标签: Williams

  • 兩個只能活一個?比利時大獎賽Russell退賽Kimi再次奪冠

    兩個只能活一個?比利時大獎賽Russell退賽Kimi再次奪冠

    2026 賽季 F1 第十站比利時大獎賽於7 月 17-19 日來到了比利時Circuit de Spa-Francorchamps。Spa-Francorchamps坐落於比利時阿登森林(Ardennes Forest),全長7.004公里,是F1賽歷上單圈距離最長的永久性賽道,正賽共44圈,正賽比賽里程為308.052km。整條賽道穿行於山谷與森林之間,賽道各區域海拔變化較大。約80%的單圈里程處於全油門狀態,這對動力單元、輪胎和車手體能都是極限壓榨。

    賽前官方文件顯示本站將設置有5段直路模式(Straight Mode)啟動區域,超車模式(Overtake Mode)探測點和啟動點在19號彎前後。Eau Rouge與Raidillon (T2-T4)高速彎組合是賽車空氣動力學極限的標誌,Kemmel 超長直路模式啟動區預計會產生不少精彩鏡頭。

    排位賽單圈最大充電能量為7.0MJ,正賽單圈最大充電能量為8.5MJ,超車模式(Overtake Mode)下單圈最大充電能量為9.0MJ。

    Pirelli為本站帶來了C2(硬胎)、C3(中性胎)、C4(軟胎) 三款乾地輪胎配方。

    排位賽—–

    在香港時間週六晚上進行的排位賽(Qualifying),Mercedes車隊的Kimi Antonelli以1:44.361奪得杆位,獲得個人本賽季第6個杆位,這是 Mercedes 車隊在 2026 賽季現時為止全部 10 場大獎賽中第 10 次奪得杆位。Red Bull 車手 Max Verstappen 落後 0.317 秒位列第二,McLaren 車手 Lando Norris 跑出 1:44.801 原本位列第三,但因更換動力電子單元被罰退 10 位起步。

    Q1被淘汰:Albon(Williams)、Ocon(Haas)、Bottas(Cadillac)、Perez(Cadillac)、Alonso(Aston Martin)、Stroll(Aston Martin)

    Q2被淘汰: Lawson (Racing Bulls) 、Gasly(Alpine)、Colapinto(Alpine)、Hülkenberg(Audi)、Sainz(Williams)、Bearman(Haas)

    Q3 第一輪飛馳圈 Norris 表現驚艷,在第二計時段(S2)做出全場最快,以 1:44.801 暫列第一,領先 Antonelli 0.039 秒。Oscar Piastri 在 Stavelot 出彎輕微失誤掀起大量砂石,賽會出示紅旗,暫時中斷比賽以便清理賽道。紅旗結束後最後4分鐘10部賽車陸續出場進行最後一輪飛馳圈。Red Bull 安排因超標更換部件被罰至隊尾起步的 Hadjar 為 Verstappen 提供尾流, Verstappen因此提升約 0.3 秒至 1:44.678,短暫佔據第一。Antonelli 隨即以 1:44.361 反超,強勢奪得杆位。

    由於Lando Norris被罰退 10 位起步, George Russell上升至第三起步。Ferrari 兩位車手 Charles Leclerc 與 Lewis Hamilton分列 第四和第五位。

    正賽—–

    五盞紅燈熄滅,所有賽車順利進入一號彎。Max Verstappen 在 La Source(一號彎)超越 Antonelli,但隨後被 Antonelli 與 Leclerc 雙雙反超。後方 Lewis Hamilton 與 George Russell 發生碰撞,Russell 失控衝入砂石地無奈退賽,賽會出動安全車。

    安全車結束後,Verstappen 做出當時最快圈速的同時超越 Leclerc 回到第二位。Leclerc 在此過程中與身後 Piastri 發生碰撞,Piastri 賽車有部件掉落,經賽會調查後兩位車手均未受到進一步處罰。

    第 9 圈,Hamilton 超過 Piastri 升至 第四位。隨後賽會宣布因此前與Russell的碰撞,Hamilton被處以5秒罰時。

    第 18 圈,Verstappen 進站換上硬胎,試圖以 undercut 反超,隨後一圈 Antonelli 也進站換上硬胎。

    第 20 圈因需清理賽道內的碎片,賽會出示虛擬安全車(VSC)警示,Ferrari 藉此上演同圈進站,Leclerc 與 Hamilton 同時換上硬胎。Leclerc憑着VSC下進站耗時更少的優勢超越 Antonelli 暫時領先比賽,Hamilton 也完成 5 秒罰時。第 22 圈,Norris 被 Leclerc 超越,Leclerc 正式成為新的領跑者。第 26 圈,Antonelli 超越 Norris 回到第二。

    第 29 圈,Verstappen 也超過 Norris,Antonelli 追到 Leclerc 身後約 2.2 秒。

    第 30 圈,Antonelli 進一步將差距縮小到 2 秒左右。Norris 在本圈進站換上中性胎,但 McLaren 車隊換胎時左後胎卸不下來,導致本次進站耗時長達7.8 秒,Norris 大半場的努力追擊基本清零,出站後他落到 Bortoleto 身後,暫列第八。

    第 34 圈,Antonelli 完成對Leclerc的超越,重新奪回第一位。最終Antonelli 順利將第一維持到最後,成功奪得本站冠軍。

    Mercedes 本賽季已經有5個分站只有一部賽車完賽得分,今站Russell早早退賽也為其對世界冠軍爭奪造成沉重打擊。Leclerc與Hamilton本站繼續雙雙有好表現,在車隊與車手積分榜繼續與Mercedes保持競爭懸念。由於Kimi贏得本站冠軍,Russell在車手積分榜從落後 Antonelli 25 分擴大至 45 分,並且再度被 Hamilton 超越跌落第3位。Verstappen本站獲得第3名也為Red Bull達成隊史第300次頒獎台成就。

    7月24至26日F1將會進行夏休期之前的最後一站——匈牙利站,屆時在一條與本站賽道特性完全不同的賽道進行比賽,意味着完全不同的能量部署策略。還有此前外界盛傳Aston Martin將會帶來改頭換面的升級,小編個人的確有幾分期待,畢竟自2026新規實施以來,該隊一直沉寂至今,届时升級實際效果如何,我們拭目以待。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 掃把佬正式推出經典車計劃

    掃把佬正式推出經典車計劃

    隨住掃把佬Impreza車型嘅年歲增進,曾經都覺得頗為後生俗稱「789代」嘅GD世代都已經邁入咗二十年關卡。而GC世代更唔使講早已經進入「Classic Car」嘅行列。車年是已高加上原廠零部件陸續停產,對於唔少用戶或者玩家而言,繼續去持有一台Classic Car都係一個比較高難度同高投入嘅課題。此前筆者認識咗一個GC車型玩家,部分零部件嘅停產甚至令佢要去嘗試自己去進行復刻,特別係某類關鍵部位嘅橡膠件,密封件,塑料部件。

    正好有個消息,掃把佬方面正在傾聽其最熱情嘅車主意見,並為 GC 世代嘅 WRX 和 STI 提供替換零件。實際上其他日本製造商如萬事得同日產,都有類似服務,而且最初只係日本提供傳統零件支持,但後來擴展到美國市場。按照掃把佬方面嘅規劃,暗示其他車型都會好快獲得相應支持,甚至包括早期的美國市場車型。

    掃把佬目前嘅Heritage Service Program最初僅限於日本市場服務,主要針對基於GC底盤的WRX和STI車型。然而其他汽車公司提供的零件項目最初都係日本進行試點,理論上只有日本車主才能享受到這兩家公司提供的原廠修復服務,不過零件最終都開始在海外銷售。所以對於香港嘅GC車主,實際上唔存在太大購買難度,無非都係日本網站直接購買。

    官網上面有相關配件列表,有興趣嘅車友不放上去睇睇有無心水零件

    至於GD世代「蟲眼」「淚眼」「鷹眼」WRX和STi嘅車友都唔好灰心,有好消息:掃把佬好有可能會開始著手GD世代,實際上目前GD世代零件依舊在產,尚未完全停產,加入經典車計劃後,相信部分停產零件會得以復產。放眼全球,美國市場對掃把佬至關重要,而且新世代STI車型目前又處於停產狀態。因此掃把佬方面會有相關計畫正在醞釀之中,有可能為美規STI即將迎來25週年紀念之際,推出相關車型嘅經典車服務。

    講翻目前日本方面嘅規劃先,掃把佬經典車服務中心係橫濱一年一度的「懷舊2日」車展上正式推出,為上世紀90年代中期的WRX和STI車型(GC世代)提供各種零部件,其中包括引擎密封件、前大燈以及諸如密封條之類的易損件。該計畫嘅推出源自一項針對日本斯巴魯車主的廣泛調查,調查顯示,廣大車迷不願出售愛車,更願意長期持有。

    掃把佬方面,以一種相當務實嘅方式著手製定其替換零件清單,他們拆解咗高咪數(超過12.5萬miles)嘅車輛,確認故障所在。掃把佬經典車服務專案擁有自己嘅網站,網站上列出嘅零件應該可以透過斯巴魯日本經銷商網路訂購。另外網站上還有一個選項,車主可以提交他們希望看到的升級方案,相當貼心。

    相信不久嘅將來會有更多車型支持,對於廣大玩家確實係利好消息。

    全球範圍內,STI和WRX車主應該都感同身受,佢地或許並不太喜歡現款WRX的大觸控螢幕和車重,缺少咗過往嘅「純粹」,筆者其實非常希望哩項計畫能夠推廣到全球範圍,確保世 界各地嘅大尾翼和「大鼻窿」可以長久陪伴車主。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。
  • 廣東阿爾卑斯山 自駕即達 兩種玩法

    廣東阿爾卑斯山 自駕即達 兩種玩法

    圖:Alex / Mann

    自從港府大陸之間,開放咗廣東自駕回鄉之後,真係非常利好中意自駕遊嘅車友。當然啦,雖然自駕遊範圍僅限廣東地區,不過今次對於廣東地區千篇一律的亞熱帶「綠色」風情,我哋亦可以睇到不一樣嘅風景地貌。

    自駕遊直達,進入廣東之後下載一個「高德地圖」導航APP,然後搜「浮日藍礦咖啡」,開啟今次自駕啦!

    根據導航帶路,順利的話三個鐘車程,我哋會去到佛山和肇慶嘅交界處——一個群山環繞但係光禿禿嘅地方。如果客流量巨大,可以考慮提前停車係半山停車場,然後一小段階梯拾級而上就會到達目的地。體能零要求,無需任何裝備,注意防雨防曬即可。

    歐洲最靚嘅景點,一定走唔甩阿爾卑斯山;中國最出名美景,一定會有西藏深處神秘而美麗嘅「日照金山」。而兩者共通之處,就係都會有高山寒帶寸草不生嘅禿石峰頂,尼樣嘢係地處亞熱帶兼並無高海拔山峰嘅廣東,實在不敢想象。

    但係充滿想象力嘅廣東人,就係可以喺亞熱帶平原,「模擬」出高山天池嘅美景。並且喺最高處,開咗一間風格獨特嘅咖啡店。

    無錯了,明眼人可能已經辨認到,呢度係一個巨大的廢棄礦場。巨大的礦坑底部由堅硬的岩石構成,日積月累的雨水以及地下水滲透,讓礦坑變成咗一個深藍色的深水湖泊。由於礦坑底部並無任何泥沙以及水生植物,所以水質非常清澈。

    係山頂咖啡店二樓觀景台可以欣賞到礦坑全貌。湖心半島可見浮潛以及漿板等水上娛樂設施,可惜入場需要另行預約,我哋只好擇日再體驗了。

    講翻咖啡店本身啦!三角形鋼結構裝修風格真係令處女座非常之安心,冷氣大廳抵禦烈日嘅頂層隔熱非常之有誠意,二樓採光採景方式獨到,就算放係任何地方呢種風格嘅咖啡店都可以單開一篇來講。無奈,風景實在太好令到咖啡和建築風格反而黯然失色。不過風景免費,飲料咖啡¥30+,良心!

    浮日藍礦咖啡呢座礦山水庫,其實仲有一個更加傳統而浪漫嘅名稱,叫做「關山肚」。這是本地人幫這個大礦坑改嘅稱呼,「肚」諧音「度」,聯想到古詩《木蘭詩》「萬裡赴戎機,關山度若飛」。意為不遠萬里找尋戰機,飛快的跨過一座座關卡和大山,似極了自駕遊的過程。

    另外,關山肚個「肚」也可以解釋為「深處」,泛指大山深處;同時「肚」又係一種形狀,形容又深又大的礦山湖,兜住咗一大潭水。無論點樣去想象,都非常之有詩意。

    無錯了,講咁多典故,我哋又要解鎖「關山肚」另一種玩法,亦係經典遊玩路線,亦係隱藏路線,探險路線。全程免費,需要一定駕駛技術,輕微徒步登山10min,有可能會踩到幾腳山泉水添。

    Step 1,又係需要打開「高德地圖」APP,搜「志高空調四會製造基地(南門)」;

    Step 2,先搵到下左圖的小路口,勉強可以開汽車通過,大膽D!

    Step 3,開車進入200米,就會見到礦山最佳觀景(上圖),然後就可以就近空地泊好部車了;

    Step 4,找到下右圖,附帶山路危險公示牌的山泉小路,大膽徒步進入!

    Step 5,步行約10min見到光禿禿的山頂,恭喜你,成功潛入山頂咖啡店!

    當然,上山良好的路況以及足夠成熟嘅半山停車場,加上景區免費,筆者並不支持大家去走探險路線(探險狂熱份子可以無視)。不過有機會再來遊玩的話,更希望可以體驗水上娛樂甚至水底浮潛。至於玩到餓了,周邊美食推薦下載「大眾點評」APP,搜附近的「農莊」。推薦本地菜色,「大盤雞」、「山坑魚」,真係可以食到現場屠宰嘅新鮮食材嘎!

  • 圖集 發現個影車勁有格蘭披治Feel嘅地方!

    圖集 發現個影車勁有格蘭披治Feel嘅地方!

    發現一個影車勁有格蘭披治Feel嘅地方!有Macau澳門格蘭披治同款賽車大樓,有格蘭披治同款金屬護欄,仲有衝線方格塗裝嘅地面,可以擺個靚Pose幫部前漆影番輯靚相添啊!

    PS:適逢遇上當地車友聚會,有大把靚車靚女,仲有好多網紅車仔攤檔。地址在文末。

    這個地方位於中國廣東省佛山市南海區「千燈湖」商圈,近年北上娛樂流行,有幸成功申請粵港澳駕駛許可的朋友可能都已經知道咧個「風水寶地」。千燈湖免費景區非常出片好行,旁邊大基綠道啱曬4+2爆單車,美食方面桑拿雞桑拿魚、冬瓜浸雞、魚生、豬雜粥等聽到流曬口水;另外附近海八路車城、快捷汽配城、粵豐汽配城以及好多工廠級「大店」順便整備車輛,快捷方便。作為預告,讀者朋友們不妨期待OptionFans Magazine為大家帶來《人車生活》欄目之「千燈湖」專題內容啦!

    Words@Alex / Photography@Alex,Mann

    地址:GOOGLE地圖廣東省佛山市南海區華翠北路大概圖中河道旁

  • AUDI直五最終章,RS3 GT測試中

    AUDI直五最終章,RS3 GT測試中

    近日,AUDI重新調整了除中國市場之外嘅產品開發策略,內燃機將會重新回到主要銷售當中,此前所為嘅“2032全面淘汰政策”也會延後。不過基於市場規劃調整以及環保因素,AUDI會將旗下不少標誌性嘅引擎退役,實屬無奈。例如搭載在A8上別具一格嘅W12,R8標誌性嘅V10,如今RS3嘅直五,都要退休了。

    不過,AUDI為了直五引擎榮休,目前規劃了一款名為RS3 GT嘅限量版車型,日前已經有車迷在紐北賽道上捕捉到測試車輛,儘管全身被偽裝車貼覆蓋,但不難發發現這款新車有著更為誇張嘅空力套件,整體造型更為激進。

    其中最讓人好奇嘅係2.5公升直5引擎在動力上是否有明顯提升?目前現有RS3上面,最大馬力394匹,峰值扭力500牛米。Audi Sport負責人Sebastian Grams透露,引擎在性能調教上仍有不少上升空間。

    直五引擎嘅魅力,在於其獨特的缸數佈局以及聲浪,無論最終車型性能如何。始終直五嘅產品生命週期走到盡頭,基於Euro 7排放法規限制,工程師再大費周章投入調整並不符合生產效益。

    圖片均來自官方,觀點僅代表作者個人;如果冒犯倍感抱歉,請立刻聯繫我們。

  • 再反轉!麥拿倫賭城除名 汽車人計劃有變準備爭冠

    再反轉!麥拿倫賭城除名 汽車人計劃有變準備爭冠

    一直被一個靈魂拷問困擾住「究竟F1有無劇本?」我相信係無噶!因為作為體育競技F1已經足夠精彩,當然除咗當年個別車隊企圖操控賽果並面臨官非。不過今站賭城拉斯維加斯街道賽,比賽確實几無聊,但賽後一紙判決書,貌似一只無形大手,無聲咁Hold住咗比賽嘅精彩程度,就係唔比高潮消退。

    2025 F1倒數第三站拉斯維加斯街道賽,麥拿倫雙車起步出問題,甚至長時間被小紅牛暴力壓制。表現亮眼勢頭強勁嘅紅牛車隊韋斯特賓(VER),第一彎就搶得頭車直到衝線。但分差巨大,結局越來越清晰。如果唔系出咗個「大逆轉」仲裁,我哋會認為最後兩站已經系「垃圾時間」。

    麥拿倫車隊,賽後被取消拉斯維加斯站成績!原因系底板過度磨損違規,底盤過低持續獲得空力優勢。FIA規定底板厚度剩餘不得低於9mm,而根據文件數據,實測4號車為前8.88後8.93,81號車前8.96後8.74(其實好好奇其他車隊底板剩餘量)。本來2、4名完賽,尤其最有望首次奪得WDC嘅積分榜首4號仔羅禮士(NOR)大幅度損失積分優勢。

    最後兩站卡塔爾以及阿布扎比,重回低海拔永久性制式賽道,需要較高下壓力,超車難度適中。一直受賽車操控特性困擾嘅PIA是否能夠系此類賽道找回手感呢?不過地處沙漠地區,夜賽風向不定,賽道演進效果明顯,亦都可以利用其中不確定因素去爭端賽道位置。

    雖然NOR目前依舊積分390分領先,不過僅領先並列第二名嘅隊友皮亞斯特利(PIA)366分以及追到同分嘅VER 24分。最後兩站其中卡塔爾有衝刺賽,最多仲有58分可以爭奪,2025 WDC局勢重回三人爭冠。

    今年紅牛車隊唔掂嘅時候,VER各種神奇逆轉,被車迷稱作汽車人韋斯特賓。作為捧著車隊全速奔跑的人,目前系巴西站已經冒險違規啟用咗額外嘅全新引擎,動力強勁,加上後追嘅巨大心裡優勢,所以VER爭奪WDC呼聲持續高漲。

    圖片均來自車隊官方,觀點僅代表作者個人;如果冒犯倍感抱歉,請立刻聯繫我們。

  • 奇瑞模仿越野路華挑戰天門山999級天梯,衰咗!

    奇瑞模仿越野路華挑戰天門山999級天梯,衰咗!

    大家都知道近幾年國產電動車飛速膨脹啦,目前氣勢上碾壓日本車甚至想同一眾歐洲百年大廠拗手瓜嚄!咁具體小小就真係有個八卦可以八下。中國奇瑞汽車有留意嘅話,早幾年同越野路華(Landrover路虎)合資生產部分車型,實力都唔差。近排造咗几款網紅越野電車,喺大陸地區露營同埋擺攤圈子反響唔錯,各種改裝款式遍地開花,玩車氣氛非常歡樂。

    好了,既然呼聲同口碑都上咗來,於是奇瑞推廣部門就做咗一個好神奇嘅企劃,駕駛旗下主推插電混合動力越野車風雲X3L,模仿當年越野路華攀爬,攀爬中國著名景點——湖北省張家界天門山嘅999級登山步梯。本來霖住曬下越野性能,點知!

    無錯係衰咗嘅!好多人已經開始笑,造幾年越野車就企圖同百年大廠斗技術,而且X3L只係一款價值僅十分一嘅入門家用越野車。就算電驅動力對於扭矩輸出有天然嘅優勢,但係四輪動力分配、底盤結構、車胎配置等一堆繁瑣技術問題都需要時間沉澱,盲目自信,爬唔上去或者係整定。

    不過官方將失誤原因,歸咎於安全繩脫落並纏繞住右邊車轆失去抓地力導致事故,而並不是車輛本身能力問題。不過並唔重要,因為對於奇瑞來講,咁嘅價錢,負面營銷一樣可以刺激銷量。甚至引起更多人關注討論,對銷量反而會更好。

    畢竟X3L價格先至萬五美元起步,配置1.5L汽油發電機+雙電機四輪驅動,可以輸出422Ps馬力以及505N\m扭矩,225mm離地間隙以及22度接近角30度離去角,其實係夠曬一般越野愛好者休閒穿越使用噶。加滿油可以行1080公里但無曬油純電就只能行205公里,亦都非常實用。


    圖片視頻均來自網絡,觀點僅代表作者個人;如果冒犯倍感抱歉,請立刻聯繫我們。

  • 歐陸GT你會揀輕量化SuperSports or Mansory?

    歐陸GT你會揀輕量化SuperSports or Mansory?

    賓利歐陸GT,咧款跑車比我哋嘅印象就係極致奢華、笨重但優雅,歐陸GT係兩噸几嘅斯文富家大肥仔咁嘅存在。好少廠家會故意將一部跑車,造到咁巨大同埋咁笨重,屬於跑車圈子獨一檔嘅存在。

    不過最近收到風,賓利終於計劃推出歐陸GT SuperSports,好消息係重量低於2000KG嘅輕量化版,性能大幅提升;壞消息係肥仔減肥,減咗脂又跌肌肉。拆除電驅系統,馬力對比基礎版GT Speed減少咗至少一百匹,而且唔會配置四驅系統,極有可能好地地一部豪華車拆到「甩皮甩骨」。

    於是呢個時候,著名改裝廠家Mansory就提出咗一個非常聰明嘅方案。呢款歐陸GT Mansory,基於Speed配備咗全套鍛造碳纖維外觀,而且視覺上非常有衝擊力。重新設計包裹真皮內飾搭配22寸大鈴,主打一個既不犧牲任何馬力以及舒適配置,甚至可以提升一點馬力。又可以令到部GT睇上去,更輕、更競技、更聰明。

    其實筆者個人,係比較中意又長又大有氣勢,又偶爾可以以優雅姿態落場欺負下部分細馬力改裝車嘅跑車,所以可能會更適合精簡型嘅SuperSports。不過相信大部分歐陸GT車主並無呢個需要,甚至距哋部車終其一生都唔會去賽車場一次。於是乎,若只係想營造賽車運動嘅氣息,或者只係增加社交談資,Mansory鍛碳套件足矣!


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 唔好咁啦,好失禮咧!豐田章男加入MAGA運動

    唔好咁啦,好失禮咧!豐田章男加入MAGA運動

    哇,唔係講笑,原來豐田嘅老闆——豐田章男,竟然公開表明自己作為美國總統川普支持者嘅政治立場。

    近日喺日本富士賽道Fuji Speedway舉行嘅一次納斯卡賽車活動中,豐田章男身穿印有美國總統川普以及副總統萬斯嘅MAGA服飾出席活動。喂喂,納斯卡嚄!唔係全美改裝車競賽嚟咩?又關距日本豐田咩事?其實都有關係噶,豐田作為廠商車隊係有參加美國納斯卡比賽,而且喺2025賽季已經提前鎖定冠軍。

    NASCAR(National Association for Stock Car Auto Racing)全國汽車運動協會,喺人哋地頭參加人哋嘅全國最高比賽仲要奪冠,搞翻場本土納斯卡比賽賀一賀佢本身無可厚非,不過豐田章男全套MAGA裝備就真係過分兼失禮了。本身作為生意人不參與政治,保持中立,係各行業墨守成規嘅職業美德。而且MAGA嘅口號「Make America Great Again」同豐田或者日本又有咩關係咧?其實都有D噶。

    2025國際局勢來講大家可能提前了解過。概括就係先係美國自己經濟唔掂提高關稅收割日本在先,然後日本求和並同美國傾掂咗日本向美國投資5500億USD來換取美國對日本嘅關稅優惠。其中豐田集團對美投資總額已經占到600億USD,只可以講「Make America Great Again」豐田章男又確實係出錢又出力,若將來美國再次偉大豐田一定功不可沒。


    圖片均來自網絡,觀點僅代表作者個人,本站立場絕對中立;如果冒犯倍感抱歉,請立刻聯繫我們。

  • 按照慣例,名越長越勁抽

    按照慣例,名越長越勁抽

    繼SUBARU發佈了黃色特別版BRZ後,SUBARU又在日本本土市場發佈了一款BRZ嘅限量版車型,名為“Type RA”。熟悉掃把佬嘅車友自然對呢個稱呼十分熟悉,RA之名早已在impreza STi車系中應用,出現在BRZ身上確實是首次。

    外觀上,Type RA配備了一眾STi車身套件,包括前擾流板,後包圍包角,STi高性能排氣,18寸BBS合金車鈴,以及一個巨大嘅碳纖維尾翼。

    SUBARU方面,並未有明確說明Type RA最終的動力輸出是否有改變,不過廠商方面表示FA24引擎依舊保留原有嘅自然吸氣樣式,不過引擎內部嘅活塞,連桿,曲軸都採用了更為輕量化嘅配置,引擎反應自然會有明顯提升。

    除了引擎本體外,基於“賽車化”嘅前提,底盤方面採用了ZF提供的前後避震器以及STi柔性拉桿。另外Type RA沿用了源自Cup Car Basic嘎後差速器本體,帶有明顯嘅散熱鰭片,這對於高負荷運轉嘅後差速器十分有利。另外還有一個讓廣大舊車主稍有“不適”嘅改動,TYPE RA車型原車支持“自動REV MATCH”,可以實現自動降檔補油,生檔也更為平順;同時實現全油門換檔。當然啦,一眾改裝達人都可以通過ECUTEK等設備進行編寫程式,實現相關功能。

    BRZ STI Sport Type RA車型目前確認僅在日本發售,標準版限量200台,售價4972000日圓;另有100台自帶GT大尾翼版本,售價5478000日圓。由於數量有限,目前SUBARU會通過抽籤形式發售,申請日期截止到11月30日。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 唔想買TESLA,咁iX4有無興趣?

    唔想買TESLA,咁iX4有無興趣?

    近期一款寶馬偽裝車被拍攝到在戶外進行試車。從整體造型以及寶馬廠商最新的車型規劃定位不難確認,此款Coupe造型嘅SUV便是iX4。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

    儘管寶馬方面目前並沒有任何消息透露iX4具體的外觀造型,但基於iX4與iX3的姊妹關係,綜合諜照現有的視覺線索。不少數字藝術家已經開始創作出了iX4的假想渲染圖,頗有參考價值。

    以上渲染圖出自著名數字藝術家SUGAR DESIGN。

    基於iX3與iX4嘅車型關係,iX4同樣出自寶馬目前最新的Neue Klasse平台,同時頭燈,包圍等外觀元素與iX3高度相似,當然未來真車上可能會有部分細節上嘅差異。iX4 COUPE造型向後傾斜,與上代X4比較傾斜更大,肌肉線條更飽滿。至於內籠方面,iX4會與iX3完全一致,唯一區別便是iX4後排乘客的頭部空間有所減少。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 今次呢部掃把佬唔會爆偈啦!

    今次呢部掃把佬唔會爆偈啦!

    最近嘅日本移動出現展上,不少汽車廠商都發佈了旗下最新嘅產品陣容,其中不乏概念車型以及最新技術展示。而SUBARU重點展示了兩款STi概念車型。一款是以最新Impreza為基礎的高性能燃油車款,而另外一款則是高性能純電動車型。

    此款純電動概念車型名為“Performance-E”,其實就預示著SUBARU未來的純電車型發展方向,據廠商稱未來極有可能發展成為量產車型,也就是LEVORG的純電動繼任車型。

    其實從Performance-E概念車整體造型比例都不難發現,空氣動力學嘅設計有非常濃重筆墨,不過作為一台WAGON車款,整體造型並無過度浮誇,保留相當實用性。

    作為一台“掃把佬”自然少不了一個大尾翼設計,不過與過去橫跨尾部左右的傳統尾翼不同,Performance-E使用了一個從車頂線條引出嘅繞流設計,左右獨立雙鰭設計相當獨特。後包圍更有明顯F1賽車風格嘅大型擴散器與煞車燈設計。而另外一個令一眾SUBARU車迷熟悉嘅元素,就係標誌性嘅拉力藍車身塗裝搭配金色車鈴。而作為一台純電車型,車鈴造型會對續航表現有所影響,因此SUBARU將金色塗裝在車鈴嘎空氣動力附件上,與黑色輻條,紅色卡鉗搭配,相當有層次感。

    據廠方介紹,Performance-E電動概念車,遵從“人性化駕駛佈局與舒適寬敞的內飾”概念,從廠房提供的技術架構圖可以看到,Performance-E採用的是底盤式電池組,以及前後佈局雙電機,前懸掛更係換裝了雙A臂結構,對於SUBARU車型,確實係一個新嘗試。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 寶馬M用數據證明 純電性能可能更佔優

    寶馬M用數據證明 純電性能可能更佔優

    寶馬新發佈咗i4 M60純電動性能車,各方面性能指標必然非常優秀。而當我哋攞嚟對比M部門當家王牌車型M3,就會發現今日嘅問題。M Power同廠同部門推出的純電車,性能上能夠優於同時期,擁有幾十年技術沉澱嘅燃油車型嗎?

    i4 M60配備全新的SiC逆變器,性能大幅提升,標準模式輸出510匹馬力,運動模式則擁有593匹馬力。續航亦有提升,標配19吋胎鈴巡航447Km,如果選配20吋大腳則巡航跌到373Km。對比上代i4 M50都係不少的提升。不過如果追巡航嘅用戶,則可以選擇標準版嘅全新i4 eDrive40,巡航最大去到536Km,非常接近燃油車了。

    上數據:

    i4 M60 593匹馬力 M3(後驅)510匹馬力 M3(四驅)530匹馬力
    0-96Km/h 加速 3.6s0-96Km/h 加速 3.9s0-96Km/h 加速3.5s
    60L 滿電續航447Km60L 滿油續航約600Km 60L 滿油續航約590Km

    純電動車,除了肉眼可見的低售價、低使用成本:自配車庫充電電費便宜,機械部分幾乎相當於免維護,性能上對底盤上的電機、電池等佈局也有巨大的自由度。所以操控性能未必係電車短板,甚至未來趨向電機尺寸縮小、電池效能提升,純電車性能潛力仍在提升。

    當然,燃油引擎嘅聲浪、震動體驗自有獨到的魅力,況且百年技術沉澱的燃油機,可以做到的輕量化同埋更精密,或者係不惜成本爭分奪秒的賽車領域倍受青睞。不過寶馬喺不久將來又會推出下代嘅M3,屆時性能上一定會有質嘅飛躍,不排除打不過就加入精神,出現高放電佈局嘅油電混合嘅M3(波子911就係前車之鑒)。

    計劃於2026年底投產嘅純電i4價格如何?目前公佈嘅係美國售價,i4 eDrive40为57,900 USD。i4 xDrive40为62,300 USD,i4 M60为70,700 USD。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 反轉!81失速陰謀 & 4號仔進入ChampionZoom

    反轉!81失速陰謀 & 4號仔進入ChampionZoom

    眼睇2025賽季得翻最後三站,關於WDC的爭奪勝利的天平似乎再次轉動傾向了麥拿倫車隊嘅4號仔羅禮士(NOR)。NOR最近几站比賽不但強,而且穩定得可怕,就好似剛結束嘅墨西哥以及巴西大獎賽咁,連續大滿貫。正如當年平治連冠時期嘅咸美頓(HAM)進入Hamitime咁,英國仔Lando Norris進入咗一個無解的ChampionZoom。

    紅燈熄滅,比賽開始!先簡單報一報巴西站嘅情況:

    PIA衝刺賽又再自己跣胎上墻,身後仲有兩台車同時喺同一彎上墻,事後調查係路肩藏水帶出咗路面;

    全村嘅希望韋斯特賓(VER)帶領車隊破天荒雙車止步Q1,屬於紅牛建隊第一次;

    嘟嘟嘟嘟BGM嚮起,VER違規Set車換埋新引擎,正賽維修區起步追到P3,VER本人認為爭WDC已成笑話;

    PIA正賽借安全車重啟強插平治車隊安東尼利(ANT)導致連環事故(高清圖↓),罰10s唔冤枉;

    平治車隊的未來小將ANT,被PIA強插到車尾起飛,撞爆LEC前胎之後奇跡無損落地,P2衝線獲生涯最佳;

    全村嘅失望法拉利又雙車DNF!陸克萊(LEC)無辜卷入上文中PIA引發的連鎖事故,HAM則底板損壞;

    NOR大滿貫攞滿分,積分優勢擴大到25分,最終完賽成績僅拉開10s,睇來車並無優勢,靠嘅係車手能力。

    不過最神奇嘅係,大部分車迷觀眾並不關心NOR點解咁強勁,討論熱度反而係隊友皮亞斯特利(PIA)點解失速,點解成績下滑,甚至排位賽穩定咁慢過隊友0.3-0.6s,仲甚至打唔贏平治、法拉利。

    PIA是否受到車隊區別對待?賽車是否採用不一樣嘅調教?車隊策略是否更加傾向NOR?當然,PIA喺墨西哥站後已經自己出來澄清:車,係一樣嘅車,車隊並無迫害,只係自己無法適應低抓地力賽道特性導致成績下滑。不過!依然有資深車迷唔死心,深挖羅列麥拿倫近幾站升級背後的數據,我哋簡單過一過原理。

    眾所周知,F1同車隊有兩支唔同嘅車組,分別服務於兩部賽車。所以,車,係一定唔一樣嘅!至少根據車手習慣調教參數會唔一樣。有一種講法,係PIA拒絕咗加拿大站嘅前懸掛升級,因為距認為並無提升,但NOR則有採用升級前懸。而咧套升級前懸掛,正正係對應低下壓力以及輪胎打滑情況下嘅操控優化方案,而並不是速度提升。

    據傳PIA駕駛風格唔中意打滑,喺四輪抓地嘅情況下能力出眾。而NOR陪伴車隊更長時間,喺麥拿倫混跡中游車隊時期,就非常習慣賽車抓地力不足而需要車手自己執生嘅情況。所以去到比較邋遢嘅賽道,例如街道賽;以及低下壓力賽道,例如高原賽道墨西哥同埋巴西,NOR都好快可以搵到合適嘅Setting去壓榨麥拿倫賽車嘅全部速度。

    其實再穩翻下NOR對比PIA嘅往年數據,就會知道PIA確實係美國、墨西哥同埋巴西,都係慢過NOR唔少。譬如2024 Q3美國站PIA慢0.6s今年只係慢0.3;至於2024墨西哥站就更差了,PIA連Q3都入唔到,所以PIA嘅往年環比成績係提升咗!PIA喺採訪度認為自己需要改變駕駛方式,需要更多進步,其實係真嘎!事實近兩個賽季PIA都一直都有甘樣做。

    至於車隊成員會唔會使小動作跣翻PIA几嘢咧?喂,大佬!現在F1係美國自由媒體集團掌舵嘎,而且車隊市值升到bangbang聲,搞d咁小動作就真係「作死」。利益角度上完全無必要,至少管理層絕對會公平對待。

    但係話曬麥拿倫車隊總部喺英國沃金,英國籍車隊員工占大多數,或者個別有情結,希望自己家鄉嘅車手NOR攞WDC,但筆者認為影響有限。畢竟10支F1車隊,7支總部都係英國,如果家鄉情結影響咁大,英國車手早應該就壟斷比賽了。


    圖片均來自車隊官方,觀點僅代表作者個人;如果冒犯倍感抱歉,請立刻聯繫我們。