標籤: gp 2 emgine

2025 F1賽季又來到非常重要嘅一站，系美國德克薩斯州奧斯丁嘅美洲賽道，發生咗一些足以改變2025 F1車手WDC歸屬嘅事件。比賽前，車手總積分差距為，麥拿倫車隊皮亞斯特利（PIA）P1領跑積分榜，領先P2隊友羅禮士（NOR）22分，領先P3紅牛車隊四冠王韋斯特賓（VER）55分。但比賽之後，畫風突變！

賽前採訪紅牛車隊顧問前F1車手馬高博士，紅牛獲得車手WDC嘅條件？馬高博士認為，只要麥拿倫兩位車手炒翻一次車，我哋就可以攞WDC！於是乎，開口即中，緊接下來的衝刺賽，兩位麥拿倫車手都出唔到T1。

反之，VER P1起步，P1帶回，同日嘅排位賽都係P1桿位！肉眼可見的統治緊比賽。

當然，兩位麥拿倫車手攬炒主因並不是纏鬥，而是多得阿斯頓馬田車隊嘅名將阿朗素（ALO）嘅「魚雷」行為太貪！心機PIA企圖做NOR，反向彎內行交叉線，正常嘅賽道操作放系擁擠的起步T1風險大增，無意中同ALO一齊夾咗個大大嘅三文治送給沙巴車隊嘅侯根寶（HUL）。前排起步嘅HUL帶領下遊車隊形勢一片大好從此葬送，一次過帶走三部賽車。

而雪上加霜嘅系，PIA正賽排位賽成績不理想，P6起步，居然被兩台連續多場表現頹廢嘅法拉利擋在身前。VER、NOR兩位爭冠對手則P1、P2。

得益美洲賽道超寬緩衝區，正賽幾乎全程有驚無險，超車唔少，但並無安全車出動。

VER由頭帶落尾，幾乎無鏡頭，P1。

NOR P2正常起步，但被法拉利陸克萊（LEC）行咗條超寬入彎線超過，一直等到比賽末尾先至憑藉麥拿倫賽車長距離速度優勢反超，回到P2。

PIA就慘了，只在起步階段超過咗平治車隊嘅拿素（RUS），上升到P5直到衝線。

好了，經此一役，2025車手WDC爭冠正式進入高潮，三人積分差進入40分內，仲有成5場比賽，以及包括兩場衝刺可以發揮。甚至積分榜P4嘅RUS，都有數字上嘅爭冠可能。

逐個分析，NOR看似回暖拉近分差，表現其實中規中矩本來就應該有咧個水平。

而PIA則明顯退步或者叫不適應，車迷之間傳系「木瓜規則」（麥拿倫隊內公平競爭規則）不夠公平導致心態不穩，其實都可能係麥拿倫地效賽車並不適應顛簸的美洲賽道，PIA調不出最佳狀態，就連正賽速度都每圈慢過NOR 0.3-0.4s，純粹嘅慢。

至於VER嘅表現，固然會奪取每一個可以奪得嘅積分。不過顯然唔單只系車手風格強勢甘簡單，而從隊友P7完賽嘅狀態側面來睇，紅牛車隊以及賽車狀態貌似復甦，VER重新獲得了一部可以爭冠嘅賽車！

另外，法拉利車隊可以提一嘴，據說法拉利高層開始介入車隊嘅運營抑制頹勢。雖然已經退出咗車手WDC競爭行列，但係法拉利P3、P4帶回，直接壓制住積分榜首嘅PIA，成功攪局影響WDC走向。或者係「國企」管理方式，法拉利仲有很多潛力未能釋放，期待2026的法拉利，更期待近期風格異常強勢嘅摩納哥人LEC嘅表現。

圖片均來自F1車隊官方，觀點僅代表作者個人；如果冒犯倍感抱歉，請立刻聯繫我們。

先正統、常規咁對2025 F1新加坡站作一個理解，然後再分享一些更有意思背後的故事。

一定先恭喜平治車手羅素Pole to Win，准大滿貫（差個最快圈），讓所有車迷都相信了Toto提及的續約問題，果然真係薪金問題未傾掂數，因為羅素「更值錢」了。

尤其喺排位賽階段，羅素可以喺Q3高壓力情況下，連續2次穩定刷出1:29.1秒嘅桿位單圈，連續2次打破世界紀錄，並2圈之間誤差精確到百分之一秒，技術同心裡都屬於頂級車手嘅表現。

About 麥拿倫：又係老生常談，木瓜規則不公平，有人嬲嬲豬電台猛投訴，分差拉近咗3分，車迷坐等「爆雷」。

About 法拉利：路克萊剎車過熱鬆油滑行，咸美頓最後幾圈剎車報廢，居然捱完比賽仲硬防阿朗素（阿斯頓馬田車隊），但並無鏡頭轉播？法拉利可能真係放棄2025賽季了。

眾所周知自由集團接受管理F1運動之後，F1文化全球范圍得到極大嘅輸出。網絡作為接替電視轉播之後，F1文化喺中國範圍嘅主要傳播途徑，F1文化已經同中國網絡文化相融，於是乎就誕生咗非常有多意思的事情，譬如——賽車「皇帝」羅素。

其實一開始羅素出圈唔係因為戰績，估計喺片頭雙手頂墻呈現大「V」嘅姿勢比較得戚，再加上羅素本身頂流顏值，於是某賽車論壇就有人用羅素做頭像，並且以皇帝的口吻去發帖、回復，進行網絡互動。久而久之，「皇帝」就成為咗羅素喺中國F1車迷圈嘅暱稱。

登上領獎台自然「龍顏大悅」，而每次有車手同羅素發生碰撞，都會觸發「龍顏大怒」，至於今次新加坡奪冠自然就係「登基儀式」、「黃袍加身」，粉絲之間的評論充滿歡樂的空氣。

不過撇開講笑，眾所周知平治車隊喺2026新規大改革情況下，獲得技術領先。雖然都會認為Toto親手培養嘅18歲義大利天才車手安東尼利先係平治車隊的未來，不過當下表現來講，羅素依然係平治車隊絕對的一號車手，而疊加明年平治有機會製造出火星車的話，咁「皇帝」就真係距離「登基」不遠了。

圖片均來自F1車隊官方，觀點僅代表作者個人；如果冒犯倍感抱歉，請立刻聯繫我們。

點解法拉利雙車DNF？

點解揸平治F1慢到要讓車？

兩支建立過「王朝」的車隊，四位公認嘅天賦級選手，點解可以搞出咁多問題？

2025 F1 荷蘭站對於關注豪門車隊的粉絲來講真係非常遺憾。法拉利今次係實實在在炒車雙車退賽（DNF），而不是中國站咁違規被判取消成績（DSQ）。至於平治車隊，一台疊加罰時15秒罰到無積分，一台無任何速度，慢到要讓車，最後仲要係紅牛二隊的新手身後完賽。昔日的六連冠、八連冠車隊，放眼如今，真係太慘烈了。

好了，又要提及平治車隊CEO Toto「教育」我哋車迷，關注未來，注重車隊發展的可持續性！所以Keep住「可持續」的經營思想去考慮問題，就不難理解各大曾經建立王朝嘅車隊的近期表現了。企係車隊角度，2026規則大改，地效規則已經最後一年；且2025爭冠顯然沒有希望，如今預算帽限制大前提下，多數車隊會選擇將工作重點轉向未來。

今次荷蘭站平治車隊的速度穩定但不算快。天賦新人安東尼利（ANT）屢屢犯錯（兩次犯規共15秒罰時），最後關頭再次丟失重大積分但依然會得到栽培。點解？咁就要從法拉利車手陸克萊（LEC）同平治車手羅素（RUS），兩位都被公認車隊領軍人物之間的一次貼身肉搏開始講起。尤其關注LEC賽道上對唔同對手的態度。

對小車隊客客氣氣

本站LEC P5起步，正賽速度略快於P4 HAD（超常發揮的紅牛二隊新手赫查）。一直被HAD阻擋但LEC非常客氣，居然無冒險硬超（荷蘭古典賽道難超車），忍咗23圈LEC主動求變入Pit尋求策略上的機會。但！LEC入完Pit個一剎那，就黑仔到隊友撞車引發黃旗，大部分車隊入站賺時間差，搞到名次反而跌咗一位，跌到RUS身後。

對大車隊心狠手辣

多次黃旗壓縮車陣大家都好貼近。32圈借助黃旗結束，緊接DRS開啟嘅時機，LEC貼住RUS偏中線防守而抽外線進攻，S二連彎極限換位超車，換位後係第二個彎LEC強插彎心並排，甚至行出碎石路完成超車，霸道至極！筆者願稱之為LEC生涯最強硬的一次超車！至於是否合法？LEC是否賽道外獲利？FIA甚至未能第一時間調查清楚。

RUS同LEC嘅極限肉搏，畫面隱約看到RUS底板有個類似於渦流發生器狀的物體飛出。賽車受損RUS速度狂跌，好快通過車隊指令讓出了位置比身後的隊友ANT去實施對LEC的追擊報復，新人ANT亦不負眾望好快貼近到法拉利賽車。LEC今次生涯最強硬的畫面，好快就會被另一個更強硬的人終結。我哋甚至隱約聽到（並無）來自Toto的車隊指令：「同我做低佢！」

來自大車隊的報復

今次博弈始於策略，ANT先手入Pit企圖Under cut，LEC後入立即回應。此時ANT熱胎vs剛出Pit冷胎LEC，2、3號連續S彎遭遇出Pit即斗！注意又係S彎，而且后彎係著名的19度傾斜拋鍋彎。但ANT係2號彎未能並排，只能在3號拋鍋彎籍輪胎優勢強插內線。此時LEC行鍋頂快線，ANT行鍋底慢線，但係顯然入彎速度太快，ANT大幅推頭外拋，毫無意外咁將LEC頂上墻。世界名畫！LEC被頂到彈起咁Spin退賽，平治賽車著名黃金右前堅如磐石，居然只係爆胎。

豪門博弈

當然今次責任顯然屬於更無經驗的年輕人ANT，FIA罰時10s合情合理。但係，作為規則末期且無法爭冠的兩支大車隊，係唔係真係有必要死纏爛打呢？換一種霖法，規則大改之後，最大的爭冠對手是誰？一樣會係四大豪門（法拉利、平治、紅牛、麥拿倫），而且據聞平治車隊已經係新規引擎研發當中領先。

所以豪門車手之間互相標記對抗，更多了解對手非常合理。18歲新人ANT需要係對手身上學的東西實在太多；甚至合理懷疑平治車隊內部已經達成共識，放棄賽季利益去讓ANT同將來的對手，LEC、韋斯特賓等人爭取貼身肉搏的學習機會。何況，很多人相信天才的成長經歷可能驚人的相似。當初17歲出道的韋斯特賓，都係一路激進猶如魚雷咁成長成世界冠軍嘎！

圖片均來自F1車隊官方，觀點僅代表作者個人；如果冒犯倍感抱歉，請立刻聯繫我們。

正賽以為會複製黏貼麥拿倫雙雄內鬥模式，不過F1今站2025匈牙利站不同上站比利時又玩出新花臣，結果亦全然不一樣。

今次係速度上皮亞斯特利（PIA）P2起步，全面壓制隊友羅禮士（NOR）P3起步，再加上起步能力上的巨大差別，導致NOR起步後曾經一度跌到P5，整咗個大烏龍比車隊歎。

今場法拉利車隊的陸克萊（LEC）從麥拿倫雙雄手中奪下桿位。

NOR起步後一度跌出前排，被馬田車隊老將阿朗素（ALO）玩弄於鼓掌之中。

但正正係NOR跌出前排，令到PIA策略上對應翻頭車LEC，所以跟咗法拉利車隊的兩停策略。要明白，匈牙利亨格羅寧賽道被譽為無護欄的蒙地卡羅，難超車到出曬名！所以可能車迷都可以霖到，NOR會利用麥拿倫賽車輪胎損耗細的特點，以及匈牙利高下壓力取向的賽道特性（下壓力越高輪胎消耗越少），用一停策略打PIA以及LEC的兩停。

而比賽結果證明NOR此陽謀係非常有效噶！跑跑下前面入曬PIT，以頭車帶到最後。不過PIA第三個Stint瞬超LEC再對NOR利用新胎優勢瘋狂追擊，平均追擊圈速去到1.4秒，瞬間貼到身後。不過頭先都講咗匈牙利賽道難超車的特性，最後PIA只係通過一個車胎鎖死的驚險動作，結束咗比賽懸念。（有無車隊指令就唔清楚了）

肉眼可見PIA極限追擊，但受到前車亂氣流影響抓地力不足，出彎跣到碎石邊。

全場最驚險的超車嘗試，PIA極限遲剎車，明顯車胎已經頂唔順，鎖死前輪出曬白煙。差小小就攬炒NOR。

可惡，又係麥拿倫一二帶回！桿位法拉利LEC車出問題，被平治車隊羅素（RUS）搶走領獎台。車手積分榜形勢越來越嚴峻了，PIA領先NOR只有9分了。

不過就近幾場睇表現，英國站NOR靠PIA罰秒奪走冠軍；

比利時站NOR第一圈就丟失位置輸比PIA合理，再對比翻NOR追擊PIA平均每圈追不到0.4秒；

今站NOR起步烏龍明顯贏在策略，PIA最後追擊每圈1.4秒，理論速度高於NOR。

當然啦，運氣永遠都係賽車運動競技中的重要因素。

圖片均來自網絡，觀點僅代表作者個人；如果冒犯倍感抱歉，請立刻聯繫我們。

火星車，泛指係F1比賽中速度快得驚人，比其他賽車快出一個維度的賽車或者車隊。好明顯目前為止的2025賽季，麥拿倫F1車隊都處於火星車的狀態。上一站比利時正賽，法拉利車隊的陸克萊（LEC）繼麥拿倫雙雄之後P3衝線，而成為最接近火星的男人。而來到匈牙利站的比賽，LEC刷出神奇一圈，從麥拿倫手上奪下桿位，成功觸摸火星！

神奇一圈：

事情發生在排位賽Q3的最後一個飛馳圈，幾乎所有賽車都受到一陣強風干擾（地面效應賽車會特別敏感），包括麥拿倫雙雄以及平治車隊的羅素（RUS）、馬田車隊的老將阿朗素（ALO）連續刷黃（分段計時對比自己上一個飛馳圈更慢）。過去連續觸發排位賽奇跡的紅牛車隊韋斯特賓，居然嚴重失手，排位成績止步P8。

但係，有且只有法拉利車隊LEC完全不受強風干擾，持續刷紫（分段計時暫時全場最快），最後一刻刷上榜首奪得桿位。哇，難道法拉利車隊又夢回2019獲得咗某些秘密武器？我哋文末會有技術分析。

唔得就換人？

因為同場排位賽，留意翻LEC的隊友，七屆世界冠軍咸美頓（HAM）發揮失常止步Q2無緣前十。有人合理懷疑係車隊區別對待無安排HAM賽車升級，但被HAM賽後採訪親自推翻這一猜測，稱「一樣的賽車，係自己真的無用，建議車隊考慮換人！」

絕對唔係小編作大，HAM原話用到「Absolutely useless」語氣非常沮喪，昔日七冠王如此坦率並自責，相信所有車迷都會同小編一樣感到心痛。不過實事求是一直都係七冠王的工作方式，就好似靈魂咁無法割離。

當所有人都以為LEC攞到地球組逆襲火星車劇本嘅時候，事情又再發生反轉。正賽期間被駕駛麥拿倫火星車的羅禮士（NOR）用一停策略打LEC正常二停，本身賽道難超車加上麥拿倫出名保胎特性，無可厚非。但詭異的是第三個Stint，50圈開始LEC無故降速，一圈比對手慢2秒以上。

LEC面對麥拿倫另一台火星車由皮亞斯特利（PIA），被秒超毫無還手之力，跌落P3。但霉運不斷，此時法拉利的速度對比平治車隊的RUS都毫無優勢，被瞬間貼近。LEC甚至做出超高風險的剎車區變線的防守行為（違規防守罰10s），睇來好想保住領獎台；但係速度差異太大硬防無果被RUS超過，LEC丟失領獎台，又回到熟悉得心痛的P4。

萬念具灰LEC化身「小怨婦」，係TR長文鬧爆車隊，名場面再次出現，大概意思就係「夠啦，我哋唔可以再甘樣落去了！」

點解會係咁咧？多方了解多多益善。

法拉利F1車隊說法：係第50圈賽車底盤出現故障，賽車持續丟失速度導致，賽後大家會一齊研究解決方案。

RUS賽後採訪，車手會主席「權威」科普：我咧，跟車見到，法拉利底盤高度過分低了，出曬火花（底盤低，下壓力更高，風阻更低）。如果距哋唔減速或者調翻高部車咧，賽後車檢一定唔通過嘎！就好似澳大利亞站咁取消成績嘎喇！所以咧，我估計法拉利最後一個Stint個套硬胎咧，打咗超漲氣咁跑，升高部車等唔使被罰，但係氣壓超高肯定唔快嘎！（以上翻譯RUS採訪原話，僅代表RUS個人觀點）

圖片均來自網絡，觀點僅代表作者個人；如果冒犯倍感抱歉，請立刻聯繫我們。

夏休臨近，可能大家更關注2026車手市場的變化，但謠言始終被官宣錘爆，韋斯特賓（VER）、羅素（RUS）去處逐漸明朗；七冠王咸美頓（HAM）近期頻繁翻法拉利工廠捉人開會施壓管理層，傳聞換領隊的法拉利車隊官宣華索續約。但係！2025WDC走向依然成謎啵！

2025 F1比賽來到比利時SPA賽道，亦都係傳說中最短的名字但長度最長的賽道。當所有目光聚焦麥拿倫雙雄內鬥嘅同時，新上任的紅牛車隊領隊梅基斯（下圖）下馬神威，週六衝刺賽紅牛曇花再現VER攞走冠軍，週六大小紅牛居然四台車全部進入Q3，前十發車！但週日麥拿倫又再頭排起步，車隊冠軍歸屬只剩下積分數字上的不確定性。

正賽開始於雨後，FIA佔用比賽時間充分檢查好賽道之後，比賽滾動起步。緊接高潮！麥拿倫車隊內鬥名場面出現，一次足以決定WDC走向的超車：

全濕地、無DRS，僅僅借助假動作以及尾流，連續多個彎道肉貼肉黏住對手，皮亞斯特利（PIA）以及羅禮士（NOR）之間的纏鬥非常乾淨。原來PIA都可以貢獻出阿朗素（ALO）、HAM以及VER級別的進攻，WDC皇冠係咧位零零後車手頭頂若隱若現。可以咁講，雖然不具備絕對速度，但係需要PIA冒險的時候，澳洲人重來唔甩底並穩準狠拿下。

反觀隊友，賽道變乾NOR入站換硬胎取得策略先手，追擊PIA中性胎，明顯就係逼使PIA中性胎跑一停的策略。不過NOR自己硬胎升溫困難被拉開八秒在先；然之後係追擊後半程：輪胎占優勢、賽道環境穩定的情況下，自己多次失誤丟失時間，最終只追擊了不足五秒到比賽結束。

講真，追到一回事，超唔超得過又另一個故事了！只能講今場比賽甚至近幾場比賽，NOR對比PIA方方面面的表現，都不佔優勢。PIA必要時的超常發揮以及穩定得可怕的正賽節奏，逐漸顯露冠軍之相。

圖片均來自網絡，觀點僅代表作者個人；如果冒犯倍感抱歉，請立刻聯繫我們。

2026的F1車手市場已經開始瘋狂攪動。

爭奪緊車手積分榜三、四位的四冠王韋斯特賓VER以及車手協會主席羅素RUS，競爭關係甚至非常微妙，甚至被外媒瘋傳係「爭奪」緊明年平治車隊席位的對手。決定局勢走向的英國站VER失誤頻頻，自己SPIN丟位置自己補鍋；RUS兩次豪賭亁地胎失敗，出PIT踩雪屐。同樣係比利時站兩位雙雙無緣領獎台。

兩位「優等生」點解會甘頹呢？陰謀論去霖，RUS英國站賭贏，可以贏大分俾高層睇，順勢續約；賭輸，則放生VER座穩車手積分榜第三，紅牛跳出條款不成立，VER無法離隊，RUS續約。

但係！外媒放出消息，平治F1車隊高層，同意車隊對VER加盟一事開出條件。然之後好快，拉夫舒密加又有小道消息稱VER義大利撒丁島密會平治車隊CEO Toto，談判長達五小時！咁究竟距哋傾咗乜條件咧？

事後，VER自己對外宣稱，並無談判只係大家選擇咗同一個地方度假而已。同時平治車隊又放出消息更加傾向於保持現有陣容，RUS比利時站賽後採訪稱賽季表現起伏，車手水準的影響因素不多，甚至稱讚新人隊友安東尼利ANT一直在進步，同自己的排位賽圈速差由加拿大站的0.6秒進步到比利時站的0.3秒。既然大家都咁講咯，就當距哋傾唔掂囉！

比利時站肉眼可見的「龍顏大悅」。（賽車皇帝的梗可自行搜索）

圖片均來自網絡，觀點僅代表作者個人；如果冒犯倍感抱歉，請立刻聯繫我們。