标签: F1新车队

  • 兩個只能活一個?比利時大獎賽Russell退賽Kimi再次奪冠

    兩個只能活一個?比利時大獎賽Russell退賽Kimi再次奪冠

    2026 賽季 F1 第十站比利時大獎賽於7 月 17-19 日來到了比利時Circuit de Spa-Francorchamps。Spa-Francorchamps坐落於比利時阿登森林(Ardennes Forest),全長7.004公里,是F1賽歷上單圈距離最長的永久性賽道,正賽共44圈,正賽比賽里程為308.052km。整條賽道穿行於山谷與森林之間,賽道各區域海拔變化較大。約80%的單圈里程處於全油門狀態,這對動力單元、輪胎和車手體能都是極限壓榨。

    賽前官方文件顯示本站將設置有5段直路模式(Straight Mode)啟動區域,超車模式(Overtake Mode)探測點和啟動點在19號彎前後。Eau Rouge與Raidillon (T2-T4)高速彎組合是賽車空氣動力學極限的標誌,Kemmel 超長直路模式啟動區預計會產生不少精彩鏡頭。

    排位賽單圈最大充電能量為7.0MJ,正賽單圈最大充電能量為8.5MJ,超車模式(Overtake Mode)下單圈最大充電能量為9.0MJ。

    Pirelli為本站帶來了C2(硬胎)、C3(中性胎)、C4(軟胎) 三款乾地輪胎配方。

    排位賽—–

    在香港時間週六晚上進行的排位賽(Qualifying),Mercedes車隊的Kimi Antonelli以1:44.361奪得杆位,獲得個人本賽季第6個杆位,這是 Mercedes 車隊在 2026 賽季現時為止全部 10 場大獎賽中第 10 次奪得杆位。Red Bull 車手 Max Verstappen 落後 0.317 秒位列第二,McLaren 車手 Lando Norris 跑出 1:44.801 原本位列第三,但因更換動力電子單元被罰退 10 位起步。

    Q1被淘汰:Albon(Williams)、Ocon(Haas)、Bottas(Cadillac)、Perez(Cadillac)、Alonso(Aston Martin)、Stroll(Aston Martin)

    Q2被淘汰: Lawson (Racing Bulls) 、Gasly(Alpine)、Colapinto(Alpine)、Hülkenberg(Audi)、Sainz(Williams)、Bearman(Haas)

    Q3 第一輪飛馳圈 Norris 表現驚艷,在第二計時段(S2)做出全場最快,以 1:44.801 暫列第一,領先 Antonelli 0.039 秒。Oscar Piastri 在 Stavelot 出彎輕微失誤掀起大量砂石,賽會出示紅旗,暫時中斷比賽以便清理賽道。紅旗結束後最後4分鐘10部賽車陸續出場進行最後一輪飛馳圈。Red Bull 安排因超標更換部件被罰至隊尾起步的 Hadjar 為 Verstappen 提供尾流, Verstappen因此提升約 0.3 秒至 1:44.678,短暫佔據第一。Antonelli 隨即以 1:44.361 反超,強勢奪得杆位。

    由於Lando Norris被罰退 10 位起步, George Russell上升至第三起步。Ferrari 兩位車手 Charles Leclerc 與 Lewis Hamilton分列 第四和第五位。

    正賽—–

    五盞紅燈熄滅,所有賽車順利進入一號彎。Max Verstappen 在 La Source(一號彎)超越 Antonelli,但隨後被 Antonelli 與 Leclerc 雙雙反超。後方 Lewis Hamilton 與 George Russell 發生碰撞,Russell 失控衝入砂石地無奈退賽,賽會出動安全車。

    安全車結束後,Verstappen 做出當時最快圈速的同時超越 Leclerc 回到第二位。Leclerc 在此過程中與身後 Piastri 發生碰撞,Piastri 賽車有部件掉落,經賽會調查後兩位車手均未受到進一步處罰。

    第 9 圈,Hamilton 超過 Piastri 升至 第四位。隨後賽會宣布因此前與Russell的碰撞,Hamilton被處以5秒罰時。

    第 18 圈,Verstappen 進站換上硬胎,試圖以 undercut 反超,隨後一圈 Antonelli 也進站換上硬胎。

    第 20 圈因需清理賽道內的碎片,賽會出示虛擬安全車(VSC)警示,Ferrari 藉此上演同圈進站,Leclerc 與 Hamilton 同時換上硬胎。Leclerc憑着VSC下進站耗時更少的優勢超越 Antonelli 暫時領先比賽,Hamilton 也完成 5 秒罰時。第 22 圈,Norris 被 Leclerc 超越,Leclerc 正式成為新的領跑者。第 26 圈,Antonelli 超越 Norris 回到第二。

    第 29 圈,Verstappen 也超過 Norris,Antonelli 追到 Leclerc 身後約 2.2 秒。

    第 30 圈,Antonelli 進一步將差距縮小到 2 秒左右。Norris 在本圈進站換上中性胎,但 McLaren 車隊換胎時左後胎卸不下來,導致本次進站耗時長達7.8 秒,Norris 大半場的努力追擊基本清零,出站後他落到 Bortoleto 身後,暫列第八。

    第 34 圈,Antonelli 完成對Leclerc的超越,重新奪回第一位。最終Antonelli 順利將第一維持到最後,成功奪得本站冠軍。

    Mercedes 本賽季已經有5個分站只有一部賽車完賽得分,今站Russell早早退賽也為其對世界冠軍爭奪造成沉重打擊。Leclerc與Hamilton本站繼續雙雙有好表現,在車隊與車手積分榜繼續與Mercedes保持競爭懸念。由於Kimi贏得本站冠軍,Russell在車手積分榜從落後 Antonelli 25 分擴大至 45 分,並且再度被 Hamilton 超越跌落第3位。Verstappen本站獲得第3名也為Red Bull達成隊史第300次頒獎台成就。

    7月24至26日F1將會進行夏休期之前的最後一站——匈牙利站,屆時在一條與本站賽道特性完全不同的賽道進行比賽,意味着完全不同的能量部署策略。還有此前外界盛傳Aston Martin將會帶來改頭換面的升級,小編個人的確有幾分期待,畢竟自2026新規實施以來,該隊一直沉寂至今,届时升級實際效果如何,我們拭目以待。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 掃把佬正式推出經典車計劃

    掃把佬正式推出經典車計劃

    隨住掃把佬Impreza車型嘅年歲增進,曾經都覺得頗為後生俗稱「789代」嘅GD世代都已經邁入咗二十年關卡。而GC世代更唔使講早已經進入「Classic Car」嘅行列。車年是已高加上原廠零部件陸續停產,對於唔少用戶或者玩家而言,繼續去持有一台Classic Car都係一個比較高難度同高投入嘅課題。此前筆者認識咗一個GC車型玩家,部分零部件嘅停產甚至令佢要去嘗試自己去進行復刻,特別係某類關鍵部位嘅橡膠件,密封件,塑料部件。

    正好有個消息,掃把佬方面正在傾聽其最熱情嘅車主意見,並為 GC 世代嘅 WRX 和 STI 提供替換零件。實際上其他日本製造商如萬事得同日產,都有類似服務,而且最初只係日本提供傳統零件支持,但後來擴展到美國市場。按照掃把佬方面嘅規劃,暗示其他車型都會好快獲得相應支持,甚至包括早期的美國市場車型。

    掃把佬目前嘅Heritage Service Program最初僅限於日本市場服務,主要針對基於GC底盤的WRX和STI車型。然而其他汽車公司提供的零件項目最初都係日本進行試點,理論上只有日本車主才能享受到這兩家公司提供的原廠修復服務,不過零件最終都開始在海外銷售。所以對於香港嘅GC車主,實際上唔存在太大購買難度,無非都係日本網站直接購買。

    官網上面有相關配件列表,有興趣嘅車友不放上去睇睇有無心水零件

    至於GD世代「蟲眼」「淚眼」「鷹眼」WRX和STi嘅車友都唔好灰心,有好消息:掃把佬好有可能會開始著手GD世代,實際上目前GD世代零件依舊在產,尚未完全停產,加入經典車計劃後,相信部分停產零件會得以復產。放眼全球,美國市場對掃把佬至關重要,而且新世代STI車型目前又處於停產狀態。因此掃把佬方面會有相關計畫正在醞釀之中,有可能為美規STI即將迎來25週年紀念之際,推出相關車型嘅經典車服務。

    講翻目前日本方面嘅規劃先,掃把佬經典車服務中心係橫濱一年一度的「懷舊2日」車展上正式推出,為上世紀90年代中期的WRX和STI車型(GC世代)提供各種零部件,其中包括引擎密封件、前大燈以及諸如密封條之類的易損件。該計畫嘅推出源自一項針對日本斯巴魯車主的廣泛調查,調查顯示,廣大車迷不願出售愛車,更願意長期持有。

    掃把佬方面,以一種相當務實嘅方式著手製定其替換零件清單,他們拆解咗高咪數(超過12.5萬miles)嘅車輛,確認故障所在。掃把佬經典車服務專案擁有自己嘅網站,網站上列出嘅零件應該可以透過斯巴魯日本經銷商網路訂購。另外網站上還有一個選項,車主可以提交他們希望看到的升級方案,相當貼心。

    相信不久嘅將來會有更多車型支持,對於廣大玩家確實係利好消息。

    全球範圍內,STI和WRX車主應該都感同身受,佢地或許並不太喜歡現款WRX的大觸控螢幕和車重,缺少咗過往嘅「純粹」,筆者其實非常希望哩項計畫能夠推廣到全球範圍,確保世 界各地嘅大尾翼和「大鼻窿」可以長久陪伴車主。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。
  • 廣東阿爾卑斯山 自駕即達 兩種玩法

    廣東阿爾卑斯山 自駕即達 兩種玩法

    圖:Alex / Mann

    自從港府大陸之間,開放咗廣東自駕回鄉之後,真係非常利好中意自駕遊嘅車友。當然啦,雖然自駕遊範圍僅限廣東地區,不過今次對於廣東地區千篇一律的亞熱帶「綠色」風情,我哋亦可以睇到不一樣嘅風景地貌。

    自駕遊直達,進入廣東之後下載一個「高德地圖」導航APP,然後搜「浮日藍礦咖啡」,開啟今次自駕啦!

    根據導航帶路,順利的話三個鐘車程,我哋會去到佛山和肇慶嘅交界處——一個群山環繞但係光禿禿嘅地方。如果客流量巨大,可以考慮提前停車係半山停車場,然後一小段階梯拾級而上就會到達目的地。體能零要求,無需任何裝備,注意防雨防曬即可。

    歐洲最靚嘅景點,一定走唔甩阿爾卑斯山;中國最出名美景,一定會有西藏深處神秘而美麗嘅「日照金山」。而兩者共通之處,就係都會有高山寒帶寸草不生嘅禿石峰頂,尼樣嘢係地處亞熱帶兼並無高海拔山峰嘅廣東,實在不敢想象。

    但係充滿想象力嘅廣東人,就係可以喺亞熱帶平原,「模擬」出高山天池嘅美景。並且喺最高處,開咗一間風格獨特嘅咖啡店。

    無錯了,明眼人可能已經辨認到,呢度係一個巨大的廢棄礦場。巨大的礦坑底部由堅硬的岩石構成,日積月累的雨水以及地下水滲透,讓礦坑變成咗一個深藍色的深水湖泊。由於礦坑底部並無任何泥沙以及水生植物,所以水質非常清澈。

    係山頂咖啡店二樓觀景台可以欣賞到礦坑全貌。湖心半島可見浮潛以及漿板等水上娛樂設施,可惜入場需要另行預約,我哋只好擇日再體驗了。

    講翻咖啡店本身啦!三角形鋼結構裝修風格真係令處女座非常之安心,冷氣大廳抵禦烈日嘅頂層隔熱非常之有誠意,二樓採光採景方式獨到,就算放係任何地方呢種風格嘅咖啡店都可以單開一篇來講。無奈,風景實在太好令到咖啡和建築風格反而黯然失色。不過風景免費,飲料咖啡¥30+,良心!

    浮日藍礦咖啡呢座礦山水庫,其實仲有一個更加傳統而浪漫嘅名稱,叫做「關山肚」。這是本地人幫這個大礦坑改嘅稱呼,「肚」諧音「度」,聯想到古詩《木蘭詩》「萬裡赴戎機,關山度若飛」。意為不遠萬里找尋戰機,飛快的跨過一座座關卡和大山,似極了自駕遊的過程。

    另外,關山肚個「肚」也可以解釋為「深處」,泛指大山深處;同時「肚」又係一種形狀,形容又深又大的礦山湖,兜住咗一大潭水。無論點樣去想象,都非常之有詩意。

    無錯了,講咁多典故,我哋又要解鎖「關山肚」另一種玩法,亦係經典遊玩路線,亦係隱藏路線,探險路線。全程免費,需要一定駕駛技術,輕微徒步登山10min,有可能會踩到幾腳山泉水添。

    Step 1,又係需要打開「高德地圖」APP,搜「志高空調四會製造基地(南門)」;

    Step 2,先搵到下左圖的小路口,勉強可以開汽車通過,大膽D!

    Step 3,開車進入200米,就會見到礦山最佳觀景(上圖),然後就可以就近空地泊好部車了;

    Step 4,找到下右圖,附帶山路危險公示牌的山泉小路,大膽徒步進入!

    Step 5,步行約10min見到光禿禿的山頂,恭喜你,成功潛入山頂咖啡店!

    當然,上山良好的路況以及足夠成熟嘅半山停車場,加上景區免費,筆者並不支持大家去走探險路線(探險狂熱份子可以無視)。不過有機會再來遊玩的話,更希望可以體驗水上娛樂甚至水底浮潛。至於玩到餓了,周邊美食推薦下載「大眾點評」APP,搜附近的「農莊」。推薦本地菜色,「大盤雞」、「山坑魚」,真係可以食到現場屠宰嘅新鮮食材嘎!

  • 圖集 發現個影車勁有格蘭披治Feel嘅地方!

    圖集 發現個影車勁有格蘭披治Feel嘅地方!

    發現一個影車勁有格蘭披治Feel嘅地方!有Macau澳門格蘭披治同款賽車大樓,有格蘭披治同款金屬護欄,仲有衝線方格塗裝嘅地面,可以擺個靚Pose幫部前漆影番輯靚相添啊!

    PS:適逢遇上當地車友聚會,有大把靚車靚女,仲有好多網紅車仔攤檔。地址在文末。

    這個地方位於中國廣東省佛山市南海區「千燈湖」商圈,近年北上娛樂流行,有幸成功申請粵港澳駕駛許可的朋友可能都已經知道咧個「風水寶地」。千燈湖免費景區非常出片好行,旁邊大基綠道啱曬4+2爆單車,美食方面桑拿雞桑拿魚、冬瓜浸雞、魚生、豬雜粥等聽到流曬口水;另外附近海八路車城、快捷汽配城、粵豐汽配城以及好多工廠級「大店」順便整備車輛,快捷方便。作為預告,讀者朋友們不妨期待OptionFans Magazine為大家帶來《人車生活》欄目之「千燈湖」專題內容啦!

    Words@Alex / Photography@Alex,Mann

    地址:GOOGLE地圖廣東省佛山市南海區華翠北路大概圖中河道旁

  • 街道「Moby Dick」致敬大白鯨嘅Singer 964

    街道「Moby Dick」致敬大白鯨嘅Singer 964

    關於汽車美學,其實最大嘅魅力莫過於車型背後的故事歷史以及幻想空間。資深中古波子(Porsche)911車迷,可能會對Moby Dick咧個單詞有印象,距系形容911史上第一款寬體賽車名為911 Cerrea RSR 2.8,代號935,主要活躍于利曼(Le Mans)耐力賽。因為大寬體同埋誇張嘅Longtail設計,加埋個神似鯨魚尾的大尾翼,外觀形如鯨魚,於是得名「Moby Dick 大白鯨」。

    喂,咁眼尖嘅車迷認到圖中咧架Stinger系由911 964改裝而來,但係Moby Dick系基於上一代911 930打造嘅賽車喎!咁二者的關係係?無錯,就因為930之后, 從此再無大白鯨了!直到95年波子賽車部門推出咗911 GT1直接挑戰最高組別,但已經無哂嗰種街車改裝賽車嘅感覺了。所以Singer改裝嘅咧一架964,可以認為系Moby Dick形貌上的完美接任者。

    咧架Singer 911 964 基於964原廠車架翻新加固,心臟升級為一副3.8升Twin Turbo水平對置引擎,擁有700匹馬力以及750Nm嘅扭矩,峰值馬力更加系去到9000轉,非常競技!不過對比翻巔峰時期嘅Moby Dick 935/78,即1978年參加利曼等耐力賽嘅版本,水平對置2.8原廠引擎鏜缸到3.2升,馬力去到瘋癲嘅845匹。如此對比之下,Stinger 964只能算系柔弱嘅街道化版本,即使二者還相差咗近50年。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 日本公布本土車型安全榜單

    日本公布本土車型安全榜單

    日本作為一個汽車生產大國,各大品牌暢銷全球。香港、台灣等地更加可以講係日本車嘅天下。其實原因好簡單嘅,你覺得系慳油?穩定少維修?筆者反而覺得系冷氣夠凍!如果系早年有同時接觸日本房車同歐洲房車嘅車迷,都可以明顯感受到日本房車系香港嘅夏天會更加涼爽,效果猶如你屋企個台2匹嘅三菱冷氣機。至於早年嘅歐洲車,可能真係少有水土不服嘅問題,冷氣始終系差啲意思。

    時至今日,依舊有唔少車迷更為鍾情日本車系,而安全性系選購汽車嘅重要指標。近日日本國土交通省嘅NASVA自動車事故對策機構公佈咗 2026 年「汽車碰撞安全性能評價 5 顆星」名單。

    由日本國土交通省NASVA自動車事故對策機構嘅名單評分項目包括,碰撞安全性滿分100分,預防性安全滿分91分,事故自動緊急通報系統滿分8分,總計199分。最終評分榜單如下。

    日本 NASVA 最安全 10 款車

    1.Subaru Crosstrek/Impreza,安全評分:193.53 分

    2.Toyota Crown Crossover,安全評分:188.39 分

    3.Subaru Levorg,安全評分:186.91 分

    4.Mazda CX-60,安全評分:186.77 分

    5.Toyota Voxy,安全評分:186.44 分

    6.Subaru Solterra,安全評分:186.16 分

    7.Honda ZR-V,安全評分:185.41 分

    8.Toyota Sienta,安全評分:185.33 分

    9.Subaru Outback,安全評分:185.02 分

    10.Toyota Crown Sedan,安全評分:184.3 分

    從以上榜單不難能發現,Subaru 車款安全性表現非常突出,尤其是 Subaru Crosstrek 與 Impreza 的評分已經逼近滿分,可見 Eyesight 駕駛輔助系統的強悍,同時整體碰撞安全性也備受肯定。

    另外,豐田也有4款車型上榜,尤其是皇冠系列,雙車型均獲得非常不錯嘅評價;而且不僅是本身定位較高嘅皇冠車系,入門級別嘅Sienta也能斬獲第八名。榜上多款車型均可在本港購買到,相信大家都可以從中獲得參考信息。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 市場萎縮又如何?寶馬雙門COUPE不會停

    市場萎縮又如何?寶馬雙門COUPE不會停

    從近幾年嘅銷售市場可以明顯睇到,雙門COUPE嘅品類車型需求正在萎縮,似乎大部分消費者會更加考慮到日常生活當中嘅使用便利性以及實際使用需求。不過寶馬廠商方面並沒有放棄這個細分市場,依舊準備推出第三代4系車型,而且 伴隨著同期3系換代,自然新4系不會是一個簡單的改款車型。按照寶馬一貫操作,第三代4系會是車型佈局中重要環節,大概率同時提供純電動車型以及燃油版,性能旗艦M4也會同時出現了。

    寶馬工程與研發主管Joachim Post近日在接受Autocar方面採訪時強調,4系目前在整個寶馬車型體系具有非常重要的戰略意義,由於寶馬4系本身於3系有共享研發嘅基礎,打造全新4系依舊有非常不錯的嘅經濟效益。

    「4系對我們係一款非常重要嘅車型」,Post係採訪中提到「4系更有運動感,而寶馬本身就係一個運動品牌,而且性能方面有非常深厚嘅底蘊,即使係未來同樣會係一個非常重要嘅角色存在。推出一款全新4系車型遠遠低於憑空打造一款全新車型,而且每次推出3系或者X3嘅同時,我們就會考慮到4系或者X4,力求協同工作,輕鬆在一個基礎上衍生出其他車型。」

    顯然平台化嘅出現,使得一眾廠商有了非常明確嘅開發邏輯以及便利性。同平台噶不同車型之間通過共享零部件以及開發平台,即使係一台產量較低嘅車型,也無需從來開始承擔全部開發成本,也使得類似4系這樣的車型可以有更好的生存空間以及競爭力。另外可以明確嘅係,寶馬新一代4系純電動以及燃油版將會基於兩個平台打造。燃油版將會與3系一樣採用升級版的CLAR平台,而純電動版本則採用Neue Klasse架構。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • GR Yaris 九冠版!新增Seb附體&森佐之魂按鈕

    GR Yaris 九冠版!新增Seb附體&森佐之魂按鈕

    為左紀念慶賀豐田攞咗WRC第九個世界冠軍,基於WRC戰車GR Yaris又推出咗一款九冠特別版,全名GR Yaris Sébastien Ogier 9x World Champion Edition,唔單只帶來了全新嘅Gazoo Racing空力套件,並和奪冠車手Sébastien Ogier聯手打造專屬嘅兩個駕駛模式,分別為Seb模式≈賽道模式、Morizo森佐模式≈碎石路模式。

    首先系Seb模式,正如法國車手Sébastien駕駛風格一樣非常激進採取前4后6嘅驅動分配模式。本身GR Yaris車身短嘅特點就非常靈敏,加上後輪獲得更多扭矩分配就令到彎道中異常靈敏,正是Seb所中意嘅競技風格。

    另個一個Morizo森佐模式,業內人都知道其實「森佐」就系老闆豐田章男親自落場參加拉力賽嘅車手化名,此處系用於碎石路模式。其實森佐模式都系由Sébastien參與開發,喺加速狀態下前後軸鎖死以獲得最大加速抓地力,減速或剎車時,則會鬆開獲得更靈活的動態。這也是車手在拉力賽中獲得嘅真實駕駛調教經驗。

    GR Yaris 九冠特別版計劃限量200架,一半會喺歐洲發售,而另一半則以抽籤嘅方式,喺日本本土發售。不過目前價格就未公佈。至於歐洲或者日本以外嘅地區想買到咧架車,只能通過海外進口嘅方式了。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • Moto GP 2026賽程,各陣營人事關係極其復雜!

    Moto GP 2026賽程,各陣營人事關係極其復雜!

    Moto GP 2026 新賽季啟程倒數已經唔夠一個月了,看點非常之多,馬王Marc Marquez可否10冠/Moto GP第八冠?滿血歸來前衛冕冠軍Jorge Martin可否幫助Aprilia廠隊拿下車隊總冠?Yamaha廠隊引擎大變革L4轉V4之後拉鏈仔Fabio Quartararo能否逆風翻盤?甚至乎揸KTM嘅西班牙陳小春、昔日新人王Pedro Acosta可否偷襲成功攞走幾個冠軍獎座咧?我哋拭目以待,先欣賞2026 Moto GP新賽車。

    Ducati Lenovo Team‌即係杜卡迪廠隊,車手保持Marc Marquez搭檔Francesco Bagnaia(Pecco)雙冠軍陣容。恰逢2026又系杜卡迪電單車廠100週年紀念,對應塗裝推出名為Rosso Centenario嘅啞光暗調紅色。但舊年Pecco全程不適應賽車,9冠王Marquez卻順利打破已退役8冠王Valentino Rossi嘅紀錄奪冠,這二人當年直接交鋒導致“Rossi Leg”事件結仇眾所周知,而Pecco正是Rossi嘅弟子,一直關注Moto GP嘅車迷應該知道的杜卡迪車隊光鮮背後嘅故事。

    Aprilia Racing即系Aprilia廠隊,車手Jorge Martin搭檔Marco Bezzecchi。Aprilia車隊2025以車隊第二結束賽季,自然成為了2026賽季車隊冠軍嘅頭號挑戰者!除了前衛冕冠軍西班牙車手Martin回歸,2025隊友Bezzecchi亦狀態神勇甚至一度壓制9冠王Marquez。但一樣神奇嘅人事關係,Marc Marquez作為西班牙老鄉曾經喺2024賽季守護Martin奪下1冠,而義大利車手Bezzecchi又系Rossi嘅入室弟子來嚄!

    為左表示全陣營上下齊心,KTM直接兩支車隊一齊發佈,分別系Red Bull KTM Factory Racing‌即KTM廠隊,車手Pedro Acosta搭檔Bred Binder;Red Bull KTM Tech 3‌ 即KTM二隊,車手Enea Bastianini搭檔Maverick Viñales。KTM陣營製勝策略簡單粗暴,除咗大力出奇跡,拿下Moto GP歷史最高直路尾速紀錄366Km/h;仲有4打2戰術,兩支車隊一視同仁,採取完全一樣嘅4架賽車不分一二隊;而且車手配置方面都系老車手搭稍微年輕嘅潛力車手,車手之間關係融洽,目前團隊凝聚力可謂全場最高,Bastianini好鬼靚仔!

    Monster Energy Yamaha MotoGP‌即Yamaha廠隊,車手Fabio Quartararo搭檔Alex Rins,陣容保持不變,系車隊第一年使用V4引擎參賽。雖然按照經驗未必會馬上展示出競爭力,不過我哋依舊期待歐洲大廠混戰中日本車隊嘅表現。

    Pertamina Enduro VR46 Racing Team,VR46車隊,顧名思義系由前世界冠軍46號車手Valentino Rossi組建嘅車隊,專門服務於VR46車手訓練營。車手Franco Morbidelli搭檔Fabio Di Giannantonio陣容依舊,其中Morbidelli系Rossi嘅大弟子。

    Trackhouse MotoGP Team,Aprilia嘅客戶車隊,屬於一支獨立車隊,中意發掘年輕有潛力嘅車手;小椋藍搭檔Raul Fernandez車手陣容照舊。小椋藍作為圍場唯一嘅日本車手GP第二年表現值得期待,加上Aprilia賽車並不缺乏競爭力領獎台可期。咦,點解兩架車唔同樣嘅?無錯,經典嘅海灣石油Gulf塗裝將會出現喺26賽季其中嘅5站比賽當中。

    Prima Pramac Yamaha MotoGP,Yamaha嘅客戶車隊,車手Jack Miller搭檔新隊友Toprak Razgatlioglu。雖然Yamaha新V4引擎實力有待觀察,但車隊大膽啟用了WSBK 3冠王,土耳其車手Razgatlioglu來搭檔非常之有經驗嘅澳洲車手Miller,一副車唔重要表現全憑個人能力嘅架勢。

    BK8 Gresini Racing MotoGP,Gresini車隊也屬於傳奇獨立車隊,系馬王Marc Marquez從本田車隊跌低重新爬起的地方,可謂有恩於Marquez咧個姓氏。目前車手陣容馬王親弟弟Alex Marquez搭檔Fermin Aldeguer。Alex技術特點同哥哥完全唔一樣(因體型高大),但同樣非常具備侵略性嘅駕駛風格深得我心,而且同樣系車手總冠軍的奪冠大熱。

    Honda HRC Castrol即係本田廠隊,車手方面由Suzuki嘅最後一個世界冠軍Joan Mir搭檔luca Marini,其中Luca大家都知道系Rossi同父異母的親弟弟,同樣也是VR46訓練營的學生。Honda LCR即係本田二隊,車手Johann Zarco搭檔Moto 2冠軍晉升的新人王,巴西車手Diogo Moreira。


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 小米投資嘅跑車項目可否拳打波子腳踢蓮花?

    小米投資嘅跑車項目可否拳打波子腳踢蓮花?

    唔系講笑,今次中國超跑造得真系有模有樣,純手工管陣結構車架,雙電機四輪電驅,429匹馬力,加速能力2.9秒破百,車重僅1365KG,前後F1同款推桿式懸掛。咧架車叫做SC-01,中國叫「小跑車」嘅項目,居然系由小米投資,由江鈴汽車掛牌JMEV許可生產,而且正準備系義大利落地組裝銷售,計劃先限量1000架。

    SC-01外部尺寸肉眼可見非常細粒,同911放一齊對比細咗一圈,大概同Cayman同一Size。車長僅為4.1米,甚至唔夠Apline A110咁長,不過性能上更指向高一級嘅911。至於內飾風格設計,都將會系極簡模式,一反中國大屏幕風,為左更加貼近賽車,更專注駕駛。

    搭載60Kwh嘅電池,CLTC環繞場地測試續航為500km,所以換算成實際公路續航大概打個八五折就差不多了。目前國內訂車價格就真系抵,只需要22.98萬CNY,如果之前有訂車嘅中國車迷就真係賺到了,因為歐洲上市嘅售價據公佈起碼50萬起步,有可能系6.1萬EUR,直接翻倍。

    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 我願稱之為“科技復古車”

    我願稱之為“科技復古車”

    寶馬新一代設計語言Neue Klasse,將會出現在未來多款車型之上。代號G84嘅下一代M3自然也不例外。現款G80/G82車頭巨大嘅雙腎設計,備受爭議,甚至遭到大量嘲諷,不過新一代3係將會採用Neue Klasse設計語言,寶馬嘅雙腎設計可能會重回“小尺寸”時代,整體設計風格上會更有“復古味”。

    根據此前iX3車型嘅實際設計,可以得知寶馬全新內飾設計會有濃烈嘅科技感。復古元素於科技設計碰撞,筆者認為寶馬正在打造一款“科技復古車”。

    此前S58直列六缸引擎在M POWER系列車型上無疑是非常成功嘅,坊間早已稱之為六缸“機皇”,至於下一代M3/M4是否會繼續搭載直列六缸引擎呢?不得而已,不過平治此前C63車型上使用直列四缸引擎嘅行為,被一種車迷所唾棄;相信BMW方面也會從中明白車迷所需,慎重考慮是否放棄直列六缸引擎。


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 三菱復活Pajaro有希望?

    三菱復活Pajaro有希望?

    此前曾有傳言稱,新款Pajaro可能會與日產共享平台,但最近的一份報告顯示,三菱正在獨立開發這款車型。多年沉寂過後,三菱汽車似乎要重振旗鼓,在東京改裝車展上,公司總裁加藤孝雄明確表示“我們將會在2026年推出一款全地形越野SUV”。

    結合最近發佈的預告片,以及据外媒体發佈嘅諜照,有一種讓車迷開始期待嘅Pajaro復活嘅感覺。目前市場上,真正嘅全地形SUV並不豐富,甚至可以講:豐田LC車系佔據絕對優勢。三菱此時推出全新車型,藉機復活Pajaro或許可以讓這個細分市場多一份新鮮感。

    Pajaro停產於2021年,結束了長達40年嘅輝煌歷程。基於三菱與日產雷諾聯盟關係,此前有不少傳言稱Pajaro將會與日產共享平台。不過外媒透露,三菱決定會完全自主研發新款Pajaro,其底盤將會與三菱Triton採用相同平台。動力方面預計會根據市場需要,推出柴油渦輪增壓引擎,汽油增壓引擎,甚至混合動力系統。

    以上係近期外媒發佈嘅相關諜照,方正車身非常符合車型傳統。目前定價尚未明確,不過可以肯定Pajaro入門車型會比Triton略高。日本媒體預測,售價約在550萬日圓到750萬日圓之間。


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 豐田MR2新車?不過係假嘅⋯⋯

    豐田MR2新車?不過係假嘅⋯⋯

    豐田係相當長嘅一段時間裡面,有意無意之間都在暗示即將推出一款全新嘅MR跑車。所有車迷都密切關注每一個蛛絲馬跡,從此前MR-S商標,GR傳聞等,都在說明全新豐田MR跑車並非遙不可及。因此,當所有人嘅目光都放在東京改裝車展嘅時候,豐田似乎同大家開了一個玩笑,發佈了一款具有深度越野能力嘅貨VAN;MR?似乎又沒錯嘅⋯⋯只不過失望啲⋯⋯

    有鑑於此,一個海外媒體根據自己多方構思,推出了一組非常逼真嘅假想渲染圖。著整體設計上可以睇到係構思中,MR-2將會係一台非常標準嘅MR跑車,設計靈感源自2021年豐田發佈嘅概念設想,並在當中融合如今GR車型嘅設計語言。

    至於下一代MR跑車會使用什麼引擎呢?從目前已知信息:GR正在打造一款全新兩公升渦輪增壓引擎,1.6公升引擎依舊會服役於不同車型,是否意味日後這款MR跑車會出現類似此前一代二代同樣嘅高低配搭配呢?拭目以待!


    圖片均來自網絡,觀點僅代表作者個人;如果冒犯倍感抱歉,請立刻聯繫我們。

  • 2026本田F1引擎露面,馬田本田合作打造NSX?

    2026本田F1引擎露面,馬田本田合作打造NSX?

    首先第一個新聞先,雅士頓·馬田F1車隊(Aston Martin)同本田(Honda)合作開發嘅2026新規引擎首次露面,並點火成功,咧副引擎將會搭載喺馬田F1 2026賽季嘅新賽車上面。咁面對FIA已經默認“合法偷改”嘅平治(Mercedes)、紅牛-福特(RedBull-Ford)引擎更高壓縮比的優勢,馬田嘅本田F1引擎又如何應對呢?

    首先肉眼可見對比紅牛本田引擎,馬田車隊本田F1引擎嘅MGU-K從缸蓋下,移動到引擎前方,和新規例下巨大嘅電池並列佈局,成副機器呈現修長設計。極有可能應空力大師兼馬田車隊領隊亞德裡安·紐維(Adrian Newey)要求,為空力設計讓路,引擎設計緊湊化低風阻化特點,為超緊湊側箱讓出通道。先不論引擎馬力輸出如何,馬田2026 F1整車空力效果未來可期。

    當然性能方面貌似本田引擎並無擺爛,MGU-K嘅轉速由紅牛時代嘅5萬Rpm,大幅提升到6萬Rpm。同時仲有利好消息關於本田老闆三部俊宏(下右)不否認會利用F1方面的技術積累,開發屬於自己嘅超級跑車,甚至類似於雅士頓·馬田Valkyrie咁樣,咁大膽猜測會唔會系萬眾期待嘅NSX,以深度F1技術加持嘅姿態王者歸來呢?


    圖片均來自網絡,觀點僅代表作者個人;如果冒犯倍感抱歉,請立刻聯繫我們。