025 F1賽季最多冠軍數以及桿位數,都係8個,即使最終同分NOR都不足以勝出。險勝2分,網暴有理!

    至於另個一非常重要,有機會左右WDC走向嘅車手,居然係已經宣佈離隊嘅紅牛車隊二號車手角田裕毅(TSU)。排位賽日本人就少有殺入Q3並為左VER嘅桿位,放棄所有全力準備幫助VER喺大直路拉尾流。結果當然係成功將VER拉成桿位。

    不過正賽紅牛車隊策略都非常明顯,TSU硬胎起步壓制黃胎提前入站嘅NOR,企圖復刻2021年佩雷斯壓制HAM整整7秒奠定VER首冠咁。TSU係電台積極回復車隊「交俾我喇!」結果係一條大直路都壓制唔到,自己仲喜提5秒罰時,理由係將多次變線將NOR推出賽道。

    至於嬲嬲豬嘅麥拿倫車手皮亞斯特利(PIA),嬲到收官戰第一圈就做低隊友NOR,搞到策略被動全程只能死守P3,硬抗無啦啦彈起嘅法拉利路克萊(LEC)。

    同NOR同樣係本賽季贏咗7個分站冠軍,雖然有評論認為其表現優於NOR更加激進,擁有更強大嘅戰鬥慾望以及能力,但係始終係揸唔就手嘅賽道過於不穩定而丟失WDC。當然,所有車迷都會認為上站卡塔爾係車隊愚蠢嘅策略整唔見PIA嘅分站冠軍噶!

    完結散花,感謝陪伴!2025賽季完美詮釋咗咩叫:直到最後一刻都有不確定性。F1 2025係繼2021之後最精彩繽紛嘅一個賽季,同時都係地面效應空力規則(2022-2025)嘅最後一個賽季,同時又係歷史最巨型F1賽車嘅最後一個賽季。2026年開始,F1比賽將進入小型化+油電混合動力+主動空力時代,新一輪嘅規則元年註定大混亂,三個月後準時開波。

    2025 Drivers’ Standings

    Pos.DriverNationalityTeamPts.
    1Lando NorrisGBRMcLaren423
    2Max VerstappenNEDRed Bull Racing421
    3Oscar PiastriAUSMcLaren410
    4George RussellGBRMercedes319
    5Charles LeclercMONFerrari242
    6Lewis HamiltonGBRFerrari156
    7Kimi AntonelliITAMercedes150
    8Alexander AlbonTHAWilliams73
    9Carlos SainzESPWilliams64
    10Fernando AlonsoESPAston Martin56
    11Nico HulkenbergGERKick Sauber51
    12Isack HadjarFRARacing Bulls51
    13Oliver BearmanGBRHaas F1 Team41
    14Liam LawsonNZLRacing Bulls38
    15Esteban OconFRAHaas F1 Team38
    16Lance StrollCANAston Martin33
    17Yuki TsunodaJPNRed Bull Racing33
    18Pierre GaslyFRAAlpine22
    19Gabriel BortoletoBRAKick Sauber19
    20Franco ColapintoARGAlpine0
    21Jack DoohanAUSAlpine0

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 雙渦輪,V8,前中置,豐田!

    雙渦輪,V8,前中置,豐田!

    早在數年前大家都知道豐田有意推出一款前中置引擎嘅跑車,延續LFA嘅血脈。如今豐田終於將旗下最新頂級車型帶到車迷面前。2025年12月5日,Toyota Gazoo Racing正式發佈GR GT Prototype以及GR GT3 Prototyoe,分別對應街車以及GT3賽車。

    GR GT採用了豐田首款全鋁合金車架,可以在一部分關鍵部位見到鑄鋁部件。而為了進一步輕量化,覆蓋件採用了鋁合金和碳纖維製品,儘管具體規格並未公布,但是豐田官方表示重量會低於1750kg,前後配重45:55。

    全新設計的4.0雙渦輪V8引擎,缸徑87.5mm,行程83.1mm,屬於典型嘅高轉數設定,而且引擎整體高度會降低,另外渦輪採用Hot-V佈局,極大縮短排氣路徑,提升渦輪響應速度。後置八檔自動波與傳統自動波不同,豐田採用了濕式離合器替代了傳統大力鼓神,傳動效率大幅提高。整個動力系統結合了摩打輔助,目前可以確認最大馬力650PS以上,最大扭力850N·m以上。

    除了街車版本,GR GT3同步面世,按照FIA GT3規格打造。

    不過,本次面世的都是 Prototype車型,用於接收潛在客戶意見以及市場反饋,豐田方面依舊持續開發,具體的設定以及規格可能會發生變化。目前具體價格尚未公報,預計最快2027開始交付。

    圖片均來自官方,觀點僅代表作者個人;如果冒犯倍感抱歉,請立刻聯繫我們。

  • 不屑使用入站免費券,後果嚴重,連滾帶爬!

    不屑使用入站免費券,後果嚴重,連滾帶爬!

    因為參考歷史原因,喺2025 F1卡塔爾站,FIA正式引入了類似於蒙地卡羅嘅25圈內強制入站,從而達到了保護輪胎提升比賽安全性嘅指令。不過咧,喺2025尚未決出WDC嘅倒數第二站,呢個看似無聊嘅安全指令,又貌似變成咗一個不大不小嘅變數。

    其實2025卡塔爾站本身個看點就唔複雜嘎!由週五衝刺賽排位開始積分領跑嘅麥拿倫就順風順水,追分者紅牛車隊韋斯特賓(VER)各種不順,始終慢半秒,頭排都上唔到。睇形勢就麥拿倫內鬥爭冠,連續頹廢嘅81號皮亞斯特利(PIA)終於喺高抓地賽道壓制隊友4號仔羅禮士(NOR)。順利嘅話,VER會提前失去爭冠希望,而PIA同NOR甚至可能個位數分差進入收官。

    又回到靈魂拷問:你相信劇本嘛?但事情就係咁有趣,P1發車嘅PIA喺正賽57圈正賽嘅關鍵圈第7圈,大會全場派發免費入站劵——安全車出動,事因車陣後方碰撞有車損。由於開頭提到,本站25圈內強制入站,於是面臨一個不太難嘅優惠選擇:

    A、享受優惠,第7圈安全車期間完全免費入站,條件係,剩餘50圈剛好兩個上限Stin,即係準確要第32圈入多一次站,避免觸發25圈嘅超限違規。

    B,不享受折扣,換取更靈活嘅入站策略。同埋搏下一次安全車。

    但係事實上就係,除了麥拿倫車隊,所有車隊都選擇了免費派送嘅入站折扣劵,而犧牲入站靈活性。傲慢的麥拿倫,認為自己仲係火星車,可以喺50圈比賽中輕鬆拉出一個26秒嘅入站窗口。即係平均一圈拉開半秒以上,仲要計埋超車,仲要入多人地一次站。個種感覺咧,正正好似2021年,五盞紅燈熄滅,只有劉爵士起步嘅名場面。

    可能係排位賽確實有半秒優勢在手,搞到策略組真係夠膽死攞WDC來賭博。甚至因為木瓜規則(公平競爭)就連兩個車手之間嘅差異化策略,即兩頭押,都懶得去做。結局就係,PIA跌落車陣當中,超車導致輪胎提前耗盡,無法貼近免費入站上升P1嘅VER(VER全力Push防守)。最後PIA P2,直到最後一圈距離VER嘅秒差仲有10秒+,充分暴露麥拿倫堪憂嘅數學水平!

    積分榜首嘅NOR更慘,完全被其他車隊壓制,喺P5位置捱到最後一圈,先借助前車平治車隊新人王安東尼利(ANT)自己失誤超翻到P4止損。事後仲引發全民網暴話麥拿倫作為平治引擎嘅客戶車隊,ANT故意讓車,平治車隊收到神秘電話等等鬧劇。

    而結局就係,面對免費折扣麥拿倫仲猶猶豫豫,紅牛策略組就成為咗第一個正確使用免費劵嘅車對,並幫助VER登上卡塔爾的冠軍寶座。神奇就係威廉士都因為正確使用入站免費劵,小車隊成功逆襲登上領獎台,甚至成功壓制麥拿倫嘅NOR。

    於是到收官站阿布扎比之前,VER強行將2025大結局拉入三人爭WDC嘅局面。目前NOR僅有12分優勢,VER積分反超PIA 4分。VER終於逼到麥拿倫車隊:本該是從從容容游刃有餘,現在匆匆忙忙連滾帶爬,完全無曬任何犯錯空間。如果今次卡塔爾嘅失誤喺收官站再次復現,麥拿倫有可能會失去車手WDC。


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 賓利唔聲唔聲刷新自家最輕紀錄 靈活肥仔誕生

    賓利唔聲唔聲刷新自家最輕紀錄 靈活肥仔誕生

    一台2.5噸嘅重型跑車,新款賓利歐陸GT Speed已經出街行咗一年有多了,性能偏執狂們終於等來了其減肥版本歐陸GT Supersports。呢款輕量化性能跑車,無聲無息咁刷新咗一項賓利工廠自己嘅紀錄,距係85年以來,賓利造得最輕嘅車,不過重量都有成1.9x噸嘎。

    歐陸GT Supersports為左減重,如果只係啟用新型輕量化材料替換,已經唔足夠做靚仔重量條數了。所以賓利同時選擇咗一項更傳統但更有效嘅減重方法——拆!拆除混合動力改回純燃油車,電動部分括電池電機節省巨大重量。拆除四驅系統,純後驅除咗唔可以滑雪同埋0-100加速慢緊0.4秒,剩餘的都是優點。

    好了,大幅減肥之後,果然係跌脂肪又跌肌肉。雖然4.0V8雙渦輪引擎部分維持不變,不過動力縮減咗114匹馬力以及200Nm扭矩,現在賬面係666匹以及800Nm,屬於少有動力比基礎版更弱的性能跑車。0-100加速需要3.7秒,極速310Kmh都慢咗成25公里嘎。

    好了,無咗咁多嘢咁我哋又獲得咗d乜咧?首先,喺「巨物跑車」呢個領域,Supersports係唯一嘅性能選擇。其次,後驅歐陸GT只有GT3賽車擁有相同配置,所以可以理解為Supersports更加接近GT3賽車,甚至可以理解為可以上路的GT3,又或者內飾非常豪華嘅GT3。關鍵,全新空力套件理論上最大可以產生300KG嘅下壓力。

    仲有!就係世界最大嘅440mm碳陶剎車碟搭22吋大腳、原廠鈦合金Akpovic排氣系統、恰逢Supersports誕生100週年極有紀念意義嘅版本,同埋全球限量500台!就算物理上部車吸引力遠不如廉價的日產GTR等等重型跑車,不過喺Old Money眼中卻係截然不同嘅有趣玩意。


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 日本仔何來自信?本田披露過度消費情懷

    日本仔何來自信?本田披露過度消費情懷

    好消息係日本經典跑車本田披露歸來,壞消息係美國落地4.4萬USD天價!英國售價稅後則超過5.2萬USD。點解唔買寶馬M2?點解唔買日產Z?點解唔買福特野馬?更壞消息係0-100加速居然超過8秒!睇來日本仔做生意越來越大膽了,當正車迷朋友傻仔咁耍。

    或者係本田嘅「JDM情懷」銷售策略,2026款本田披露繼型格復活之後回歸,首先係美國開始銷售。相對型格定位更加溫和,賣點係採用油電混合動力配置,不過美版馬力則少到只有203匹,0-100加速更加慢到超過咗8秒。歐版則更保守,只有181匹。

    據外網透露本田披露機械部分來自于混合動力版本嘅思域,動力數據一樣,懸掛零部件大部分通用,最大亮點係配置上貌似有義大利Brembo剎車套件。就算雙門外觀設計幾咁出色,操控調教如何運動,試霖下用歐洲大廠跑車嘅價格買一台靚仔小小嘅本田思域,甚至依舊系一台前驅車,個心一定唔會舒服。

    本田披露,當年年輕人的第一部跑車,現在卻有違老一輩車迷對日本車廉價又好玩嘅初始映像,本田咧一波操作明顯有消費情懷嘅「作案嫌疑」。引用中國前朝大臣左宗棠對日本人嘅評價「知小禮而無大義,拘小節而無大德,重末節而輕廉恥……」思咪嘛sam!我哋搵錢又搵笨嗲思呢!



    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 三菱將回歸英國市場,香港呢?

    三菱將回歸英國市場,香港呢?

    三菱退出英國市場已經有五年時間,“五年,五年,你知我個五年點過咩?”。曾經有非常多的用戶認為三菱汽車面臨著非常深層次嘅運營問題。查看香港本地嘅三菱汽車公司,網站停止更新已經數年,Facebook也斷更一年以上。當然了,其實香港本土最後幾年在售車型,都係貨車以及農夫車,一般私家車不見蹤影。

    不過近日三菱方面表示,已經確認於2026年重返英國市場,當然啦本次重返英國市場車型當中並非全新車型,更不可能是全新EVO,目前三菱的計劃僅僅是將現有嘅全球車型選擇數款進入英國市場,其中不乏雷諾換標版本。

    目前除了大致嘅銷售策略外,三菱並沒有透露過多細節。不過公告中附帶一張預告圖,似乎係一台Outlander PHEV車型,極有可能係首款重返英國市場嘅車型。潛在車型包括新款ASX(與雷諾Captur共享平台),新款COLT。

    計劃重返英國市場嘅同時,三菱正為美國市場開發一款更注重越野性能嘅全新Outlander。除此之外,三菱還在籌備一款基於日產聆風平台嘅電動跨界車。

    儘管難以奢望三菱會在短期內重新推出EVO車型,不過能夠重新進入香港市場進行銷售,相信是不少三菱車迷嘅願望。

    圖片均來自官方,觀點僅代表作者個人;如果冒犯倍感抱歉,請立刻聯繫我們。