标签: Williams

  • 兩個只能活一個?比利時大獎賽Russell退賽Kimi再次奪冠

    兩個只能活一個?比利時大獎賽Russell退賽Kimi再次奪冠

    2026 賽季 F1 第十站比利時大獎賽於7 月 17-19 日來到了比利時Circuit de Spa-Francorchamps。Spa-Francorchamps坐落於比利時阿登森林(Ardennes Forest),全長7.004公里,是F1賽歷上單圈距離最長的永久性賽道,正賽共44圈,正賽比賽里程為308.052km。整條賽道穿行於山谷與森林之間,賽道各區域海拔變化較大。約80%的單圈里程處於全油門狀態,這對動力單元、輪胎和車手體能都是極限壓榨。

    賽前官方文件顯示本站將設置有5段直路模式(Straight Mode)啟動區域,超車模式(Overtake Mode)探測點和啟動點在19號彎前後。Eau Rouge與Raidillon (T2-T4)高速彎組合是賽車空氣動力學極限的標誌,Kemmel 超長直路模式啟動區預計會產生不少精彩鏡頭。

    排位賽單圈最大充電能量為7.0MJ,正賽單圈最大充電能量為8.5MJ,超車模式(Overtake Mode)下單圈最大充電能量為9.0MJ。

    Pirelli為本站帶來了C2(硬胎)、C3(中性胎)、C4(軟胎) 三款乾地輪胎配方。

    排位賽—–

    在香港時間週六晚上進行的排位賽(Qualifying),Mercedes車隊的Kimi Antonelli以1:44.361奪得杆位,獲得個人本賽季第6個杆位,這是 Mercedes 車隊在 2026 賽季現時為止全部 10 場大獎賽中第 10 次奪得杆位。Red Bull 車手 Max Verstappen 落後 0.317 秒位列第二,McLaren 車手 Lando Norris 跑出 1:44.801 原本位列第三,但因更換動力電子單元被罰退 10 位起步。

    Q1被淘汰:Albon(Williams)、Ocon(Haas)、Bottas(Cadillac)、Perez(Cadillac)、Alonso(Aston Martin)、Stroll(Aston Martin)

    Q2被淘汰: Lawson (Racing Bulls) 、Gasly(Alpine)、Colapinto(Alpine)、Hülkenberg(Audi)、Sainz(Williams)、Bearman(Haas)

    Q3 第一輪飛馳圈 Norris 表現驚艷,在第二計時段(S2)做出全場最快,以 1:44.801 暫列第一,領先 Antonelli 0.039 秒。Oscar Piastri 在 Stavelot 出彎輕微失誤掀起大量砂石,賽會出示紅旗,暫時中斷比賽以便清理賽道。紅旗結束後最後4分鐘10部賽車陸續出場進行最後一輪飛馳圈。Red Bull 安排因超標更換部件被罰至隊尾起步的 Hadjar 為 Verstappen 提供尾流, Verstappen因此提升約 0.3 秒至 1:44.678,短暫佔據第一。Antonelli 隨即以 1:44.361 反超,強勢奪得杆位。

    由於Lando Norris被罰退 10 位起步, George Russell上升至第三起步。Ferrari 兩位車手 Charles Leclerc 與 Lewis Hamilton分列 第四和第五位。

    正賽—–

    五盞紅燈熄滅,所有賽車順利進入一號彎。Max Verstappen 在 La Source(一號彎)超越 Antonelli,但隨後被 Antonelli 與 Leclerc 雙雙反超。後方 Lewis Hamilton 與 George Russell 發生碰撞,Russell 失控衝入砂石地無奈退賽,賽會出動安全車。

    安全車結束後,Verstappen 做出當時最快圈速的同時超越 Leclerc 回到第二位。Leclerc 在此過程中與身後 Piastri 發生碰撞,Piastri 賽車有部件掉落,經賽會調查後兩位車手均未受到進一步處罰。

    第 9 圈,Hamilton 超過 Piastri 升至 第四位。隨後賽會宣布因此前與Russell的碰撞,Hamilton被處以5秒罰時。

    第 18 圈,Verstappen 進站換上硬胎,試圖以 undercut 反超,隨後一圈 Antonelli 也進站換上硬胎。

    第 20 圈因需清理賽道內的碎片,賽會出示虛擬安全車(VSC)警示,Ferrari 藉此上演同圈進站,Leclerc 與 Hamilton 同時換上硬胎。Leclerc憑着VSC下進站耗時更少的優勢超越 Antonelli 暫時領先比賽,Hamilton 也完成 5 秒罰時。第 22 圈,Norris 被 Leclerc 超越,Leclerc 正式成為新的領跑者。第 26 圈,Antonelli 超越 Norris 回到第二。

    第 29 圈,Verstappen 也超過 Norris,Antonelli 追到 Leclerc 身後約 2.2 秒。

    第 30 圈,Antonelli 進一步將差距縮小到 2 秒左右。Norris 在本圈進站換上中性胎,但 McLaren 車隊換胎時左後胎卸不下來,導致本次進站耗時長達7.8 秒,Norris 大半場的努力追擊基本清零,出站後他落到 Bortoleto 身後,暫列第八。

    第 34 圈,Antonelli 完成對Leclerc的超越,重新奪回第一位。最終Antonelli 順利將第一維持到最後,成功奪得本站冠軍。

    Mercedes 本賽季已經有5個分站只有一部賽車完賽得分,今站Russell早早退賽也為其對世界冠軍爭奪造成沉重打擊。Leclerc與Hamilton本站繼續雙雙有好表現,在車隊與車手積分榜繼續與Mercedes保持競爭懸念。由於Kimi贏得本站冠軍,Russell在車手積分榜從落後 Antonelli 25 分擴大至 45 分,並且再度被 Hamilton 超越跌落第3位。Verstappen本站獲得第3名也為Red Bull達成隊史第300次頒獎台成就。

    7月24至26日F1將會進行夏休期之前的最後一站——匈牙利站,屆時在一條與本站賽道特性完全不同的賽道進行比賽,意味着完全不同的能量部署策略。還有此前外界盛傳Aston Martin將會帶來改頭換面的升級,小編個人的確有幾分期待,畢竟自2026新規實施以來,該隊一直沉寂至今,届时升級實際效果如何,我們拭目以待。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 掃把佬正式推出經典車計劃

    掃把佬正式推出經典車計劃

    隨住掃把佬Impreza車型嘅年歲增進,曾經都覺得頗為後生俗稱「789代」嘅GD世代都已經邁入咗二十年關卡。而GC世代更唔使講早已經進入「Classic Car」嘅行列。車年是已高加上原廠零部件陸續停產,對於唔少用戶或者玩家而言,繼續去持有一台Classic Car都係一個比較高難度同高投入嘅課題。此前筆者認識咗一個GC車型玩家,部分零部件嘅停產甚至令佢要去嘗試自己去進行復刻,特別係某類關鍵部位嘅橡膠件,密封件,塑料部件。

    正好有個消息,掃把佬方面正在傾聽其最熱情嘅車主意見,並為 GC 世代嘅 WRX 和 STI 提供替換零件。實際上其他日本製造商如萬事得同日產,都有類似服務,而且最初只係日本提供傳統零件支持,但後來擴展到美國市場。按照掃把佬方面嘅規劃,暗示其他車型都會好快獲得相應支持,甚至包括早期的美國市場車型。

    掃把佬目前嘅Heritage Service Program最初僅限於日本市場服務,主要針對基於GC底盤的WRX和STI車型。然而其他汽車公司提供的零件項目最初都係日本進行試點,理論上只有日本車主才能享受到這兩家公司提供的原廠修復服務,不過零件最終都開始在海外銷售。所以對於香港嘅GC車主,實際上唔存在太大購買難度,無非都係日本網站直接購買。

    官網上面有相關配件列表,有興趣嘅車友不放上去睇睇有無心水零件

    至於GD世代「蟲眼」「淚眼」「鷹眼」WRX和STi嘅車友都唔好灰心,有好消息:掃把佬好有可能會開始著手GD世代,實際上目前GD世代零件依舊在產,尚未完全停產,加入經典車計劃後,相信部分停產零件會得以復產。放眼全球,美國市場對掃把佬至關重要,而且新世代STI車型目前又處於停產狀態。因此掃把佬方面會有相關計畫正在醞釀之中,有可能為美規STI即將迎來25週年紀念之際,推出相關車型嘅經典車服務。

    講翻目前日本方面嘅規劃先,掃把佬經典車服務中心係橫濱一年一度的「懷舊2日」車展上正式推出,為上世紀90年代中期的WRX和STI車型(GC世代)提供各種零部件,其中包括引擎密封件、前大燈以及諸如密封條之類的易損件。該計畫嘅推出源自一項針對日本斯巴魯車主的廣泛調查,調查顯示,廣大車迷不願出售愛車,更願意長期持有。

    掃把佬方面,以一種相當務實嘅方式著手製定其替換零件清單,他們拆解咗高咪數(超過12.5萬miles)嘅車輛,確認故障所在。掃把佬經典車服務專案擁有自己嘅網站,網站上列出嘅零件應該可以透過斯巴魯日本經銷商網路訂購。另外網站上還有一個選項,車主可以提交他們希望看到的升級方案,相當貼心。

    相信不久嘅將來會有更多車型支持,對於廣大玩家確實係利好消息。

    全球範圍內,STI和WRX車主應該都感同身受,佢地或許並不太喜歡現款WRX的大觸控螢幕和車重,缺少咗過往嘅「純粹」,筆者其實非常希望哩項計畫能夠推廣到全球範圍,確保世 界各地嘅大尾翼和「大鼻窿」可以長久陪伴車主。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。
  • 廣東阿爾卑斯山 自駕即達 兩種玩法

    廣東阿爾卑斯山 自駕即達 兩種玩法

    圖:Alex / Mann

    自從港府大陸之間,開放咗廣東自駕回鄉之後,真係非常利好中意自駕遊嘅車友。當然啦,雖然自駕遊範圍僅限廣東地區,不過今次對於廣東地區千篇一律的亞熱帶「綠色」風情,我哋亦可以睇到不一樣嘅風景地貌。

    自駕遊直達,進入廣東之後下載一個「高德地圖」導航APP,然後搜「浮日藍礦咖啡」,開啟今次自駕啦!

    根據導航帶路,順利的話三個鐘車程,我哋會去到佛山和肇慶嘅交界處——一個群山環繞但係光禿禿嘅地方。如果客流量巨大,可以考慮提前停車係半山停車場,然後一小段階梯拾級而上就會到達目的地。體能零要求,無需任何裝備,注意防雨防曬即可。

    歐洲最靚嘅景點,一定走唔甩阿爾卑斯山;中國最出名美景,一定會有西藏深處神秘而美麗嘅「日照金山」。而兩者共通之處,就係都會有高山寒帶寸草不生嘅禿石峰頂,尼樣嘢係地處亞熱帶兼並無高海拔山峰嘅廣東,實在不敢想象。

    但係充滿想象力嘅廣東人,就係可以喺亞熱帶平原,「模擬」出高山天池嘅美景。並且喺最高處,開咗一間風格獨特嘅咖啡店。

    無錯了,明眼人可能已經辨認到,呢度係一個巨大的廢棄礦場。巨大的礦坑底部由堅硬的岩石構成,日積月累的雨水以及地下水滲透,讓礦坑變成咗一個深藍色的深水湖泊。由於礦坑底部並無任何泥沙以及水生植物,所以水質非常清澈。

    係山頂咖啡店二樓觀景台可以欣賞到礦坑全貌。湖心半島可見浮潛以及漿板等水上娛樂設施,可惜入場需要另行預約,我哋只好擇日再體驗了。

    講翻咖啡店本身啦!三角形鋼結構裝修風格真係令處女座非常之安心,冷氣大廳抵禦烈日嘅頂層隔熱非常之有誠意,二樓採光採景方式獨到,就算放係任何地方呢種風格嘅咖啡店都可以單開一篇來講。無奈,風景實在太好令到咖啡和建築風格反而黯然失色。不過風景免費,飲料咖啡¥30+,良心!

    浮日藍礦咖啡呢座礦山水庫,其實仲有一個更加傳統而浪漫嘅名稱,叫做「關山肚」。這是本地人幫這個大礦坑改嘅稱呼,「肚」諧音「度」,聯想到古詩《木蘭詩》「萬裡赴戎機,關山度若飛」。意為不遠萬里找尋戰機,飛快的跨過一座座關卡和大山,似極了自駕遊的過程。

    另外,關山肚個「肚」也可以解釋為「深處」,泛指大山深處;同時「肚」又係一種形狀,形容又深又大的礦山湖,兜住咗一大潭水。無論點樣去想象,都非常之有詩意。

    無錯了,講咁多典故,我哋又要解鎖「關山肚」另一種玩法,亦係經典遊玩路線,亦係隱藏路線,探險路線。全程免費,需要一定駕駛技術,輕微徒步登山10min,有可能會踩到幾腳山泉水添。

    Step 1,又係需要打開「高德地圖」APP,搜「志高空調四會製造基地(南門)」;

    Step 2,先搵到下左圖的小路口,勉強可以開汽車通過,大膽D!

    Step 3,開車進入200米,就會見到礦山最佳觀景(上圖),然後就可以就近空地泊好部車了;

    Step 4,找到下右圖,附帶山路危險公示牌的山泉小路,大膽徒步進入!

    Step 5,步行約10min見到光禿禿的山頂,恭喜你,成功潛入山頂咖啡店!

    當然,上山良好的路況以及足夠成熟嘅半山停車場,加上景區免費,筆者並不支持大家去走探險路線(探險狂熱份子可以無視)。不過有機會再來遊玩的話,更希望可以體驗水上娛樂甚至水底浮潛。至於玩到餓了,周邊美食推薦下載「大眾點評」APP,搜附近的「農莊」。推薦本地菜色,「大盤雞」、「山坑魚」,真係可以食到現場屠宰嘅新鮮食材嘎!

  • 圖集 發現個影車勁有格蘭披治Feel嘅地方!

    圖集 發現個影車勁有格蘭披治Feel嘅地方!

    發現一個影車勁有格蘭披治Feel嘅地方!有Macau澳門格蘭披治同款賽車大樓,有格蘭披治同款金屬護欄,仲有衝線方格塗裝嘅地面,可以擺個靚Pose幫部前漆影番輯靚相添啊!

    PS:適逢遇上當地車友聚會,有大把靚車靚女,仲有好多網紅車仔攤檔。地址在文末。

    這個地方位於中國廣東省佛山市南海區「千燈湖」商圈,近年北上娛樂流行,有幸成功申請粵港澳駕駛許可的朋友可能都已經知道咧個「風水寶地」。千燈湖免費景區非常出片好行,旁邊大基綠道啱曬4+2爆單車,美食方面桑拿雞桑拿魚、冬瓜浸雞、魚生、豬雜粥等聽到流曬口水;另外附近海八路車城、快捷汽配城、粵豐汽配城以及好多工廠級「大店」順便整備車輛,快捷方便。作為預告,讀者朋友們不妨期待OptionFans Magazine為大家帶來《人車生活》欄目之「千燈湖」專題內容啦!

    Words@Alex / Photography@Alex,Mann

    地址:GOOGLE地圖廣東省佛山市南海區華翠北路大概圖中河道旁

  • 重度改裝YAMAHA YZF-R1M實車測評

    重度改裝YAMAHA YZF-R1M實車測評

    躍馬Yamaha YZF-R1M屬於YAMAHA旗下最頂級嘅跑車,血統純正由Moto GP賽車街道化而來,未計稅和選配售價30萬港紙起步。998cc排量十字曲軸末代直列4缸(L4),200匹馬力/13500轉、113Nm扭矩/11500轉,車重202KG,官稱2.64秒破百。今次評測咧架Y1M唔止Brembo剎車、鈦斯鍛造鈴,AR排氣,甚至於ECU程序、Clutch都有全方位升級,落地50萬都來緊了。

    好快有人問,咁頂級嘅一架大包圍電單車都需要改裝升級?揸得掂咩?先講市場實況,其實大部分車主改R1M都唔系升級,而系降級。因為原廠包圍、排氣太貴了,跌一跌根本唔值得。稍微做個市場調查,換包圍六萬文、原廠選配嘅Akpovic天蝎死氣喉都要萬八。喂喂喂!我淘翻套造工唔錯嘅副廠包圍2K得未?跌一跌唔心痛先;原廠排氣萬八文?足夠上國產鈦合金排氣咯嚄!大佬啊,在乎咧d就唔系真愛Yamaha R1M啦!跟小編鏡頭睇一次就明白了,買R1M系需要「愛」及「勇氣」嘎!

    首先點解R1M被稱之為「末代十字曲軸直列4缸」呢?系因為Moto GP Yamaha車隊,已經喺2025年決定將圍場最後嘅並列4缸引擎,變更為主流的V型4缸,會同所有車隊一樣。畢竟參考翻Ducati、KTM等GP廠隊,尤其Ducati馬力優勢巨大一度被戲稱為「馬力狗」。V4獲得的馬力優勢淺而易見,只系Yamaha車隊因為研發進度以及成本問題,多年來被動發掘不佔馬力優勢的L4而已。

    大家最關心嘅問題,既然大家都系源自Moto GP,咁R1M對比其他GP賽車量產化嘅產物又有乜優劣呢?就攞Ducati V4來做對比好了。義大利Ducati普遍被認知為電單車中的法拉利,R1M作為東瀛陣營中的挑戰者,劍走偏鋒選擇唔去硬碰硬。

    好多車迷認為日本車造工靚,義大利手工跑車比較粗糙?而現實系反轉的,R1M才是純手工製作,而且都系工藝粗糙的那一位,粗到包圍都對唔齊個只。如今嘅Ducati系真的俾到車主法拉利一般的精緻感,情緒價值、Face、氣場全贏!但對於亞洲人來講,V4力大磚飛、遲鈍、難以駕馭、危險。咁R1M有乜俾到車主呢?無錯了,更適合亞洲人體型嘅操控感、更容易駕馭、更輕、重心更低、更靈活,甚至技術過硬可以偶爾落場做個Time Attack。簡單概括就系,社交Ducati,操車Yamaha。

    但今日咧位Yamaha R1M車主做咗一個成年人嘅選擇,社交、操車我都要,甚至我要架車更加好操!俗語有話:可以使錢搞點嘅問題,全部不是問題。對比買架Ducati V4改翻靈活輕量化,顯然選擇買R1M改翻靚仔個外觀更具性價比。首先套Ohlins避震就真系硬到有點過分了,車尾激進到公路駕駛真系可以成個人彈起,但都系全車唯一無理由去改嘅配置。

    車主甚至放棄咗R1M個對「藍」得有點齋嘅鎂合金輪鈴,而上咗一套金燦燦嘅TARNS鈦斯鍛造鈴。原廠搭日清剎車其實唔差,但義大利Brembo全套前後3只大鮑魚才算頂級外觀,甚至搭配咗粉紅色英國HEL賽車級鋼喉又有無人發現咧?改成透明嘅離合器蓋可以見到裡面離合器旋轉,曬下套干式Clutch不過分吧!

    咧部R1M由於生死氣咧Part調整比較大,標準動作High flow air filter一定有。AR短尾鈦金死氣喉負壓同原廠對比差別太大,扭力縮水都系其次,主要出力唔夠線性手感唔夠細膩,只能通過調整ECU重新匹配硬件,上馬力機細執扭矩出力方式。於是喺高賽科技咧度做ECU特調,剛落馬力機就偶遇本小編了。直接上馬力圖,滿足下大家對R1M真實輪上馬力的好奇。

    首先輪上馬力換算成引擎馬力系有損耗嘅,所以業界對於咧個損耗大概有個既定計算方式。譬如4驅車引擎馬力為輪上馬力的120%;有長傳動軸嘅後驅車為115%;前驅車短傳動軸或傳動效率較高嘅車型為110%,咁我哋就先認為電單車就屬於110%傳動效率高嘅一類(以上數值並不嚴謹,只係業界慣例)。

    看圖可見:改完生死氣輪上馬力為184.94匹,位於13000轉左右,粗略換算成引擎馬力為203匹,同原廠公佈嘅馬力數值基本一致,出力峰值略提前了500轉;同時扭矩為113Nm(未計損耗)系8800轉出力,扭力提前咗成2700轉?其實只系扭矩平台變大而已,說明生死氣更流暢更容易填滿燃燒室,亦更容易達到峰值平台。

    經過特調ECU之後,輪上馬力為196.26匹,同樣位於13000轉,換算成引擎馬力為216匹,扭矩則提升到120Nm。16匹馬力+7Nm嘅提升,就係高性能Air filter+AR死氣喉+ECU特調嘅動力提升總和了。關鍵要識睇,扭矩提前到8700轉就進入峰值平台,架車出力會更加輕鬆愉快,不再需要專登就轉數,催谷等待嘅過程幾乎可以忽略不計,可謂之檔檔有力,檔檔起頭。

    特別鳴謝:GT-高賽科技

  • 哈斯F1車隊發佈2026新車,豐田F1賽車亂入?

    哈斯F1車隊發佈2026新車,豐田F1賽車亂入?

    並不是亂入,而系豐田(Toyota)以冠名贊助嘅方式加入咗哈斯(Haas)F1車隊,而且豐田系以Gazoo Racing嘅名義冠名,所以目前正式車隊名應該叫TGR HAAS F1 Team(TGR:Toyota Gazoo Racing)。車隊的擁有者依然系搞自動化機床嘅美國人Gene Haas。車隊領隊依然系日本人小鬆禮雄;車手依然系31號艾斯特賓·奧干(Esteban Ocon)搭檔87號奧利華·比亞文(Oliver Bearman),哈斯車隊依然系全圍場規模最細的車隊。

    肉眼可見的,Gazoo Racing嘅GR Logo占車身面積已經不少於Haas了。

    今次發佈這架2026賽季哈斯F1新車代號為VF26,雖然底盤依舊由義大利dallara automobili供應以及動力單元依舊來自法拉利(Ferrari),但伴隨和豐田的深入合作,空力升級方面可以使用豐田位於德國嘅風洞等設備,重要系共享技術資源。不過目前看來豐田依然沒有介入賽車動力單元嘅想法,更多系參與車隊技術開發以及直接投入資金用於擴充裝備。對比奧迪(Audi)直接買斷車隊並豪言2028年要自研動力單元,豐田明顯還處於先入局並觀望的狀態,畢竟當年吃過的虧,實在太多了。


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 因法拉利主席偏愛絨面內飾低配賣得貴過標配?

    因法拉利主席偏愛絨面內飾低配賣得貴過標配?

    最近蘇富比(Sotheby’s 全球最古老拍賣行)出現咗一架藍色法拉利(Ferrari)FF,車主居然系法拉利阿涅利家族控股公司EXOR的CEO兼董事長——約翰·埃爾坎(John Elkann)。無錯!就系上年賽季末親自監督法拉利F1車隊升級,並大嘴噴自家F1車手應該更專注駕駛,而不是喺電台抱怨賽車如何如何的那位高層人物。

    咧架車外觀就系一架原廠嘅法拉利FF V12旅行車,但系內飾認真一睇,居然定制咗全車織物絨布面內飾,恕小編從未見過如此「低配」嘅法拉利!不過喺歐洲,織物面料被普遍認為比皮革更加環保,所以絨面非常之受環保人士喜愛。由於屬於法拉利定制款而絕非低配,所以全球僅此一架!再加上些許名人光環,拍賣價格就更加離譜了,估價去到22-32萬歐元。

    法拉利FF(Ferrari Four)系目前其產品線中的第一款近似旅行車的4座跑車,生產於2013年,系一架前置6.3升V12引擎嘅4驅豪華大型GT(義大利語Gran Turismo)。650匹馬力以及680Nm扭力,3.7秒即可完成0-100加速。好多人話這款FF應該叫做「獵跑」(Shooting Brake),但係德國平治2012年發佈CLS Shooting Brake時,搶先重新定義了「獵跑」這個源自60年代的古老概念,所以法拉利方面系並不承認這個品類嘎!


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • RR佈局怪異Alpine,法國人制衡911的秘密武器

    RR佈局怪異Alpine,法國人制衡911的秘密武器

    八九十年代喺歐洲最炙手可熱嘅跑車,波子(Porsche)911 Turbo一定榜上有名。其特點6氣缸帶Turbo引擎,RR佈局(後置後驅)引擎壓住車尾但依然神經質般中意Spin,被稱之為寡婦製造機,又反骨又得人中意。於是好快,911就招來了法國人的妒忌,法國雷諾(Renault)旗下高端品牌Alpine,決定造一架同樣RR佈局,但風格完全相反嘅跑車來制衡911。

    咧架車就系Alpine GTA Turbo。一款喺美國距僅有12架喺街度行緊,仲稀有過布加迪威龍(Bugatti Veyron)嘅法國跑車。據聞雷諾花費咗成3000萬USD喺美國幫部車搞量產項目,但系因為公司上層併購等問題搞到項目擱置,最終僅產出12架,搞到每架車成本超過250萬USD。

    咁其實架法國嘅「911」實力如何呢?同等RR佈局,同等2+2座實用跑車設定,最大嘅特點系前後軸重量比為38/62,而當時911只能做到32/68。過彎極限、穩定性可謂法國人完勝!V6引擎帶Turbo,輸出200匹馬力以及285Nm扭矩。而且咧副引擎來自於《回到未來》戰車DeLorean DMC-12,吊足美國人嘅情懷。5MT波箱,0-100加速6.5秒,極速超過150英里,放眼今日依然系小鋼炮級別。

    如果唔止12架呢?如果順利量產,咧架Alpine GTA Turbo以略低於911嘅價錢上市,是否可以實現法式逆襲咧?小編認為未必得。畢竟擺系八九十年代年輕人面前,系一架動力中規中矩,操控過度平穩,甚至外觀都唔夠驚艷,個人感覺仲有些小老土(以當時審美)嘅法國跑車,好難Match到當時經濟騰飛激情四射嘅時代背景囉!


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 大30匹馬力嘅平治&福特引擎,法拉利嘅對策系?

    大30匹馬力嘅平治&福特引擎,法拉利嘅對策系?

    2026 F1新規則新賽季未開波就已經玩到咁顛?目前形勢四大引擎陣營,平治(Mercedes)、紅牛福特、法拉利(Ferrari)以及重回圍場的本田。已知消息系平治、紅牛通過可變壓縮比技術,繞過FIA壓縮比16嘅規則上限,超壓到18,換算成馬力可能多達30匹,換算成圈速則快0.3-0.4秒。

    所以法拉利、本田嘅引擎就咁算?由得對手領先?本田引擎目前只供應馬丁(Aston Martin)一支車隊,並不需要為交代客戶車隊去公開任何研發進度(分分鐘本田才是真正領先者,隱藏實力而已)。而法拉利引擎,擁有Haas、奧迪(Audi)以及凱迪拉克(Cadillac)三支客戶車隊。所以壓力比到法拉利咧邊,必須向客戶交代,必須回應!

    法拉利帶來嘅又未必都系壞消息啵!其中最大利好,法拉利系目前唯一可以不超過限重768KG嘅車隊,當然減重嘅功臣必然系引擎部門啦!法拉利通過對引擎以及主要系波箱箱體、波箱外殼等結構大動干戈,做到唔單止波箱大幅輕量化,同時做到波箱尺寸非常緊緻,為空氣動力佈局讓出了更大窗口,未來可期!

    至於輕量化優勢,可以參考2022年上一次規則大改嘅第一年,法拉利客戶車隊愛快·羅密歐(Alfa Romeo),得益於全員超重嘅情況下,輕裝上陣,喺賽季初展示出不輸豪門平治車隊嘅速度。同時,要記住2022系法拉利和紅牛打得有來有回的精彩一年。

    雖然法拉利引擎仲公佈了部分技術細節,例如低阻力機件技術、更高效的充電方案、同樣緊湊的電機為輕量化以及空力佈局帶來優勢等等。目前最新進度系,引擎未點火但準備點火(已落後於其他車隊),但車依然還在台架上,且唔見任何空力套件覆蓋(未設計好?)甚至有傳聞法拉利要放棄本月26日喺巴塞隆拿嘅寶貴季前測試時間去研究部車。

    鐵佛寺(Tifosi)不需要悲傷,筆者更傾向於兩睇。法拉利既獲得輕量化優勢,而空力套件又未做好,可能確實得益於機械部分嘅緊湊設計理念,空力可塑窗口太大,需要時間去搵最佳空力效果。


    圖片均來自網絡以及F1車隊官方,觀點僅代表作者個人;如果冒犯倍感抱歉,請立刻聯繫我們。

  • 平治居然要搞個新V12!

    平治居然要搞個新V12!

    平治(Mercedes-Benz)正在計劃一款全新嘅汽油引擎,模塊化設計可以有非常多衍生。最近平治方面公佈了一個專利設計,似乎可以從中窺探一些設計上嘅特點。從平治提供嘅直列6缸引擎示意圖當中可以見到,盤頭內集成了一個額外嘅內部排氣通道,以6缸引擎為例,汽缸前後兩組,連接到一個可調節閥門,閥門打開時,可以讓廢氣重新定向流通,以提升高轉下更好嘅引擎輸出。

    當然啦,新專利如無意外未來會投入量產引擎當中,同時也有可能只系單純保護知識產權嘅手段而已,並不適宜作為廠商生產計劃嘅確認信號。

    單純嘅技術討論固然系枯燥的,總結來講就系平治方面可以基於這項技術,靈活變化出多款引擎佈局組合:直列4缸,直列6缸,以及豪華品牌最為重要嘅V8、V12引擎。平治方面此前已經明確表示,S-Class車型將會長期搭載V12引擎!

    高端豪華車用戶對汽缸數量追求係必然嘅,使錢買得,當然系要買個勁抽啲嘅!多缸引擎天生的平順性系豪華車型彰顯身份必備條件,哩個都系勞斯萊斯為何至今保留V12引擎嘅原因。而對於部分性能車而言,汽缸數量少,真系會比人笑!之前4缸嘅平治C63車型就系一個非常典型嘅例子了!


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 放心喎,披露唔會有Type R!

    放心喎,披露唔會有Type R!

    儘管此前有相當不少傳言,宣稱本田(HONDA)會推出新款Prelude的Type R版本,不過本田方面已經確認“放心,未有相關計畫!”這個消息可能對唔少本田粉絲有所打擊,不過其實認真思考一下都知道,Prelude剛剛復出,市場形勢依舊是一個未知數,貿然上架一隻高性能版本係相當唔理智嘅表現,畢竟以目前全球市場環境來睇,你覺得HONDA開善堂嘎?

    不過,推出一款更為運動化嘅Prelude,其實唔係無可能,不過按照Honda嘅計劃,以及新Prelude在美國市場嘅重點投放,有理由相信Prelude會喺不久嘅將來推出掛有「Si」LOGO嘅高性能版本。畢竟目前美國市場已有現成嘅思域Si,動力總成直接移植即可。車身上再加上少許專屬Si字樣以及設計,同時也可以將售價控制喺比普通版本Prelude只高些許,相信會成為美國市場嘅一個大熱款。作為一款「入門跑車仔」,價格適宜,又有足夠嘅駕駛樂趣,先至有市場競爭力。


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • Alpina今次要搞搞新意思?

    Alpina今次要搞搞新意思?

    26年新年,德國高性能汽車品牌Alpina開始了新篇章,早在2022年Alpina就已經被收購併入寶馬體系。根據協議內容,Alpina嘅品牌使用權在2026年1月1日移交至寶馬,與寶馬、M Power、MINI以及勞斯萊斯並行。

    Alpina此前作為一個獨立品牌,其實知名度並不算十分高,不過對於車迷而言,Alpina係一個非常特別嘅存在。Alpina總部同樣位於德國巴伐利亞州,成立於1965年,比寶馬自家的M部門還要早7年,最早是一家寶馬改裝廠,不過因為產量較小,並沒有如同其他寶馬品牌一樣街知巷聞。

    正式併入寶馬體系後,Alpina正式變成BMW Alpina,原公司依舊保留,負責部分車輛研發以及售後服務、零配件業務。而寶馬方面則可以開始在寶馬車型上開始使用Alpina品牌,是不是意味日後會出現類似「Alpina Style」嘅車身設計套件?不妨拭目以待。

    Alpina車型一直都有一個特點,在保證足夠優雅端莊的情況下大力出奇蹟,而且堅持不使用M Power嘅動力總成,所謂以下犯上,總能讓人譁然。

    以目前嘅佈局睇,寶馬尚未透露BMW Alpina體系下首款車型何時推出。不過可以肯定作為品牌首款車型,格調一定夠高,重點會放在BMW Alpina嘅品牌形象上。


    請區分本文德國Alpina以及法國雷諾高端品牌Alpine。圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 泰仔買坦克300爆改平治大G呃Like嘅消費陷阱

    泰仔買坦克300爆改平治大G呃Like嘅消費陷阱

    喺泰國原來系有專門的改裝店,去支持改裝模仿貴價豪車嘅改裝風格,而且當地法規寬鬆,貌似都几受車迷歡迎嚄!泰仔利用一款廉價的中國越野車坦克300,通過外觀改裝成功模仿到平治大G(G63 AMG)呃Like無數。不過一套高仿改裝嘅價格,究竟同直接購買豪車又相差幾多咧?我哋深入探討下。

    咧架由中國長城汽車生產嘅坦克300,原價大概6萬USD有找。車型原本就明顯借鑒了非常多嘅平治G63 AMG元素,就算唔進行任何改裝,都稱得上一架靚仔有氣勢嘅越野車。問題就系虛榮心作祟,有唔少泰國車主將架車送去改裝店,將其全面「AMG」化,然後自己偷偷換個Logo扮大G。

    好了,之後扮大G又使咗幾多錢咧?首先動力部分系完全無變化嘅,依然原廠2.0T引擎。外觀就包括G63AMG 同款機蓋大包圍,22寸大鈴Brembo大鮑魚以及機蓋燈、鬼面罩等等。連大G特色嘅側出排氣都可以選配,至於把聲2.0渦輪機器點調試都無可能貼近到G63噶了。咁以上全套模仿大G外觀需要幾錢?4萬USD系泰國落到樓噶,加埋買車都差不多十萬八萬咯!

    對比買全新G63 AMG 30萬USD起步,10萬有找嘅坦克300爆改方案貌似又幾抵?No!No!No!錯曬了其實。市場上一款非AMG嘅二手平治G-Class價格甚至唔會超過10萬USD,坦克300方案亦都無提供AMG的動力水平以及聲浪。所以真系中意大G嘅直接睇住自己預算,買二手G-Class,車況OK又錫住來用嘅話,平治出品理應天長地久。

    咁泰式山寨文化點解仲有生存空間嘅?其實一開始就已經點題,呃Like吖嘛!改車收入只系一部分,Youtube上面的流量廣告系第二份收入,Pu視頻為改裝店帶來的廣告效果,照顧到店內其他生意又發展新客源,何樂而不為呢?


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 購車天書:外媒詳盡實測巨大越野路華衛士130

    購車天書:外媒詳盡實測巨大越野路華衛士130

    越野路華衛士Defender系列,或者現在更流行跟翻大陸叫「路虎」衛士,生產歷史僅次於美國JEEP越野車,英國的國貨之光,目前依然係最豪華配置最足夠的越野車型。其中今次被測評的這架衛士130 V8,130代表軸距130英吋,屬於衛士系列中的旗艦車型。

    雖然越野路華衛士130 V8係家族中最後推出的車型,但係現款2020年已經上市銷售。當年很多車迷認為新衛士外觀不如舊款硬派,新款太過圓滑,有失家族威嚴,相比之下平治G系列的外觀傳承就非常完美。不過130 V8依然是市面最強勁最豪華的越野SUV。

    型號:越野路華衛士V8 130

    引擎:5.0升V8 超級增壓 493匹馬力 610Nm扭矩 市區油耗14加侖/英里 高速油耗19加侖/英里

    車重2661KG 牽引能力5213KG 載重能力689KG

    價格:118,900 USD(不含選配)/ 130,418 USD(此車)

    可以留意到咧架衛士130擁有三排座位,係一部可以越野嘅七人車。其中第二排乘客座席,可以輕鬆容納身高兩米的高大成人,第三排空間對於我哋亞洲身材來講亦非常足夠。第三排後部行李艙有13.5立方英呎的空間,放倒第三排之後則可以獲得43.5立方英呎的空間,可以放單車等大件行李。如果將第二第三排都放倒,則可以獲得超過80立方英呎的空間,漿板直接懟上車。

    至於座椅舒適度方面,個人感覺係偏硬偏支撐性,以及車內會有很多扶手,屬於硬派越野風格設計。車內內飾簡約平滑的厚皮革以及平整的面板,所有嘢都方方正正排列有序。使用了大量鋁合金裝飾,目的主要係便於清理泥沙,簡約得來係非常實用可靠。

    控制台方面包括前後排空調控制面板,所有按鈕設置都非常直觀傳統。車上設計了多個固定網兜放置雜物,無線充電幾位設計成內傾斜防止手機滑動。車機滿足手機互聯等基礎功能,性能以保障通訊穩定為優先準則,可能上樓翻到屋企手機無聲嘅?原來仲連住車機。至於乘客娛樂方面,更跟不上中國新勢力電車了,可以話係無。

    有趣的是,衛士110 V6版本的馬力推重比,高於這架衛士130 V8,不過排氣聲浪方面個人感覺V8更加清脆動聽。在為期一周的綜合交通路況實測油耗為15.4加侖/英里。空氣懸掛升到最高可以提供11.5英吋的離地間隙,搭配差速鎖功能,7人同時體驗越野不再是問題。輪胎方面搭配為22英吋的Continental Cross Contact系列。

    總結來講越野路華衛士130 V8嘅感覺就係駕駛視野出奇的好,加上360度無死角攝像頭非常實用。操控方面在車流中穿插非常靈活,完全感覺唔到超過兩噸半嘅重量,對師奶駕駛員比較友好。但係車更大更重更貴,裝得多同時車胎Brake皮等磨損更快,更換相對頻繁可能會佔用寶貴時間。即使油耗能接受,但總體經濟性堪憂。有意願購買130 V8嘅朋友需要慎重考慮使用場景,如果只係打算日常體驗越野運動,則更加推薦留意翻衛士110 V6了。


    圖片均來自網絡,觀點僅代表作者個人;如果冒犯倍感抱歉,請立刻聯繫我們。